UPSC Success Story: ತಂದೆಗೆ ಸಾಧ್ಯವಾಗದ್ದನ್ನು ಮಗಳು ಸಾಧಿಸಿ ತೋರಿಸಿದಳು, 22 ವರ್ಷಕ್ಕೆ ದೊಡ್ಡ ಆಫೀಸರ್

ದೊಡ್ಡ ಅಧಿಕಾರಿಯಾಗುವ ತಂದೆಯ ಕನಸು ನನಸಾಗಲೇ ಇಲ್ಲ. ಅದನ್ನು ಮಗಳು ಪೂರೈಸುವ ಮೂಲಕ ಉನ್ನತ ಹುದ್ದೆಗೇರಿದ್ದಾರೆ. ಆ ಹೆಮ್ಮೆಯ ಪುತ್ರಿಯ ಹೆಸರು ಸಾಕ್ಷಿ ಗರ್ಗ್. ಉತ್ತರ ಪ್ರದೇಶದ ಸೋನಭದ್ರ ಜಿಲ್ಲೆಯ ನಿವಾಸಿಯಾದ ಇವರು ಚಿಕ್ಕ ವಯಸ್ಸಿನಲ್ಲಿಯೇ ಸರ್ಕಾರಿ ಅಧಿಕಾರಿಯಾಗುವ ಮೂಲಕ ಸಾಧನೆ ಮಾಡಿದ್ದಾರೆ.

2018 ರಲ್ಲಿ UPSC ಪರೀಕ್ಷೆಯ ಫಲಿತಾಂಶ ಬಿಡುಗಡೆಯಾದಾಗ ಸಾಕ್ಷಿ ಗಾರ್ಗ್ ಅವರ ಹೆಸರು ದೊಡ್ಡದಾಗಿ ಕೇಳಿ ಬಂತಿತ್ತು. ಸಾಕ್ಷಿ ಅವರ ತಂದೆ ಸಿವಿಲ್ ಸರ್ವಿಸ್ ಗೆ ಸೇರಲು ಬಯಸಿದ್ದರು, ಆದರೆ ಕೆಲವು ಕಾರಣಗಳಿಂದ ಅವರ ಕನಸು ನನಸಾಗಲಿಲ್ಲ. ಮುಂದೆ ಅವರ ಮಗಳು ಆ ಕನಸನ್ನು ಪೂರೈಸಿದರು.

IRS ಸಾಕ್ಷಿ ಗಾರ್ಗ್ ಉತ್ತರ ಪ್ರದೇಶದ ರಾಬರ್ಟ್ಸ್ ಗಂಜ್ ಪ್ರದೇಶದಿಂದ UPSC ಪರೀಕ್ಷೆಯಲ್ಲಿ ಯಶಸ್ವಿಯಾದ ಮೊದಲ ಅಭ್ಯರ್ಥಿ. ಸಾಕ್ಷಿ ಅವರ ತಂದೆ ಕೃಷ್ಣ ಕುಮಾರ್ ಗಾರ್ಗ್ ಅವರು ವೃತ್ತಿಯಲ್ಲಿ ಉದ್ಯಮಿ, ತಾಯಿ ರೇಣು ಗಾರ್ಗ್ ಗೃಹಿಣಿ.

ಸಾಕ್ಷಿ ಅವರು ಮೊದಲಿನಿಂದಲೂ ಅಧ್ಯಯನದಲ್ಲಿ ತುಂಬಾ ಚುರುಕಾಗಿದ್ದರು. ತಮ್ಮ ಕಠಿಣ ಪರಿಶ್ರಮದಿಂದ ಇಂದು ದೊಡ್ಡ ಹುದ್ದೆಗೇರಿದ್ದಾರೆ.

ಯುಪಿಎಸ್ ಸಿ ಪರೀಕ್ಷೆಯಲ್ಲಿ ಯಶಸ್ವಿಯಾದ ಸಾಕ್ಷಿ ಗಾರ್ಗ್ 10 ನೇ ತರಗತಿಯಲ್ಲಿ ಶೇಕಡಾ 76.1 ಅಂಕಗಳನ್ನು ಪಡೆದಿದ್ದರು. ಪ್ರಕಾಶ್ ಜೀನಿಯಸ್ ಇಂಟರ್ ಕಾಲೇಜಿನಲ್ಲಿ ಪಿಯು ಓದಿದ್ದಾರೆ. ಅದರಲ್ಲಿ ಅವರು ಶೇಕಡಾ 81.4 ಅಂಕಗಳನ್ನು ಪಡೆದಿದ್ದಾರೆ. ನಂತರ, ಅವರು ಕಲಾ ವಿಭಾಗದಲ್ಲಿ ಪದವಿ ಮಾಡಿದರು. ಶೇಕಡಾ 61 ಅಂಕಗಳೊಂದಿಗೆ ಉತ್ತೀರ್ಣರಾದರು.

ಸಾಕ್ಷಿ ಅವರಿಗೆ UPSC ಸಂದರ್ಶನದಲ್ಲಿ ಹಿಂದೂ-ಮುಸ್ಲಿಂ ಹಬ್ಬಗಳಿಗೆ ಸಂಬಂಧಿಸಿದ ಪ್ರಶ್ನೆಯನ್ನು ಕೇಳಲಾಯಿತು. ಅವರ ಉತ್ತರವನ್ನು ಕೇಳಿ, ಸಂದರ್ಶನ ಸಮಿತಿಯಲ್ಲಿದ್ದ ತೀರ್ಪುಗಾರರು ಸಾಕಷ್ಟು ಪ್ರಭಾವಿತರಾದರು.

ಸಾಕ್ಷಿ ಗಾರ್ಗ್ ಯುಪಿಎಸ್ಸಿ ಪರೀಕ್ಷೆಯಲ್ಲಿ ಇತಿಹಾಸವನ್ನು ಐಚ್ಛಿಕ ವಿಷಯವಾಗಿ ಆಯ್ಕೆ ಮಾಡಿಕೊಂಡಿದ್ದರು. ಯುಪಿಎಸ್ ಸಿ ಅಲ್ಲಿ ತೆಗೆದಿರುವ ರ್ಯಾಂಕ್ ಬಗ್ಗೆ ಸಾಕ್ಷಿಗೆ ತೃಪ್ತಿ ಇಲ್ಲ. ಹಾಗಾಗಿ ಮತ್ತೊಮ್ಮೆ ಯುಪಿಎಸ್ಸಿ ಪರೀಕ್ಷೆಗೆ ಹಾಜರಾಗಲು ತಯಾರಿ ನಡೆಸಿದ್ದಾರೆ. ಐಎಎಸ್ ಅಧಿಕಾರಿಯಾಗಬೇಕು ಎಂದು ಸಾಕ್ಷಿ ಬಯಸಿದ್ದಾರೆ.