UPSC Success Story: ಯುಪಿಎಸ್​ಸಿ ಸಂದರ್ಶನದಲ್ಲಿ ಅತಿ ಹೆಚ್ಚು ಅಂಕ ಪಡೆದ 23ರ ಯುವತಿ: ಸಕ್ಸಸ್ ಮಂತ್ರ ಇಲ್ಲಿದೆ

ಡಾ. ಅಪಾಲ ಮಿಶ್ರಾ ಅವರ ಯಶಸ್ಸಿನ ಕಥೆ ಇಲ್ಲಿದೆ. ಬಾಲ್ಯದಿಂದಲೂ ಇವರು ವಿದ್ಯಾಭ್ಯಾಸದಲ್ಲಿ ತುಂಬಾ ಚುರುಕಾಗಿದ್ದರಂತೆ. ಅಪಾಲ ಅವರು ನಾಗರಿಕ ಸೇವೆಗೆ ಸೇರುವ ಮೊದಲು ವೈದ್ಯರಾಗಿದ್ದರು. ಅವರು 2020ರ ಬ್ಯಾಚ್ನ ಐಎಫ್ ಎಸ್ ಅಧಿಕಾರಿ. ಅವರ ತಂದೆ ಮತ್ತು ಸಹೋದರ ಸೈನ್ಯದಲ್ಲಿ ಅಧಿಕಾರಿಗಳಾಗಿದ್ದಾರೆ.

IFS ಅಪಾಲ ಮಿಶ್ರಾ ಅವರು 1997 ರಲ್ಲಿ ಉತ್ತರ ಪ್ರದೇಶದ ಗಾಜಿಯಾಬಾದ್ನಲ್ಲಿ ಜನಿಸಿದ್ದಾರೆ. ಇವರು ಸೇನಾ ಕುಟುಂಬಕ್ಕೆ ಸೇರಿದವರು. ಇವರ ತಂದೆ ಅಮಿತಾಭ್ ಮಿಶ್ರಾ ಅವರು ಕರ್ನಲ್ ಆಗಿದ್ದಾರೆ. ಸಹೋದರ ಅಭಿಷೇಕ್ ಮಿಶ್ರಾ ಕೂಡ ಸೇನೆಯಲ್ಲಿ ಮೇಜರ್ ಆಗಿದ್ದಾರೆ.

ಇನ್ನು ಅಪಾಲ ಅವರ ತಾಯಿ ಡಾ. ಅಲ್ಪನಾ ಮಿಶ್ರಾ ದೆಹಲಿ ವಿಶ್ವವಿದ್ಯಾಲಯದ ಹಿಂದಿ ವಿಭಾಗದಲ್ಲಿ ಪ್ರಾಧ್ಯಾಪಕರಾಗಿದ್ದಾರೆ. ಅಪಾಲಾ ಮಿಶ್ರಾ ಡೆಹ್ರಾಡೂನ್ ನಲ್ಲಿ 10 ನೇ ತರಗತಿಯವರೆಗೆ ಓದಿದ್ದಾರೆ. ಇದಾದ ನಂತರ ದೆಹಲಿಯ ರೋಹಿಣಿಯಲ್ಲಿ 12ನೇ ತರಗತಿಯವರೆಗೆ ಓದಿದ್ದಾರೆ.

ಅಪಾಲಾ ಅವರು ಆರ್ಮಿ ಕಾಲೇಜಿನಲ್ಲಿ ಬಿಡಿಎಸ್ ಮಾಡಿದ್ದಾರೆ, ನಂತರ ಅವರು ದಂತವೈದ್ಯ ಪದವಿ ಪಡೆದರು. ಯಾವಾಗಲೂ ಸಮಾಜಕ್ಕಾಗಿ ಕೆಲಸ ಮಾಡಲು ಬಯಸುತ್ತಿದ್ದ ಅಪಾಲ ಸಿವಿಲ್ ಸರ್ವಿಸಸ್ಗೆ ಸೇರಲು ನಿರ್ಧರಿಸಿದರು.

ಅಪಾಲ ಮೆಡಿಕಲ್ ಪ್ರ್ಯಾಕ್ಟೀಸ್ ಬಿಟ್ಟು UPSC ಪರೀಕ್ಷೆಗೆ ತಯಾರಿ ಆರಂಭಿಸಿದರು. ತನ್ನ ಎರಡು ಪ್ರಯತ್ನಗಳಲ್ಲಿ ಯುಪಿಎಸ್ ಸಿ ಪ್ರಿಲಿಮ್ಸ್ ಪರೀಕ್ಷೆಯನ್ನು ಸಹ ಪಾಸ್ ಆಗಲು ಆಗಲಿಲ್ಲ.

ಛಲ ಬಿಡದೆ ಅಪಾಲ ಮತ್ತೆ ಪ್ರಯತ್ನಿಸಿದರು. ಮೂರನೇ ಪ್ರಯತ್ನದಲ್ಲಿ 9 ನೇ ರ್ಯಾಂಕ್ ಪಡೆಯುವ ಮೂಲಕ ಐಎಎಸ್ ಟಾಪರ್ ಗಳ ಪಟ್ಟಿಗೆ ಸೇರಿಕೊಂಡಿದ್ದರು. ಅವರು UPSC ಸಂದರ್ಶನದಲ್ಲಿ 275 ಅಂಕಗಳಿಗೆ 215 ಅಂಕಗಳನ್ನು ಗಳಿಸಿದ್ದಾರೆ. ಕಳೆದ 5 ವರ್ಷಗಳಲ್ಲೇ ಸಂದರ್ಶನದಲ್ಲಿ ಅತಿ ಹೆಚ್ಚು ಅಂಕ ಗಳಿಸಿದ ಅಭ್ಯರ್ಥಿ ಇವರು.

UPSC ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದಾಗ ದಿನಕ್ಕೆ 7-8 ಗಂಟೆಗಳ ಕಾಲ ಓದುತ್ತಿದ್ದಳು. ಅವರು ತಮ್ಮ ಮೊದಲ ಎರಡು ಪ್ರಯತ್ನಗಳಲ್ಲಿ ಮಾಡಿದ ತಪ್ಪುಗಳನ್ನು ವಿಶ್ಲೇಷಿ, ಸರಿಯಾದ ತಂತ್ರವನ್ನು ಬಳಸಿದರು.

ಸಮಯ ನಿರ್ವಹಣೆ ಮತ್ತು ತಪ್ಪುಗಳನ್ನು ಸುಧಾರಿಸುವ ಮೂಲಕ ಅವರು ಯುಪಿಎಸ್ ಸಿ ಟಾಪರ್ ಗಳ ಪಟ್ಟಿಯಲ್ಲಿ ಸ್ಥಾನ ಪಡೆದರು. ಐಎಫ್ ಎಸ್ ಅಪಾಲ ಮಿಶ್ರಾ ಸಾಮಾಜಿಕ ಜಾಲತಾಣ ಇನ್ ಸ್ಟಾಗ್ರಾಮ್ ನಲ್ಲಿ ಸಾಕಷ್ಟು ಸಕ್ರಿಯರಾಗಿದ್ದಾರೆ.