UPSC Success Story: ಬ್ಯಾಂಕ್ ಉದ್ಯೋಗ ಮಾಡಿಕೊಂಡು, ಯಾವುದೇ ಕೋಚಿಂಗ್ ಸಹಾಯವಿಲ್ಲದೆ IRS ಆದ ಚಂದ್ರಶೇಖರ್

ರಾಜಸ್ಥಾನದ ನಿವಾಸಿ ಚಂದ್ರಶೇಖರ್ ಮೀನಾ ಅವರಿಗೆ ಐಆರ್ ಎಸ್ ಅಧಿಕಾರಿಯಾಗುವುದು ಅಷ್ಟು ಸುಲಭವಾಗಿರಲಿಲ್ಲ. ಈ ಗಮ್ಯಸ್ಥಾನವನ್ನು ತಲುಪಲು ಅವರು ಸಾಕಷ್ಟು ಶ್ರಮದೊಂದಿಗೆ ಹಲವು ವರ್ಷಗಳ ಕಾಲ ಕಾಯಬೇಕಾಯಿತು. ಪ್ರಸ್ತುತ ಚಂದ್ರಶೇಕರ್ ಕೋಲ್ಕತ್ತಾದ ಹಲ್ದಿಯಾದಲ್ಲಿ ಸಹಾಯಕ ಆಯುಕ್ತರಾಗಿ ನೇಮಕಗೊಂಡಿದ್ದಾರೆ.

ಐಐಟಿಯಲ್ಲಿ ಓದಿದ ನಂತರ ಬ್ಯಾಂಕ್ ನಲ್ಲಿ ಉದ್ಯೋಗಿಯಾಗಿದ್ರು. ಫುಲ್ ಟೈಂ ಉದ್ಯೋಗದೊಂದಿಗೆ UPSC ಪರೀಕ್ಷೆಗೆ ತಯಾರಿ ನಡೆಸುವುದು ಸುಲಭವಲ್ಲ. ಆದರೆ ಚಂದ್ರಶೇಖರ್ ಅದನ್ನು ಮಾಡಿ ತೋರಿಸಿದ್ದಾರೆ. ದುಪ್ಪಟ್ಟು ಶ್ರಮ ಹಾಕಿ ತಮ್ಮ ಕನಸನ್ನು ನನಸಾಗಿಸಿ ನಾಗರಿಕ ಸೇವೆಗೆ ಸೇರುವ ಮೂಲಕ ಐಆರ್ ಎಸ್ ಅಧಿಕಾರಿಯಾಗಿದ್ದಾರೆ.

ಚಂದ್ರಶೇಖರ್ ಮೀನಾ ಅವರು 1991ರ ಅಕ್ಟೋಬರ್ 31ರಂದು ರಾಜಸ್ಥಾನದ ದೌಸಾದಲ್ಲಿ ಜನಿಸಿದರು. ಅವರ ತಂದೆ ಸ್ಟೇಟ್ ಬ್ಯಾಂಕ್ ಆಫ್ ಬಿಕಾನೇರ್ ಮತ್ತು ಜೈಪುರ ನಲ್ಲಿ ಗುಮಾಸ್ತರಾಗಿದ್ದರು. ತಾಯಿ ಗೃಹಿಣಿಯಾಗಿದ್ದು, ಸಹೋದರಿ ಸ್ಟೇಟ್ ಬ್ಯಾಂಕ್ ಆಫ್ ಇಂಡಿಯಾದಲ್ಲಿ ಕೆಲಸ ಮಾಡುತ್ತಿದ್ದಾರೆ.

ಚಂದ್ರಶೇಖರ್ ತಮ್ಮ ಶಾಲಾ ಶಿಕ್ಷಣವನ್ನು ರಾಜಸ್ಥಾನದ ಹನುಮಾನ್ ಗಢದಲ್ಲಿ ಮಾಡಿದರು. 10ನೇ ತರಗತಿಯಲ್ಲಿ 82.6% ಮತ್ತು 12ನೇ ತರಗತಿಯಲ್ಲಿ 84.2% ಅಂಕಗಳನ್ನು ಪಡೆದಿದ್ದರು. ಇದರ ನಂತರ ಅವರು ಐಐಟಿ ಐಎಸ್ಎಂ ಧನ್ ಬಾದ್ ನಿಂದ ಪದವಿ ಪಡೆದರು. ಪದವಿ ಮುಗಿದ ಕೂಡಲೇ ಶೇಖರ್ ಸ್ವಯಂ ಅಧ್ಯಯನ ಮೂಲಕ UPSC ಪರೀಕ್ಷೆಗೆ ತಯಾರಿ ಆರಂಭಿಸಿದರು.

ಪದವಿಯ ನಂತರ ಅವರು ಗುಜರಾತ್ ರಾಜ್ಯ ಪೆಟ್ರೋಲಿಯಂ ಕಾರ್ಪೊರೇಶನ್ ನಲ್ಲಿ 1 ವರ್ಷ ಕೆಲಸ ಮಾಡಿದರು. ನಂತರ 1 ವರ್ಷ ಕೋಟಾದ ಎಸ್ಬಿಐ, ಮಹಾವೀರನಗರ ಶಾಖೆಯಲ್ಲಿ ಪಿಒ ಆಗಿ ಕೆಲಸ ಮಾಡಿದೆ ಇದಾದ ನಂತರ, ನವಿ ಮುಂಬೈನಲ್ಲಿರುವ ಭಾರತೀಯ ರಿಸರ್ವ್ ಬ್ಯಾಂಕ್ ನಲ್ಲಿ 4 ವರ್ಷಗಳ ಕಾಲ ವ್ಯವಸ್ಥಾಪಕರಾಗಿ ಕೆಲಸ ಮಾಡಿದರು.

ಪೂರ್ಣ ಸಮಯದ ಕೆಲಸದ ಕಾರಣ, ಚಂದ್ರಶೇಖರ್ ಅವರಿಗೆ ಯುಪಿಎಸ್ ಸಿ ಕೋಚಿಂಗ್ ಗೆ ಸೇರಲು ಸಾಧ್ಯವಾಗಲಿಲ್ಲ. ಅವರು ಆನ್ ಲೈನ್ ಸ್ಟಡಿ ಮೆಟೀರಿಯಲ್, ಯೂಟ್ಯೂಬ್ ವೀಡಿಯೋ ಇತ್ಯಾದಿಗಳ ಮೂಲಕ ತಮ್ಮ ತಯಾರಿಯನ್ನು ಮಾಡಿಕೊಳ್ಳುತ್ತಿದ್ದರು.

UPSC ಪರೀಕ್ಷೆಯ ನಾಲ್ಕನೇ ಪ್ರಯತ್ನದಲ್ಲಿ IRS ಚಂದ್ರಶೇಖರ್ ಮೀನಾ 655 ನೇ ರ್ಯಾಂಕ್ ಗಳಿಸಿದ್ದಾರೆ. ಅವರ ಮೊದಲ ಮೂರು ಪ್ರಯತ್ನಗಳಲ್ಲಿ ಐಚ್ಛಿಕ ವಿಷಯವಾಗಿ ಸಾರ್ವಜನಿಕ ಆಡಳಿತವನ್ನು ಇಟ್ಟುಕೊಂಡಿದ್ದರು. ನಂತರ 1 ವರ್ಷ ವಿರಾಮ ತೆಗೆದುಕೊಂಡು ಹಿಂದಿ ಸಾಹಿತ್ಯವನ್ನು ಐಚ್ಛಿಕ ವಿಷಯವಾಗಿ ತೆಗೆದುಕೊಂಡರು. ಅವರ ಈ ಒಂದು ನಿರ್ಧಾರದಿಂದಾಗಿ ಗುರಿಯನ್ನು ಸಾಧಿಸಲು ಸಾಧ್ಯವಾಯಿತು ಎಂದು ಅವರು ನಂಬುತ್ತಾರೆ.

IRS ಚಂದ್ರಶೇಖರ್ ಮೀನಾ ಅವರು ಏಪ್ರಿಲ್ 2021 ರಲ್ಲಿ ವಿವಾಹವಾದರು. ಅವರ ಪತ್ನಿ ಬಿಹಾರದವರು ಮತ್ತು ಆಕೆಯ ಹೆಸರು ಪ್ರತಿಭಾ ನಾರಾಯಣ್. ಅವರು ಪ್ರಸ್ತುತ ಆರ್ ಬಿಐ ಮುಂಬೈನಲ್ಲಿ ಎಜಿಎಂ ಹುದ್ದೆಯಲ್ಲಿ ಕೆಲಸ ಮಾಡುತ್ತಿದ್ದಾರೆ.