UPSC Success Story: ಮದುವೆಯಾದ 15 ದಿನಗಳಲ್ಲೇ ಕೈಕೊಟ್ಟ NRI ಗಂಡ: ನೋವು ನುಂಗಿಕೊಂಡಾಕೆ ಈಗ ದೊಡ್ಡ ಅಧಿಕಾರಿ

ಇವರು ಗುಜರಾತಿನ ಅಮ್ರೇಲಿ ಜಿಲ್ಲೆಯ ನಿವಾಸಿ ಕೋಮಲ್ ಗಣತ್ರಾ. ಮದುವೆಯಾದ 15 ದಿನಗಳಲ್ಲೇ ಕೋಮಲ್ ಅವರ ಪತಿ ಅವರನ್ನು ತೊರೆದಿದ್ದರು. ಈ ನೋವನ್ನು ನುಂಗಿಕೊಂಡ ಅವರು ಛಲ ಬಿಡದೆ UPSC ಪರೀಕ್ಷೆಯಲ್ಲಿ ಯಶಸ್ವಿಯಾದರು.

ಗುಜರಾತ್ ನಲ್ಲಿ ಐಆರ್ ಎಸ್ ಕೋಮಲ್ ಗಣತ್ರ ಅವರ ಹೋರಾಟದ ಕಥೆ ಎಲ್ಲರಿಗೂ ಗೊತ್ತಿದೆ . ಕೋಮಲ್ ಗಣತ್ರ ಅವರು ಗುಜರಾತ್ ನ ಅಮ್ರೇಲಿ ಜಿಲ್ಲೆಯ ಸಾವರ್ಕುಂಡ್ಲಾ ಗ್ರಾಮದಲ್ಲಿ 1982 ರಲ್ಲಿ ಜನಿಸಿದರು. ಬಾಲ್ಯದಿಂದಲೂ ಕೋಮಲ್ ವಿದ್ಯಾಭ್ಯಾಸದಲ್ಲಿ ತುಂಬಾ ಚುರುಕಾಗಿದ್ದರು.

ಮುರಿದು ಬಿದ್ದ ಮದುವೆ ಕೋಮಲ್ ಅವರ ಸ್ವಾಭಿಮಾನವನ್ನು ಘಾಸಿಗೊಳಿಸಿತು. ಆದರೆ, ಅದರಿಂದ ದುರ್ಬಲರಾಗುವ ಬದಲು ಕಷ್ಟಪಟ್ಟು ಓದಿ ಯುಪಿಎಸ್ ಸಿ ಪರೀಕ್ಷೆಯಲ್ಲಿ ತೇರ್ಗಡೆಯಾಗುವ ಮೂಲಕ ಬದುಕು ಕಟ್ಟಿಕೊಂಡರು.

2008 ರಲ್ಲಿ, 26 ನೇ ವಯಸ್ಸಿನಲ್ಲಿ ಕೋಮಲ್ ನ್ಯೂಜಿಲೆಂಡ್ ನಲ್ಲಿ ವಾಸಿಸುವ ಶೈಲೇಶ್ ಎಂಬುವರನ್ನು ವಿವಾಹವಾದರು. ಮದುವೆಯಾದ ಕೇವಲ 15 ದಿನಗಳಲ್ಲಿ ವರದಕ್ಷಿಣೆಗಾಗಿ ಕಿರುಕುಳ ನೀಡುತ್ತಿದ್ದರು. ಈ ನಡುವೆ ಶೈಲೇಶ್ ನ್ಯೂಜಿಲೆಂಡ್ ಗೆ ಹೋಗಿ ಕೋಮಲ್ ಜತೆಗಿನ ಸಂಪರ್ಕ ಕಡಿದುಕೊಂಡಿದ್ದರು.

ನಂತರ ಕೋಮಲ್ ತನ್ನ ತಾಯಿಯ ಮನೆಗೆ ಮರಳಿದ್ದಳು. ಆದರೆ ಸ್ಥಳೀಯರು ಮತ್ತು ಸಂಬಂಧಿಕರ ವ್ಯಂಗ್ಯದಿಂದ ಮನನೊಂದ ಆಕೆ ಅಲ್ಲಿಂದ ಹೊರಟು ಹೋದದು. ಅಷ್ಟೊತ್ತಿಗಾಗಲೇ ಅವರಿಗೆ ಸರ್ಕಾರಿ ಶಿಕ್ಷಕರ ಕೆಲಸ ಸಿಕ್ಕಿತ್ತು.

ಮದುವೆಗೂ ಮುನ್ನ ಕೋಮಲ್ ಗುಜರಾತ್ ಲೋಕಸೇವಾ ಆಯೋಗದ ಮುಖ್ಯ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದ್ದರು. ಆದರೆ ಆಕೆಗೆ ಸಂದರ್ಶನಕ್ಕೆ ಹೋಗಲು ಸಾಧ್ಯವಾಗಲಿಲ್ಲ. ಹಾಗಾಗಿಯೇ ಈ ಸರ್ಕಾರಿ ನೌಕರಿಯ ಅವಕಾಶ ಅವರ ಕೈ ತಪ್ಪಿ ಹೋಗಿತ್ತು.

ಮದುವೆ ಮುರಿದುಬಿದ್ದ ನಂತರ, ಕೋಮಲ್ ತನ್ನ ಮನೆಯಿಂದ ದೂರದ ಹಳ್ಳಿಯಲ್ಲಿ ವಾಸಿಸಲು ಪ್ರಾರಂಭಿಸಿದರು. ಆ ಹಳ್ಳಿಯಲ್ಲಿ ಇಂಟರ್ ನೆಟ್ ಸೌಲಭ್ಯವಾಗಲಿ, ಇಂಗ್ಲಿಷ್ ಪತ್ರಿಕೆಯಾಗಲಿ ಇರಲಿಲ್ಲ. ಇದರ ಹೊರತಾಗಿಯೂ, ಅವರು ತಮ್ಮ ತಯಾರಿಯನ್ನು ಮುಂದುವರೆಸಿದರು. ಆ ಸಮಯದಲ್ಲಿ ಅವರು ಶಾಲೆಯೊಂದರಲ್ಲಿ ಶಿಕ್ಷಕಿಯಾಗಿಯೂ ಕೆಲಸ ಮಾಡುತ್ತಿದ್ದರು.

ಕೋಮಲ್ ಗಣತ್ರಾ ಯುಪಿಎಸ್ಸಿ ಪರೀಕ್ಷೆಗೆ 3 ಬಾರಿ ಪ್ರಯತ್ನಿಸಿ ವಿಫಲರಾಗಿದ್ದರು. 2012 ರಲ್ಲಿ, ಅವರು UPSC ಪರೀಕ್ಷೆಯಲ್ಲಿ 591 ನೇ ರ್ಯಾಂಕ್ ಪಡೆಯುವ ಮೂಲಕ IRS ಅಧಿಕಾರಿಯಾದರು. ಯುಪಿಎಸ್ ಸಿ ಪರೀಕ್ಷೆಗೆ ತಯಾರಿ ನಡೆಸುವಾಗ ಒಂದು ದಿನವೂ ರಜೆ ತೆಗೆದುಕೊಂಡಿರಲಿಲ್ಲ. ಶಾಲೆಗೆ ವಾರದ ರಜೆ ಇದ್ದ ದಿನ ಹೆಚ್ಚುವರಿಯಾಗಿ ಓದುತ್ತಿದ್ದರು.

ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ ಯಶಸ್ವಿಯಾದ ನಂತರ, ಕೋಮಲ್ ತಮ್ಮ ಜೀವನಕ್ಕೆ ಎರಡನೇ ಅವಕಾಶವನ್ನು ನೀಡಿದರು. ಗುಜರಾತ್ ಹೈಕೋರ್ಟ್ ನಲ್ಲಿ ನ್ಯಾಯಾಂಗ ಅಧಿಕಾರಿಯಾಗಿರುವ ಮೋಹಿತ್ ಶರ್ಮಾ ಅವರನ್ನು 2ನೇ ಮದುವೆಯಾದರು. ದಂಪತಿಗೆ ತಕ್ಷವಿ ಎಂಬ ಮುದ್ದಾದ ಮಗಳಿದ್ದಾಳೆ. ಕೋಮಲ್ ಗಣತ್ರ ಅವರ ಜೀವನ ಎಲ್ಲಾ ಹುಡುಗಿಯರಿಗೆ ಒಂದು ದೊಡ್ಡ ಪಾಠ ಅಂತಲೇ ಹೇಳಬಹುದು.