UPSC Success Story: ಕೇವಲ 10 ತಿಂಗಳು ತಯಾರಿ ನಡೆಸಿ UPSC ಪರೀಕ್ಷೆಯಲ್ಲಿ ಯಶಸ್ವಿಯಾದ ಐಶ್ವರ್ಯಾ

ಐಎಫ್ ಎಸ್ ಐಶ್ವರ್ಯಾ ಶೆರಾನ್ ನೋಡಲು ಮಾಡೆಲ್ ತರ ಇದ್ದಾರೆ ಎಂದುಕೊಳ್ಳಬೇಡಿ. ಇವರು ನಿಜಕ್ಕೂ ಮಾಡೆಲ್ ಆಗಿದ್ದವರು. ಭಾರತೀಯ ವಿದೇಶಾಂಗ ಸೇವೆಯಲ್ಲಿ ಅಧಿಕಾರಿಯಾಗಿರುವ ಐಶ್ವರ್ಯಾ ಶೆರಾನ್ ಮಾಡೆಲಿಂಗ್ ದಿನಗಳಲ್ಲಿ ಸಾಕಷ್ಟು ಹೆಸರು ಗಳಿಸಿದ್ದಾರೆ. ಅವರು ಲ್ಯಾಕ್ಮೆ ಫ್ಯಾಶನ್ ವೀಕ್, ಅಮೆಜಾನ್ ಫ್ಯಾಶನ್ ವೀಕ್ ಗಳಲ್ಲಿ ರ್ಯಾಂಕ್ ವಾಕ್ ಮಾಡಿದ್ದಾರೆ.

ಸೂಪರ್ ಮಾಡೆಲ್ ಆಗಿದ್ದರೂ ಅವರ ಅಂತಿಮ ಗುರಿ ಸರ್ಕಾರಿ ನೌಕರಿ ಕೆಲಸ ಪಡೆಯುವುದೇ ಆಗಿತ್ತು. ಅದಕ್ಕಾಗಿಯೇ ಅವರು ಮಾಡೆಲಿಂಗ್ ವೃತ್ತಿಜೀವನಕ್ಕೆ ವಿದಾಯ ಹೇಳಿದರು.

ಒಂದು ಕಾಲದಲ್ಲಿ ಮಾಡೆಲಿಂಗ್ ಹಾದಿ ಹಿಡಿದಿದ್ದ ಐಶ್ವರ್ಯಾ ಶೆರಾನ್ ಇಂದು ಐಎಫ್ ಎಸ್ ಅಧಿಕಾರಿ. ಅವರು ಎರಡು ವಿಭಿನ್ನ ವೃತ್ತಿ ಆಯ್ಕೆಗಳಲ್ಲಿ ಕೆಲಸ ಮಾಡಿ, ಎರಡರಲ್ಲೂ ಯಶಸ್ವಿಯಾಗಿದ್ದಾರೆ.

ದೆಹಲಿ ಮೂಲದ ಐಶ್ವರ್ಯಾ ಶೆರಾನ್ ಮೊದಲಿನಿಂದಲೂ ಅಧ್ಯಯನದಲ್ಲಿ ತುಂಬಾ ಚುರುಕಾಗಿದ್ದರು. ಸೋಷಿಯಲ್ ಮೀಡಿಯಾದಲ್ಲೂ ಬಹಳ ಜನಪ್ರಿಯರಾಗಿದ್ದಾರೆ. ಬ್ಯೂಟಿ ಕ್ವೀನ್ ನಿಂದ ಆಡಳಿತ ಅಧಿಕಾರಿಯಾಗಿ ಅವರ ಪ್ರಯಾಣವು ತುಂಬಾ ಆಸಕ್ತಿದಾಯಕವಾಗಿದೆ.

IFS ಐಶ್ವರ್ಯಾ ಶೆರಾನ್ 1997 ರಲ್ಲಿ ಜನಿಸಿದರು. ಅವರ ಕುಟುಂಬ ರಾಜಸ್ಥಾನದ ಚುರು ಮೂಲದವರು. ಈಕೆ ದೆಹಲಿಯಲ್ಲಿ ಬೆಳೆದಿದ್ದಾರೆ. ಅವರು ತಮ್ಮ ಶಾಲಾ ಶಿಕ್ಷಣವನ್ನು ದೆಹಲಿಯ ಚೈತನ್ಯಪುರಿ ಪ್ರದೇಶದಲ್ಲಿರುವ ಸಂಸ್ಕೃತಿ ಶಾಲೆಯಲ್ಲಿ ಮಾಡಿದರು. ನಂತರ ಐಶ್ವರ್ಯಾ ದೆಹಲಿಯ ಶ್ರೀ ರಾಮ್ ಕಾಲೇಜ್ ಆಫ್ ಕಾಮರ್ಸ್ನಲ್ಲಿ ಅರ್ಥಶಾಸ್ತ್ರದಲ್ಲಿ ಪದವಿ ಪಡೆದರು.

ಐಶ್ವರ್ಯಾ ಶೆರಾನ್ ಬಾಲ್ಯದಿಂದಲೂ ಅಧ್ಯಯನದಲ್ಲಿ ಆಸಕ್ತಿ ಹೊಂದಿದ್ದರು. ಅವರ ತಾಯಿಗೆ ಮಗಳು ಮಾಡೆಲ್ ಆಗಬೇಕೆಂದು ಬಯಸಿದ್ದರು. ನಟಿ ಐಶ್ವರ್ಯಾ ಅವರಿಂದ ಪ್ರಭಾವಿತರಾಗಿ ಮಗಳಿಗೆ ಐಶ್ವರ್ಯ ಎಂದು ಹೆಸರಿಟ್ಟಿದ್ದಾರೆ. ಆದರೆ ಐಶ್ವರ್ಯಾ ಶೆರಾನ್ ಆಡಳಿತ ಸೇವೆಗೆ ಹೋಗಲು ಬಯಸಿದ್ದರು. 2015 ರಲ್ಲಿ ಮಿಸ್ ದೆಹಲಿ ಪ್ರಶಸ್ತಿಯನ್ನು ಗೆದ್ದರು.

ಐಶ್ವರ್ಯಾ ಶೆರಾನ್ 2018 ರಲ್ಲಿ ಯುಪಿಎಸ್ ಸಿ ಪರೀಕ್ಷೆಗೆ ತಯಾರಿ ಆರಂಭಿಸಿದರು. ಕೋಚಿಂಗ್ ಇಲ್ಲದೆ ಕೇವಲ 10 ತಿಂಗಳ ಕಾಲ ಮನೆಯಲ್ಲೇ ತಯಾರಿ ನಡೆಸಿದ್ದ ಅವರು ಯುಪಿಎಸ್ ಸಿ ಪರೀಕ್ಷೆಯಲ್ಲಿ 93ನೇ ರ್ಯಾಂಕ್ ಗಳಿಸಿದರು.