UPSC Success Story: ಉದ್ಯೋಗ ಮಾಡಿಕೊಂಡೇ ದಿನಕ್ಕೆ 4 ಗಂಟೆಗಳು ಓದಿ IPS ಆದ ತೃಪ್ತಿ ಭಟ್

ಯುಪಿಎಸ್ ಸಿ ಪರೀಕ್ಷಾ ಸಾಧಕರ ಸರಣಿಯಲ್ಲಿ ಇಂದಿನ ಅತಿಥಿ 2013ರ ಬ್ಯಾಚ್ ನ ಐಪಿಎಸ್ ಅಧಿಕಾರಿ ತೃಪ್ತಿ ಭಟ್. ಇವರು ಉತ್ತರಾಖಂಡದ ಅಲ್ಮೋರಾ ಮೂಲದವರು. ಪ್ರಸ್ತುತ ಅವರನ್ನು ಡೆಹ್ರಾಡೂನ್ ಎಸ್ಪಿ ಗುಪ್ತಚರ ಮತ್ತು ಭದ್ರತೆಯಾಗಿ ನಿಯೋಜಿಸಲಾಗಿದೆ.

ಐಪಿಎಸ್ ತೃಪ್ತಿ ಭಟ್ ಅವರು ಯುಪಿಎಸ್ ಸಿಗೆ ತಯಾರಿ ನಡೆಸುತ್ತಿರುವ ಅಭ್ಯರ್ಥಿಗಳಿಗೆ ಪ್ರಮುಖ ಸಲಹೆಗಳನ್ನು ನೀಡಿದ್ದಾರೆ. ವಿದ್ಯಾರ್ಥಿಗಳು ಸಾಮಾನ್ಯ ಓದಿನ ಹೊರತಾಗಿ ಲೇಖನಗಳು, ಸುದ್ದಿ ಪತ್ರಿಕೆಗಳು, ಆನ್ ಲೈನ್ ಲೇಖನಗಳನ್ನು ನಿರಂತರವಾಗಿ ಅಧ್ಯಯನ ಮಾಡಬೇಕು ಎಂದು ಸಲಹೆ ನೀಡಿದ್ದಾರೆ.

ಯುಪಿಎಸ್ ಸಿ ತಯಾರಿಗೆ ಎಷ್ಟು ಗಂಟೆ ಓದಬೇಕು ಎಂಬ ಪ್ರಶ್ನೆ ಉತ್ತರಿಸಿರುವ ಐಪಿಎಸ್ ತೃಪ್ತಿ ಭಟ್, ನಾನು ಕೆಲಸದ ಜೊತೆಗೆ ದಿನಕ್ಕೆ ನಾಲ್ಕು ಗಂಟೆ ಓದುತ್ತಿದ್ದೆ. ರಜಾ ದಿನಗಳಲ್ಲಿ ಏಳೆಂಟು ಗಂಟೆಗಳ ಕಾಲ ಅಧ್ಯಯನ ಮಾಡುತ್ತಿದ್ದೆ. ಅಭ್ಯರ್ಥಿಗಳು 6ರಿಂದ 8 ಗಂಟೆಗಳ ಕಾಲ ಅಧ್ಯಯನ ಮಾಡಿದರೆ ಸಾಕು. ಆದರೆ ಈ ಸಮಯದಲ್ಲಿ ನೀವು ನಿಮ್ಮ 100% ಏಕಾಗ್ರತೆಯನ್ನು ನೀಡಬೇಕು ಎಂದಿದ್ದಾರೆ.

ಅನೇಕ ಬಾರಿ ವಿದ್ಯಾರ್ಥಿಗಳು ನೋಟ್ಸ್ ಮತ್ತು ಆನ್ ಲೈನ್ ಕೋಚಿಂಗ್ ಮೇಲೆ ಅವಲಂಬಿತರಾಗುತ್ತಾರೆ. ಸ್ವಯಂ ಅಧ್ಯಯನವನ್ನು ಮರೆತುಬಿಡುತ್ತಾರೆ. ಇದರಿಂದ ಕೆಲವೊಮ್ಮೆ ಯುವಕರ ದಿಕ್ಕು ತಪ್ಪುತ್ತಾರೆ ಎಂದು ತೃಪ್ತಿ ಎಚ್ಚರಿಸಿದ್ದಾರೆ. ಪಠ್ಯಕ್ರಮದ ಹೊರಗೆ ಸಹ ಅಧ್ಯಯನ ಮಾಡುತ್ತಾರೆ, ಅದರ ಅಗತ್ಯವಿಲ್ಲ. ಪಠ್ಯಕ್ರಮದ ವ್ಯಾಪ್ತಿಯಲ್ಲೇ UPSC ಗಾಗಿ ತಯಾರಿ ಮಾಡಬೇಕು.

ಹಳೆಯ ಪ್ರಶ್ನೆ ಪತ್ರಿಕೆಯನ್ನು ಪರೀಕ್ಷಿಸಬೇಕು. ಯುಪಿಎಸ್ ಸಿ ಟಾಪರ್ ಗಳ ಸಂದರ್ಶನವನ್ನು ನೋಡಬೇಕು. ಆ ಮೂಲಕ ಸಂದರ್ಶನ ಪ್ರಕ್ರಿಯೆಯನ್ನು ಅರ್ಥಮಾಡಿಕೊಳ್ಳಬೇಕು.

ಯುಪಿಎಸ್ ಸಿ ಗೆ ತಯಾರಿ ನಡೆಸುತ್ತಿರುವ ಪ್ರತಿಯೊಬ್ಬ ಅಭ್ಯರ್ಥಿಯೂ ವಿಭಿನ್ನ. ಪ್ರತಿಯೊಬ್ಬರಿಗೂ ಶಕ್ತಿ ಮತ್ತು ದೌರ್ಬಲ್ಯವಿದೆ. ಕೆಲವರು ಬರವಣಿಗೆಯಲ್ಲಿ ಉತ್ತಮರು, ಕೆಲವರು ಭಾಷೆಯಲ್ಲಿ ಹಿಂದೆ ಬೀಳುತ್ತಾರೆ. ಇದಕ್ಕಾಗಿ, ನಿಮ್ಮ ದೌರ್ಬಲ್ಯ-ಶಕ್ತಿಯನ್ನು ಎರಡನ್ನೂ ಗುರುತಿಸಿ, ಅದಕ್ಕೆ ಅನುಗುಣವಾಗಿ ಸಿದ್ಧತೆ ಮಾಡಿಕೊಳ್ಳಿ.

ಆನ್ ಲೈನ್ ಮತ್ತು ಆಫ್ ಲೈನ್ ನ ಹೊರತಾಗಿ, ಸ್ವಯಂ ಅಧ್ಯಯನದ ಮೇಲೆ ಹೆಚ್ಚು ಗಮನಹರಿಸಿ. ಇದರೊಂದಿಗೆ ಬರವಣಿಗೆ ಅಭ್ಯಾಸ ಮತ್ತು ರಿವಿಷನ್ ಅನ್ನು ನಿರಂತರವಾಗಿ ಮಾಡುತ್ತೀರಿ ಎಂದು ತೃಪ್ತಿ ಅವರು ಸಲಹೆ ನೀಡಿದ್ದಾರೆ.