Success Story: ಕಮ್ಮಿ ಮಾರ್ಕ್ಸ್ ಗಳಿಸುತ್ತಿದ್ದ ಲಾಸ್ಟ್ ಬೆಂಚ್ ಸ್ಟೂಡೆಂಟ್ ಕೂಡ UPSC ಟಾಪರ್ ಆಗಬಹುದು!

ಜುನೈದ್ ಅಹ್ಮದ್ ಅವರು ಶಾಲಾ ದಿನಗಳಲ್ಲಿ ಒಬ್ಬ ಅವರೆಜ್ ಸ್ಟೂಡೆಂಟ್ ಆಗಿದ್ದರು. ನಂತರ ಇದ್ದಕ್ಕಿದ್ದಂತೆ ಅವರಿಗೆ ಐಎಎಸ್ ಅಧಿಕಾರಿ ಆಗುವ ಆಲೋಚನೆ ಬಂದಿತು. ಅದಕ್ಕಾಗಿ ತಯಾರಿ ಆರಂಭಿಸಿದರು. ಈ ಸಮಯದಲ್ಲಿ ಅವರು ಅನೇಕ ಬಾರಿ ವಿಫಲರಾದರು ಆದರೆ ಅವರು ಛಲ ಬಿಡಲಿಲ್ಲ.

ಐಎಎಸ್ ಜುನೈದ್ ಅಹ್ಮದ್ ಉತ್ತರ ಪ್ರದೇಶದ ಬಿಜ್ನೋರ್ ಜಿಲ್ಲೆಯ ಪಟ್ಟಣದ ನಿವಾಸಿ. ಶಾಲಾ-ಕಾಲೇಜುಗಳಲ್ಲಿ ಟಾಪರ್ ಆದವರಷ್ಟೇ ಯುಪಿಎಸ್ ಸಿ ಪರೀಕ್ಷೆಯಲ್ಲಿ ಯಶಸ್ವಿಯಾಗಲು ಸಾಧ್ಯ ಎಂದು ಭಾವಿಸುವವರಿಗೆ ಇವರೇ ಉದಾಹರಣೆ. ಜುನೈದ್ ಅಹ್ಮದ್ ಪದವಿಯವರೆಗೂ ಸಾಧಾರಣ ಅಂಕಗಳನ್ನು ಗಳಿಸುವ ವಿದ್ಯಾರ್ಥಿಯಾಗಿದ್ದರು. ಅವರ ಕಠಿಣ ಪರಿಶ್ರಮ ಮತ್ತು ತಪ್ಪುಗಳಿಂದ ಪಾಠ ಕಲಿತು ಐಎಎಸ್ ಅಧಿಕಾರಿಯಾದರು.

ಜುನೈದ್ ಅಹ್ಮದ್ ಅವರು ಅಲಿಘರ್ ಮುಸ್ಲಿಂ ವಿಶ್ವವಿದ್ಯಾಲಯದಲ್ಲಿ 12 ನೇ ತರಗತಿಯವರೆಗೆ ಅಧ್ಯಯನ ಮಾಡಿದರು. ಇದರ ನಂತರ, ಅವರು ಇಂದಿರಾ ಗಾಂಧಿ ರಾಷ್ಟ್ರೀಯ ಮುಕ್ತ ವಿಶ್ವವಿದ್ಯಾಲಯದಿಂದ (IGNOU) ಪದವಿ ಪಡೆದರು.

ಪದವಿಯ ತನಕ, ಅವರು ಅಧ್ಯಯನದಲ್ಲಿ ಹೆಚ್ಚು ಆಸಕ್ತಿಯನ್ನು ಹೊಂದಿರಲಿಲ್ಲ. ಅವರ ಫಲಿತಾಂಶವು ಯಾವಾಗಲೂ 60% ಗಿಂತ ಕಡಿಮೆ ಇರುತ್ತಿತ್ತು. ಯುಪಿಎಸ್ ಸಿ ಪರೀಕ್ಷೆಯಲ್ಲಿ ಯಶಸ್ವಿಯಾಗುವ ಮೂಲಕ ಸಾಧಾರಣ ವಿದ್ಯಾರ್ಥಿಯೂ ಐಎಎಸ್ ಅಧಿಕಾರಿಯಾಗಬಹುದು ಎಂಬುದಕ್ಕೆ ತೋರಿಸಿಕೊಟ್ಟಿದ್ದಾರೆ.

ಜುನೈದ್ ಅಹ್ಮದ್ ಅವರು ಪದವಿಯ ಕೊನೆಯ ವರ್ಷದಲ್ಲಿ ನಾಗರಿಕ ಸೇವಾ ಪರೀಕ್ಷೆಗೆ ತಯಾರಿ ಆರಂಭಿಸಿದರು. ಇದಕ್ಕಾಗಿ ಜಾಮಿಯಾದ ರೆಸಿಡೆನ್ಶಿಯಲ್ ಕೋಚಿಂಗ್ ಸೇರಿದ್ದರು. ಅಲ್ಲಿದ್ದ ಉಳಿದ ಆಕಾಂಕ್ಷಿಗಳನ್ನು ನೋಡಿ ಅವರೂ ತಮ್ಮ ಓದಿನ ಬಗ್ಗೆ ತುಂಬಾ ಸೀರಿಯಸ್ ಆದರು.

ಐಎಎಸ್ ಅಧಿಕಾರಿಯಾಗುವ ಹಾದಿ ಅಷ್ಟು ಸುಲಭವಾಗಿರಲಿಲ್ಲ. ಅವರು ಅನೇಕ ಬಾರಿ ವಿಫಲರಾದರು ಆದರೆ ಪ್ರತಿ ಬಾರಿಯೂ ತಮ್ಮ ಸ್ವಂತ ತಪ್ಪುಗಳಿಂದ ಕಲಿತು ಮುಂದೆ ಸಾಗುತ್ತಿದ್ದರು. ಜುನೈದ್ ಅಹ್ಮದ್ ಮೂರು ಬಾರಿ ಯುಪಿಎಸ್ಸಿ ಪರೀಕ್ಷೆಯಲ್ಲಿ ಅನುತ್ತೀರ್ಣನಾಗಿದ್ದರು. ನಂತರ ತಮ್ಮ ನಾಲ್ಕನೇ ಪ್ರಯತ್ನದಲ್ಲಿ ಯಶಸ್ವಿಯಾದರು.

4ನೇ ಬಾರಿ 352 ರ್ಯಾಂಕ್ ಪಡೆದುದ್ದರಿಂದ ಅವರಿಗೆ ಐಆರ್ ಎಸ್ ಅಧಿಕಾರಿ ಹುದ್ದೆ ಸಿಕ್ಕಿತು. ನಂತರ 2019 ರಲ್ಲಿ, ಅವರು ಐದನೇ ಬಾರಿಗೆ UPSC ಪರೀಕ್ಷೆಯಲ್ಲಿ ಕಾಣಿಸಿಕೊಂಡರು. ಈ ಬಾರಿ ಅವರ ಶ್ರಮಕ್ಕೆ ತಕ್ಕ ಫಲ ಸಿಕ್ಕು, 3ನೇ ರ್ಯಾಂಕ್ ಪಡೆದು ಐಎಎಸ್ ಅಧಿಕಾರಿಯಾದರು. IAS ಜುನೈದ್ ಅಹ್ಮದ್ ಪ್ರಸ್ತುತ ಝಾನ್ಸಿ CDO ಆಗಿದ್ದಾರೆ.