UPSC Success Story: ಸತತ ಸೋಲುಗಳ ಬಳಿಕ ಕೊನೆಗೂ IRS ಅಧಿಕಾರಿಯಾದ ಸುಂದರಿ ಈ ದೇವಯಾನಿ

ಇಂದು ಕೂಡ ಅಂತಹ ಒಬ್ಬರು ಸಾಧಕಿಯ ಕಥೆಯನ್ನು ಕೇಳಲಿದ್ದೇವೆ. ಈ ಕಥೆಯ ನಾಯಕಿಯ ಹೆಸರು ದೇವಯಾನಿ ಸಿಂಗ್. ನೋಡಲು ಸಿನಿಮಾ ನಟಿಯಂತೆ ಕಾಣುವ ಈಕೆ ನಿಜಕ್ಕೂ ಪ್ರತಿಭಾವಂತೆ. ಸದ್ಯ IRS ಅಧಿಕಾರಿಯಾಗಿರುವ ಇವರ ಸಾಧನೆಯ ಸ್ಟೋರಿ ಇಲ್ಲಿದೆ.

IRS ದೇವಯಾನಿ ಸಿಂಗ್ ಹರಿಯಾಣದ ನಿವಾಸಿ. ಅವರ ತಂದೆ ವಿನಯ್ ಸಿಂಗ್ ಹಿಸಾರ್ನ ವಿಭಾಗೀಯ ಆಯುಕ್ತರಾಗಿದ್ದಾರೆ. ತಂದೆಯಂತೆಯೇ ಸರ್ಕಾರಿ ಅಧಿಕಾರಿ ಆಗುವ ಕನಸ್ಸನ್ನು ಕಂಡಿದ್ದರು. ಆದರೆ ಇದಕ್ಕಾಗಿ UPSC ಪರೀಕ್ಷೆಯಲ್ಲಿ ತೇರ್ಗಡೆಯಾಗುವುದು ಸುಲಭವಲ್ಲ. ಅನೇಕ ಬಾರಿ ಪ್ರಯತ್ನಿಸಿ ವಿಫಲವಾಗಿದ್ದರೂ, ದೇವಯಾನಿ ಸಿಂಗ್ ಎಂದಿಗೂ ತನ್ನ ಛಲವನ್ನು ಬಿಟ್ಟು ಕೊಡಲಿಲ್ಲ.

ದೇವಯಾನಿ ಸಿಂಗ್ ಅವರು 2015, 2016, 2017, 2019 ಮತ್ತು 2021 ರಲ್ಲಿ UPSC ಪರೀಕ್ಷೆಗೆ ಹಾಜರಾಗಿದ್ದರು. ನೀಡಿದ್ದರು. ತನ್ನ ಮೊದಲ ಮತ್ತು ಎರಡನೇ ಪ್ರಯತ್ನದಲ್ಲಿ ದೇವಯಾನಿಗೆ ಪೂರ್ವ ಪರೀಕ್ಷೆಯಲ್ಲಿ ತೇರ್ಗಡೆಯಾಗಲು ಸಾಧ್ಯವಾಗಲಿಲ್ಲ.

2017 ರಲ್ಲಿ, ಅವರು ಸಂದರ್ಶನದ ಸುತ್ತನ್ನು ತಲುಪಿದ್ದರು. ಆದರೆ ಅಂತಿಮ ಪಟ್ಟಿಯಲ್ಲಿ ಅವರ ಹೆಸರು ಇರಲಿಲ್ಲ. ಇದರ ಹೊರತಾಗಿಯೂ ಅವರು ಛಲ ಬಿಡಲಿಲ್ಲ. 2019 ರ ಪರೀಕ್ಷೆಯಲ್ಲಿ 222 ನೇ ರ್ಯಾಂಕ್ ಪಡೆಯುವಲ್ಲಿ ಯಶಸ್ವಿಯಾದರು. ಆಗ ದೇವಯಾನಿ ಸಿಂಗ್ ಕೇಂದ್ರ ಲೆಕ್ಕ ಪರಿಶೋಧನಾ ಇಲಾಖೆಗೆ ಆಯ್ಕೆಯಾದರು.

ಆದರೆ ದೇವಯಾನಿ ತಮ್ಮ ಯುಪಿಎಸ್ ಸಿ ರ್ಯಾಂಕ್ ಅನ್ನು ಉತ್ತಮಪಡಿಸಿಕೊಳ್ಳಲು ಮುಂದಾದರು. ಕೇಂದ್ರ ಲೆಕ್ಕಪರಿಶೋಧನಾ ಇಲಾಖೆಯಲ್ಲಿ ತರಬೇತಿಯ ಜೊತೆಗೆ, ದೇವಯಾನಿ ಸಿಂಗ್ ಮತ್ತೆ ಯುಪಿಎಸ್ ಸಿ ಪರೀಕ್ಷೆಗೆ ತಯಾರಿಯನ್ನು ಮುಂದುವರೆಸಿದರು. ಅವರ ಪರಿಶ್ರಮದ ಆಧಾರದ ಮೇಲೆ ಮುಂದಿನ ಪ್ರಯತ್ನದಲ್ಲಿ 11ನೇ ರ್ಯಾಂಕ್ ಗಳಿಸಿದರು.

ದಿನಕ್ಕೆ 10 ಗಂಟೆಗಳ ಓದಿ ಪರೀಕ್ಷೆಗೆ ತಯಾರಿ ನಡೆಸಿದ್ರು. ಅವರು ಸಸ್ಯಶಾಸ್ತ್ರವನ್ನು ಐಚ್ಛಿಕ ವಿಷಯವಾಗಿ ತೆಗೆದುಕೊಂಡಿದ್ದರು. 2019 ರಲ್ಲಿ, ದೇವಯಾನಿ ಅವರು ರಾಜಸ್ಥಾನ ಸಿವಿಲ್ ಸೇವೆಗೆ ಆಯ್ಕೆಯಾದರು.

IRS ದೇವಯಾನಿ ಸಿಂಗ್ ತನ್ನ 10 ನೇ ಮತ್ತು 12 ನೇ ತರಗತಿಯನ್ನು ಚಂಡೀಗಢದ SH ಹಿರಿಯ ಮಾಧ್ಯಮಿಕ ಶಾಲೆಯಲ್ಲಿ ಓದಿದ್ದಾರೆ. ಇದಾದ ನಂತರ 2014ರಲ್ಲಿ ಬಿಐಟಿಎಸ್ ಪಿಲಾನಿಯಲ್ಲಿ ಎಂಜಿನಿಯರಿಂಗ್ ಪದವಿ ಪಡೆದರು. ಪದವಿ ಮುಗಿದ ಕೂಡಲೇ 2015ರಿಂದಲೇ UPSC ಪರೀಕ್ಷೆಗೆ ತಯಾರಿ ಆರಂಭಿಸಿದ್ದರು.