UPSC Success Story: ಸರ್ಕಾರಿ ಕೆಲಸ ಬಿಟ್ಟು ಯುಪಿಎಸ್​ಸಿ ಪರೀಕ್ಷೆಗೆ ತಯಾರಿ ನಡೆಸಿ ಯಶಸ್ವಿಯಾದ ಕನಿಕಾ

ಹರಿಯಾಣದ ಬಹದ್ದೂರ್ ಗಢ ನಿವಾಸಿಯಾಗಿರುವ ಕನಿಕಾ ರಾಠಿ ಯುಪಿಎಸ್ಸಿ ಪರೀಕ್ಷೆಯಲ್ಲಿ 64ನೇ ರ್ಯಾಂಕ್ ಗಳಿಸಿದ್ದಾರೆ. ಯುಪಿಎಸ್ ಸಿ ಪರೀಕ್ಷೆಗೆ ತಯಾರಿ ನಡೆಸಲು ಇವರು ಸರ್ಕಾರಿ ಕೆಲಸವನ್ನೂ ತೊರೆದಿದ್ದರು. ಕನಿಕಾ ರಾಠಿ ಐಎಎಸ್ ಆಗಲು 6 ವರ್ಷಗಳ ಕಾಲ ಶ್ರಮಿಸಿದ್ದಾರೆ.

ಸತತ 6 ವರ್ಷಗಳ ಕಠಿಣ ಪರಿಶ್ರಮದ 2022 ರಲ್ಲಿ ಫಲ ಕೊಟ್ಟಿತು. ಮೇ ತಿಂಗಳಲ್ಲಿ ಅಂತಿಮ ಫಲಿತಾಂಶಗಳು ಬಂದ ನಂತರ, ಅವರ ಕುಟುಂಬದವರ ಸಂತೋಷಕ್ಕೆ ಪಾರವೇ ಇರಲಿಲ್ಲ. ತಮ್ಮ ಯಶಸ್ಸಿನ ಸಂಪೂರ್ಣ ಕ್ರೆಡಿಟ್ ಅನ್ನು ಅವರು ಹೆತ್ತವರಿಗೆ ಮತ್ತು ಕುಟುಂಬಕ್ಕೆ ನೀಡುತ್ತಾರೆ.

ಐಎಎಸ್ ಕನಿಕಾ ರಾಠಿ ಅವರ ತಂದೆ ನರೇಶ್ ಎಂಜಿನಿಯರ್, ತಾಯಿ ನೀಲಂ ತ್ರಿಪಾಠಿ ಶಿಕ್ಷಕಿ. ಕನಿಕಾ ರಾತಿ ಶಾಲಾ ದಿನಗಳಿಂದಲೂ ತುಂಬಾ ಚುರುಕಾಗಿದ್ದರು. ಬಹದ್ದೂರ್ ಗಢ್ನ ಬಾಲ ಭಾರತಿ ಶಾಲೆಯಿಂದ 12 ನೇ ತರಗತಿಯಲ್ಲಿ ಉತ್ತೀರ್ಣರಾದ ನಂತರ, ಅವರು ದೆಹಲಿಯ ಕಿರೋರಿ ಮಾಲ್ ಕಾಲೇಜಿನಿಂದ ಗಣಿತದಲ್ಲಿ ಬಿಎಸ್ಸಿ ಪದವಿ ಪಡೆದರು.

ಐಎಎಸ್ ಕನಿಕಾ ರಾಠಿ ಅವರು 2015ರಲ್ಲಿ ದೆಹಲಿಯ ಕರೋಲ್ ಬಾಗ್ ನಲ್ಲಿರುವ ಕೋಚಿಂಗ್ ಸೆಂಟರ್ ನಿಂದ ಯುಪಿಎಸ್ಸಿ ಪರೀಕ್ಷೆಗೆ ತಯಾರಿ ಆರಂಭಿಸಿದರು. 2016 ಮತ್ತು 2017ರಲ್ಲಿ ಅನುತ್ತೀರ್ಣರಾದರು.

2019 ರಲ್ಲಿ, ಕನಿಕಾ ರಥಿ ಅವರು ಗೃಹ ಸಚಿವಾಲಯದಲ್ಲಿ ಕೆಲಸ ಪಡೆದರು. ಕೆಲ ಕಾಲ ಪಾಟ್ನಾದ ಐಬಿ ಇಲಾಖೆಯಲ್ಲಿ ಸರ್ಕಾರಿ ನೌಕರಿ ಮಾಡಿದ ಬಳಿಕ ಪೋಷಕರ ಒಪ್ಪಿಗೆ ಮೇರೆಗೆ ರಾಜೀನಾಮೆ ನೀಡಿದರು.

30 ಏಪ್ರಿಲ್ 2022 ರಂದು UPSC ಸಂದರ್ಶನವನ್ನು ನೀಡಿದ ನಂತರ, ಅದರ ಫಲಿತಾಂಶವು 30 ಮೇ 2022 ರಂದು ಬಂದಿತು. ಕೊನೆಗೆ ನಾಲ್ಕನೇ ಪ್ರಯತ್ನದಲ್ಲಿ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿ ಐಎಎಸ್ ಆದರು.

ಐಎಎಸ್ ಕನಿಕಾ ರಾಠಿ ಪ್ರತಿದಿನ 5-6 ಗಂಟೆಗಳ ಕಾಲ ಅಧ್ಯಯನ ಮಾಡುತ್ತಿದ್ದರು. ಒಂದು ವರ್ಷದವರೆಗೆ ತರಬೇತಿಯ ಸಹಾಯವನ್ನು ಪಡೆದರು, ಆದರೆ ನಂತರ ಅವರು ಸ್ವಯಂ ಅಧ್ಯಯನಕ್ಕೆ ಆದ್ಯತೆ ನೀಡಿದರು ಇದಕ್ಕಾಗಿ ಅವರು ಯೂಟ್ಯೂಬ್ ನಲ್ಲಿ ಲಭ್ಯವಿರುವ ವಿಡಿಯೋಗಳ ಸಹಾಯವನ್ನೂ ಪಡೆದರು.