Success Story: 17 ವರ್ಷಕ್ಕೆ ಓಯೋ ರೂಮ್ಸ್ ಶುರು ಮಾಡಿದ ಯುವಕ ಇಂದು ₹800 ಕೋಟಿ ಒಡೆಯ

ರಿತೇಶ್ ಅಗರ್ವಾಲ್ ಒಡಿಶಾದ ಚೋಟೈಶಾ ಗ್ರಾಮದಲ್ಲಿ ಜನಿಸಿದರು. ರಿತೇಶ್ ಅಗರ್ವಾಲ್ 16 ನವೆಂಬರ್ 1993 ರಂದು ಜನಿಸಿದ್ದಾರೆ. ಈಗ ಓಯೋ ರೂಮ್ಸ್ ಸಂಸ್ಥಾಪಕ ರಿತೇಶ್ ಜಾಗತಿಕ ಶ್ರೀಮಂತರ ಪಟ್ಟಿಗೆ ಸೇರಿದ್ದಾರೆ.

ರಿತೇಶ್ ಪ್ರಕಾರ, ಅವರು ವಿಶ್ವದ ಅತ್ಯಂತ ಕಿರಿಯ ಶ್ರೀಮಂತ. 24 ನೇ ವಯಸ್ಸಿನಲ್ಲಿ ರಿತೇಶ್ ಸುಮಾರು 7,800 ಕೋಟಿ ಮೌಲ್ಯದ ಆಸ್ತಿಯನ್ನು ಹೊಂದಿದ್ದರು. ಚಿಕ್ಕ ವಯಸ್ಸಿಗೆ ದೊಡ್ಡ ಸಾಧನೆ ಮಾಡಿದ್ದರು.

ರಿತೇಶ್ ಓಯೊ ರೂಮ್ಸ್ ಅನ್ನು ಪ್ರಾರಂಭಿಸುವ ಮೊದಲು 2012 ರಲ್ಲಿ ಓರವಲ್ ಸ್ಟೇಸ್ ಆನ್ ಲೈನ್ ರೂಮ್ ಬುಕ್ಕಿಂಗ್ ಕಂಪನಿಯನ್ನು ಪ್ರಾರಂಭಿಸಿದರು. ರಿತೇಶ್ ಅವರ ಕಲ್ಪನೆಯು ವಿಶಿಷ್ಟವಾಗಿದ್ದ ಕಾರಣ ಗುರ್ಗಾಂವ್ ನ ಮನೀಶ್ ಸಿನ್ಹಾ ಒರ್ವಾಲ್ ನಲ್ಲಿ ಹೂಡಿಕೆ ಮಾಡಿದರು. ನಂತರ ಸಹ-ಸಂಸ್ಥಾಪಕರೂ ಆದರು.

ರಿತೇಶ್ ತನ್ನ ಆರಂಭಿಕ ಶಿಕ್ಷಣವನ್ನು ಹಿಸಾಚ್ ಜಿಲ್ಲೆಯ ಶಾಲೆಯಿಂದ ಪಡೆದಿದ್ದಾರೆ. ನಂತರ ಹೆಚ್ಚಿನ ಶಿಕ್ಷಣಕ್ಕಾಗಿ ದೆಹಲಿಗೆ ಹೋದರು. ಅಲ್ಲಿ ಇಂಡಿಯನ್ ಸ್ಕೂಲ್ ಆಫ್ ಬ್ಯುಸಿನೆಸ್ ಅಕಾಡೆಮಿಯಲ್ಲಿ ಪ್ರವೇಶ ಪಡೆದರು.

ರಿತೇಶ್ ಪ್ರಸ್ತುತ ಐಐಟಿ ಮತ್ತು ಐಐಎಂಗಳಂತಹ ಸಂಸ್ಥೆಗಳಿಂದ ಶಿಕ್ಷಣ ಪಡೆದ ಜನರ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಕಾಲೇಜ್ ಡ್ರಾಪ್ ಔಟ್ ಆದವರನ್ನು ಬುದ್ಧವಂತರು ಎಂದು ಭಾರತದಲ್ಲಿ ನೋಡುವುದೇ ಇಲ್ಲ. ಆದರೆ ಪರಿಸ್ಥಿತಿ ಬದಲಾಗುತ್ತಿದೆ ಎಂದು ರಿತೇಶ್ ವಿಶ್ವಾಸ ವ್ಯಕ್ತಪಡಿಸಿದರು.

ನೀವು ಯಾವುದೇ ರೀತಿಯ ಸಾಧನೆ ಮಾಡಬೇಕೆಂದರೂ ನಿಮ್ಮ ಸಾಮರ್ಥ್ಯವನ್ನು ನೀವು ನಂಬಬೇಕು. ಆತ್ಮವಿಶ್ವಾಸ ಒಂದಿದ್ದರೆ ಯಾವ ಸಾಧನೆ ಬೇಕಾದರೂ ಮಾಡಬಹುದು ಎಂದು ರಿತೇಶ್ ಅಗರ್ವಾಲ್ ಯುವಕರಿಗೆ ಸಲಹೆ ನೀಡುತ್ತಾರೆ.

ಓಯೋ ರೂಮ್ಸ್ ಯಾವುದೇ ಸ್ವಂತದ ಹೋಟೆಲ್-ರೆಸ್ಟೋರೆಂಟ್ ಅನ್ನು ಹೊಂದಿಲ್ಲ. ಝೋಮ್ಯಾಟೋ, ಸ್ವಿಗ್ಗಿ ಕಂಪನಿಗಳು ಕೂಡ ತನ್ನದೇ ಆದ ಹೋಟೆಲ್ ಅನ್ನು ಹೊಂದಿಲ್ಲ. ಒಂದು ವಿಶಿಷ್ಟ ಯೋಚನೆಯೊಂದಿಗೆ ಶುರುವಾದ ಆನ್ ಲೈನ್ ಬ್ಯುಸಿನೆಸ್ ಇಂದು ಸಾವಿರಾರು ಕೋಟಿಗಳನ್ನು ಮುಟ್ಟಿದೆ. ಅದಕ್ಕೆ ಓಯೋ ರೂಮ್ಸ್ ಯಶಸ್ಸೇ ಸಾಕ್ಷಿ. (ಪ್ರಾತಿನಿಧಿಕ ಚಿತ್ರ)