Success Story: ಶಿಕ್ಷಣ ಸಚಿವ ವೆಡ್ಸ್ IPS ಅಧಿಕಾರಿ; ಮಿನಿಸ್ಟರ್ ಹೃದಯ ಕದ್ದಿರುವ ಈ ಚೆಲುವೆ ಯಾರು?

ಈಕೆಯ ಹೆಸರು ಡಾ. ಜ್ಯೋತಿ ಯಾದವ್, ಐಪಿಎಸ್ ಅಧಿಕಾರಿಯಾದ ಇವರು ಪ್ರಸ್ತುತ ಎಸ್ ಪಿ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಪಂಜಾಬ್ ನ ಶಿಕ್ಷಣ ಸಚಿವ ಹರ್ಜೋತ್ ಸಿಂಗ್ ಬೈನ್ಸ್ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ. ಮಾಧ್ಯಮಗಳ ವರದಿಯ ಪ್ರಕಾರ ಈ ತಿಂಗಳ ಕೊನೆಯ ವಾರದಲ್ಲಿ ಇಬ್ಬರೂ ಮದುವೆಯಾಗಲಿದ್ದಾರೆ.

ಜ್ಯೋತಿ ಯಾದವ್ 1987ರ ನವೆಂಬರ್ 26ರಂದು ಹರಿಯಾಣದ ಗುರ್ಗಾಂವ್ ನಲ್ಲಿ ಜನಿಸಿದವರು. ಪ್ರಸ್ತುತ ಆಕೆಗೆ 35 ವರ್ಷ. ಇವರ ಕುಟುಂಬವು ಗುರುಗ್ರಾಮ್ ನ ಸುಶಾಂತ್ ಲೋಕ್ ನಲ್ಲಿ ವಾಸಿಸುತ್ತಿದೆ.

ಐಪಿಎಸ್ ಜ್ಯೋತಿ ಯಾದವ್ ಅವರ ತಂದೆ ರಾಜೇಂದ್ರ ಸಿಂಗ್ ಅವರು ವ್ಯಾಪಾರ ಮಾಡುತ್ತಾರೆ. ತಾಯಿ ಸುಶೀಲಾ ದೇವಿ ಗೃಹಿಣಿ. ಜ್ಯೋತಿ ಯಾದವ್ ಅವರು ದೇಶದ ಖಡಕ್ ಮಹಿಳಾ ಪೊಲೀಸ್ ಅಧಿಕಾರಿಗಳಲ್ಲಿ ಒಬ್ಬರು ಎನಿಸಿಕೊಂಡಿದ್ದಾರೆ.

ಜ್ಯೋತಿ ಯಾದವ್ ತನ್ನ ಆರಂಭಿಕ ಅಧ್ಯಯನವನ್ನು ಗುರುಗ್ರಾಮ್ ನ ಶೆರ್ ವುಡ್ ಪಬ್ಲಿಕ್ ಸ್ಕೂಲ್ ನಲ್ಲಿ ಮಾಡಿದರು. 12ನೇ ತರಗತಿಯ ನಂತರ ಬಿಡಿಎಸ್ ಓದಿ ವೈದ್ಯೆಯಾದರು. ಅದರ ನಂತರ ಅವರು UPSC ಪರೀಕ್ಷೆಗೆ ತಯಾರಿ ಆರಂಭಿಸಿದರು.

ಜ್ಯೋತಿ ಯಾದವ್ ಅವರು 2019ರ ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ 437ನೇ ರ್ಯಾಂಕ್ ಗಳಿಸಿದ್ದಾರೆ. IPS ಜ್ಯೋತಿ ಯಾದವ್ ಸಾಮಾಜಿಕ ಮಾಧ್ಯಮದಲ್ಲಿ ತುಂಬಾ ಆಕ್ಟೀವ್ ಆಗಿ ಇರುತ್ತಾರೆ.

ಇವರ ಇನ್ ಸ್ಟಾಗ್ರಾಮ್ ಫೋಟೋಗಳ ಆಧಾರದ ಮೇಲೆ ಇವರಿಗೆ ವಿದೇಶಿ ಪ್ರವಾಸ ಎಂದರೆ ತುಂಬಾ ಇಷ್ಟ ಎಂದು ಊಹಿಸಬಹುದು. ಅಷ್ಟೇ ಅಲ್ಲ ಚಿತ್ರಕಲೆಯಲ್ಲಿಯೂ ಅಪಾರ ಆಸಕ್ತಿಯನ್ನು ಹೊಂದಿದ್ದಾರೆ.

ಜ್ಯೋತಿ ಯಾದವ್ ಪಂಜಾಬ್ ಕೇಡರ್ ನ ಐಪಿಎಸ್ ಅಧಿಕಾರಿ. ಪ್ರಸ್ತುತ ಅವರನ್ನು ಮಾನ್ಸಾದಲ್ಲಿ ಎಸ್ಪಿಯಾಗಿ ನಿಯೋಜಿಸಲಾಗಿದೆ. ಇದಕ್ಕೂ ಮುನ್ನ ಎಡಿಸಿಪಿ ಆಗಿ ಲುಧಿಯಾನದಲ್ಲಿ ಕಾರ್ಯನಿರ್ವಹಿಸಿದ್ದಾರೆ. ಈಗ ಐಪಿಎಸ್ ಅಧಿಕಾರಿ, ಸಚಿವರ ಮದುವೆ ಸಖತ್ ಸುದ್ದಿ ಮಾಡುತ್ತಿರುವುದಂತೂ ನಿಜ.