UPSC Success Story: ಇಂಗ್ಲಿಷ್ ಮಾಧ್ಯಮವಲ್ಲದಿದ್ದರೂ ಮೊದಲ ಪ್ರಯತ್ನದಲ್ಲೇ 8ನೇ Rankನೊಂದಿಗೆ IAS ಆದ ವಂದನಾ

ವಂದನಾ ಉತ್ತರ ಪ್ರದೇಶದ ಸಹರಾನ್ ಪುರ ಜಿಲ್ಲೆಯ ನಸ್ರುಲ್ಲಗಢ ಎಂಬ ಹಳ್ಳಿಯಲ್ಲಿ ಸಂಪ್ರದಾಯಸ್ಥ ಕುಟುಂಬದಲ್ಲಿ ಹುಟ್ಟಿ ಬೆಳೆದವರು. ವಂದನಾ ಹುಟ್ಟಿನಿಂದಲೂ ಅವಿಭಕ್ತ ಕುಟುಂಬದಲ್ಲಿ ವಾಸಿಸುತ್ತಿದ್ದರು. ಕುಟುಂಬದಲ್ಲಿ ಹೆಣ್ಣು ಮಗಳಾದ ವಂದನಾ ಓದಿನ ಬಗ್ಗೆ ತಕರಾರು ಹೊಂದಿದ್ದರು. ಆದರೆ ವಂದನಾ ಅವರ ತಂದೆ ಮಾತ್ರ ಮಗಳ ಓದಿನ ಪರ ನಿಂತರು. ತಮ್ಮ ಮಗಳನ್ನು ಮೊರಾದಾಬಾದ್ ನ ಗುರುಕುಲದಲ್ಲಿ ಓದಲು ಕಳುಹಿಸಿದರು.

ತಂದೆ ಮಹಿಪಾಲ್ ಸಿಂಗ್ ಚೌಹಾಣ್ ಕೆಲವು ನಿಯಮಗಳನ್ನು ಮುರಿದು ಹೆಚ್ಚಿನ ಅಧ್ಯಯನಕ್ಕಾಗಿ ಹಳ್ಳಿಯಿಂದ ಹೊರಗೆ ಮಗಳನ್ನು ಕಳುಹಿಸಿದರು. ಮಹಿಪಾಲ್ ಸಿಂಗ್ ಚೌಹಾಣ್ ಅವರ ಮಗಳು ಗುರುಕುಲದಿಂದ ತನ್ನ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದಳು.

ನಂತರ ಆಗ್ರಾದ ಡಾ.ಬಿ.ಆರ್.ಅಂಬೇಡ್ಕರ್ ವಿಶ್ವವಿದ್ಯಾಲಯದಲ್ಲಿ ಎಲ್.ಎಲ್.ಬಿ. ಅಧ್ಯಯನವನ್ನು ಮನೆಯಿಂದಲೇ ಮಾಡಿದರು. ಸಾಮಾನ್ಯ ಕಾಲೇಜಿಗೆ ಹೋಗಲಿಲ್ಲ. ದೂರಶಿಕ್ಷಣದ ಮೂಲಕವೇ ಪದವಿ ಮುಗಿಸಿದರು.

ವಂದನಾ ಅವರು ಭಿವಾನಿಯ ಕನ್ಯಾ ಗುರುಕುಲದಿಂದ ಸಂಸ್ಕೃತದಲ್ಲಿ (ಆನರ್ಸ್) ಪದವಿ ಪಡೆದರು. ಆಗ್ರಾದ ಬಿಆರ್ ಅಂಬೇಡ್ಕರ್ ವಿಶ್ವವಿದ್ಯಾನಿಲಯದಿಂದ ಎಲ್ಎಲ್ಬಿ ಪೂರ್ಣಗೊಳಿಸಿದ್ದಾರೆ. ಕಾನೂನು ಪದವಿಯ ಪದವಿ ಮುಗಿದ ನಂತರವೇ UPSC ಪರೀಕ್ಷೆಗೆ ತಯಾರಿ ಆರಂಭಿಸಿದರು. (ಪ್ರಾತಿನಿಧಿಕ ಚಿತ್ರ)

ವೃತ್ತಿಯಲ್ಲಿ ವಕೀಲರಾಗಿರುವ ಅಣ್ಣನ ಬೆಂಬಲ ಸಿಕ್ಕಿತು. ಮನೆಯಿಂದಲೇ UPSC CSE ಪರೀಕ್ಷೆಗೂ ತಯಾರಿ ನಡೆಸಿದ್ದರು. ಪ್ರತಿದಿನ 10 ರಿಂದ 12 ಗಂಟೆಗಳ ಕಾಲ ಅಧ್ಯಯನ ಮಾಡುತ್ತಿದ್ದರು. ಕುಟುಂಬವನ್ನು ಎದುರು ಹಾಕಿಕೊಂದು ತಂದೆ ಮತ್ತು ಸಹೋದರ ಅವರಿಗೆ ಸಾಧ್ಯವಾದಷ್ಟು ಬೆಂಬಲ ನೀಡಿದರು.

ಹಿಂದಿ ಮಾಧ್ಯಮದ ವಿದ್ಯಾರ್ಥಿನಿ ವಂದನಾ ಸಿಂಗ್ ಚೌಹಾಣ್ ಸ್ವ-ಅಧ್ಯಯನದ ಮೂಲಕ ನಾಗರಿಕ ಸೇವೆಗೆ ತಯಾರಿ ನಡೆಸಿ 24ನೇ ವಯಸ್ಸಿನಲ್ಲಿ 8ನೇ ರ್ಯಾಂಕ್ ಪಡೆಯುವ ಮೂಲಕ ಐಎಎಸ್ ಅಧಿಕಾರಿಯಾದರು. ಗುರುಕುಲದಲ್ಲಿ ಕಂಡುಬರುವ ಶಿಸ್ತು ಯುಪಿಎಸ್ ಸಿ ತಯಾರಿಯಲ್ಲಿ ಸಹಾಯಕವಾಗಿದೆ ಎಂದು ವಂದನಾ ಹೇಳುತ್ತಾರೆ.

2012 ರ UPSC ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ 8 ನೇ ರ್ಯಾಂಕ್ ಗಳಿಸುವ ಮೂಲಕ IAS ಟಾಪರ್ಗಳಲ್ಲಿ ಒಬ್ಬರಾದ ವಂದವಾ, IAS ಪರೀಕ್ಷೆಯಲ್ಲಿ ಕೇವಲ ಇಂಗ್ಲಿಷ್ ಮಾಧ್ಯಮದ ಅಭ್ಯರ್ಥಿಗಳು ಮಾತ್ರ ಉತ್ತಮ ಸಾಧನೆ ಮಾಡಬಹುದು ಎಂಬ ಅನಿಸಿಕೆಯನ್ನು ಸುಳ್ಳಾಗಿಸಿದರು. ಯಾವುದೇ ಕೋಚಿಂಗ್ಗೆ ಹೋಗದೆ ಮೊದಲ ಪ್ರಯತ್ನದಲ್ಲೇ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿರುವುದು ಕೂಡ ಆಕೆಯ ಯಶಸ್ಸಿನಲ್ಲಿ ದೊಡ್ಡ ಸಂಗತಿ. ವಂದನಾ ಈಗ ಉತ್ತರಾಖಂಡದ ಅಲ್ಮೋರಾ ಜಿಲ್ಲೆಯ ಡಿಎಂ ಆಗಿದ್ದಾರೆ. (ಪ್ರಾತಿನಿಧಿಕ ಚಿತ್ರ)