UPSC Success Story: ಲವ್ ಬ್ರೇಕಪ್ ಬಳಿಕ ಛಲದಿಂದ ಓದಿ IAS ಆಫೀಸರ್ ಆದ ಶಶಾಂಕ್

ಐಎಎಸ್ ಶಶಾಂಕ್ ತ್ರಿಪಾಠಿ ಕಾನ್ಪುರದ ನಿವಾಸಿ. ಶಶಾಂಕ್ ತಮ್ಮ ಆರಂಭಿಕ ಶಿಕ್ಷಣವನ್ನು ಕಾನ್ಪುರದಲ್ಲೇ ಮಾಡಿದ್ದಾರೆ. 2015 ರಲ್ಲಿ, UPSC ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ ಉತ್ತೀರ್ಣರಾದರು. ಪ್ರಸ್ತುತ ಶಶಾಂಕ್ ಅವರು ಯುಪಿ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ವಿಶೇಷ ಕಾರ್ಯದರ್ಶಿ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ.

ಲವ್ ಬ್ರೇಕಪ್ ಬಳಿಕ ಶಶಾಂಕ್ ಜೀವನದಲ್ಲಿ ಏನನ್ನಾದರೂ ಸಾಧಿಸಲೇಬೇಕು ಎಂದು ನಿರ್ಧರಿಸಿದರು. ತಮ್ಮ ಪ್ರೇಮ ವೈಫಲ್ಯದ ಬಗ್ಗೆ ಯೂಟ್ಯೂಬ್ ಚಾನೆಲ್ ಗೆ ನೀಡಿದ ಸಂದರ್ಶನದಲ್ಲಿ ಅವರು ತಿಳಿಸಿದ್ದಾರೆ. (ಸಾಂದರ್ಭಿಕ ಚಿತ್ರ)

ಶಶಾಂಕ್ ಅವರು UPSC ಮುಖ್ಯ ಪರೀಕ್ಷೆಯಲ್ಲಿ 824 ಅಂಕಗಳನ್ನು ಮತ್ತು ಸಂದರ್ಶನದಲ್ಲಿ 172 ಅಂಕಗಳನ್ನು ಗಳಿಸಿದ್ದಾರೆ. ಶಶಾಂಕ್ ಅವರ ತಂದೆ ಉತ್ತರ ಪ್ರದೇಶದ ನವಾಬ್ ಗಂಜ್ ಜಿಲ್ಲೆಯಲ್ಲಿರುವ ದೀನದಯಾಳ್ ಉಪಾಧ್ಯಾಯ ಶಾಲೆಯಲ್ಲಿ ಮುಖ್ಯ ಗುಮಾಸ್ತರಾಗಿದ್ದರು.

ಶಶಾಂಕ್ 2013 ರಲ್ಲಿ ಐಐಟಿ ಕಾನ್ಪುರದಿಂದ ಪದವಿ ಪಡೆದರು. 2014 ರಲ್ಲಿ UPSC ಯ ಮೊದಲ ಪ್ರಯತ್ನದಲ್ಲಿ 272 ನೇ ರ್ಯಾಂಕ್ ಪಡೆದರು. ನಂತರ ನಾಗ್ಪುರದಲ್ಲಿ ಭಾರತೀಯ ಕಂದಾಯ ಸೇವೆಗೆ ತರಬೇತಿ ಪ್ರಾರಂಭವಾಯಿತು. ಎರಡನೇ ಪ್ರಯತ್ನದಲ್ಲಿ 5ನೇ ರ್ಯಾಂಕ್ನೊಂದಿಗೆ ತೇರ್ಗಡೆಯಾಗಿದ್ದಾರೆ.

ಇನ್ನು ಯುಪಿಎಸ್ ಸಿ ಪರೀಕ್ಷೆ ತಯಾರಿ ನಡೆಸುತ್ತಿರುವವರಿಗೆ ಶಶಾಂಕ್ ಸಲಹೆ ನೀಡಿದ್ದಾರೆ. ಹಿಂದಿ ಮಾಧ್ಯಮದ ಅಭ್ಯರ್ಥಿಗಳು ಭಾಷೆ ವಿಚಾರವಾಗಿ ಹೆದರಬಾರದು ಎಂದು ಹೇಳುತ್ತಾರೆ.

ಹಿಂದಿಯಲ್ಲಿ ಅಧ್ಯಯನಕ್ಕೆ ಸಂಬಂಧಿಸಿದ ಸಾಮಗ್ರಿ ಪಡೆಯಲು ಸಮಸ್ಯೆ ಇದೆ. ಆದರೆ ನೀವು ಕಷ್ಟಪಟ್ಟು ಕೆಲಸ ಮಾಡಲು ನಿರ್ಧರಿಸಿದರೆ, ನೀವು ಎಲ್ಲಾ ತೊಂದರೆಗಳನ್ನು ನಿವಾರಿಸಬಹುದು. ಪ್ರಿಲಿಮ್ಸ್ ಮತ್ತು ಮೇನ್ಸ್​ ತಯಾರಿಗಾಗಿ ಓದುವಿಕೆಯಲ್ಲಿ ಸಾಕಷ್ಟು ಸಾಮ್ಯತೆ ಇದೆ ಎಂದು ಅವರು ಹೇಳುತ್ತಾರೆ.

ಪ್ರೀತಿಯಲ್ಲಿ ಸೋತರೂ ಜೀವನದಲ್ಲಿ ಗೆಲ್ಲಬೇಕು ಎಂದು ಯುವಜನತೆಗೆ ಶಶಾಂಕ ಸಲಹೆ ನೀಡುತ್ತಾರೆ. ಸಾಧಕರ ಜೀವನದ ಘಟನೆಗಳು ಸಾವಿರಾರು ಅಭ್ಯರ್ಥಿಗಳಿಗೆ ಸ್ಪೂರ್ತಿದಾಯಕವಾಗುವುದರಲ್ಲಿ ಯಾವುದೇ ಸಂಶಯವಿಲ್ಲ.