UPSC Success Story: ತಾಯಿ ಪೊಲೀಸ್ ಆಫೀಸರ್, ಮಗಳು IAS ಅಧಿಕಾರಿ: ಸಕ್ಸಸ್ ಸ್ಟೋರಿ ಇಲ್ಲಿದೆ

ಉತ್ತರ ಪ್ರದೇಶದ ನಿವಾಸಿ ಇಶಿತಾ ರಾಠಿ ಅವರ ಕುಟುಂಬದಲ್ಲಿ ಬಹುತೇಕರು ಸರ್ಕಾರಿ ಹುದ್ದೆಗಳಲ್ಲಿದ್ದಾರೆ. ಇದರ ಪ್ರಭಾವದಿಂದ ಇಶಿತಾ ಕೂಡ ಕಠಿಣ ಪರೀಕ್ಷೆಯನ್ನು ಯಾವುದೇ ಕೋಚಿಂಗ್ ಇಲ್ಲದೇ ಪಾಸ್ ಮಾಡಿದ್ದಾರೆ. ಅವರ ಸಕ್ಸಸ್ ಸ್ಟೋರಿ ಬಗ್ಗೆ ತಿಳಿಯೋಣ ಬನ್ನಿ.

ಐಎಎಸ್ ಇಶಿತಾ ರಾಠಿ ಉತ್ತರ ಪ್ರದೇಶದ ಬಾಗ್ ಪತ್ ಜಿಲ್ಲೆಯ ನಿವಾಸಿ. ಇಶಿತಾ ಅವರು ಯುಪಿ ನಿವಾಸಿಯಾಗಿದ್ದರು, ಓದಿದ್ದು ದೆಹಲಿಯಲ್ಲಿ. ಅವರ ತಾಯಿ ಮೀನಾಕ್ಷಿ ರಾಠಿ ದೆಹಲಿ ಪೊಲೀಸ್ ನಲ್ಲಿ ASI ಮತ್ತು ತಂದೆ ಐಎಸ್ ರಾಠಿ ಹೆಡ್ ಕಾನ್ಸ್ಟೆಬಲ್ ಆಗಿದ್ದಾರೆ.

ಇನ್ನು ಇಶಿತಾ ಅವರ ಚಿಕ್ಕಪ್ಪ ಸಿಬಿಐನಲ್ಲಿದ್ದಾರೆ. ಇಶಿತಾ ಅವರ ಸಹೋದರ ಕೂಡ UPSC ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದಾರೆ.

ಇಶಿತಾ ರಾಠಿ ದೆಹಲಿಯ ಡಿಎವಿ ಪಬ್ಲಿಕ್ ಸ್ಕೂಲ್ ವಸಂತ್ ಕುಂಜ್ ನಲ್ಲಿ ತಮ್ಮ ಶಾಲಾ ಶಿಕ್ಷಣವನ್ನು ಪೂರ್ಣಗೊಳಿಸಿದ್ದಾರೆ. ಇದಾದ ನಂತರ ಲೇಡಿ ಶ್ರೀರಾಮ್ ಕಾಲೇಜಿನಲ್ಲಿ ಅರ್ಥಶಾಸ್ತ್ರ ಆನರ್ಸ್ ಓದಿದ್ದಾರೆ. ಮದ್ರಾಸ್ ಸ್ಕೂಲ್ ಆಫ್ ಎಕನಾಮಿಕ್ಸ್ನಿಂದ ಸ್ನಾತಕೋತ್ತರ ಪದವಿಯನ್ನು ಪಡೆದಿದ್ದಾರೆ.

ಇಶಿತಾ ರಾಠಿ ಯುಪಿಎಸ್ ಸಿ ಪರೀಕ್ಷೆಯ ಮೂರನೇ ಪ್ರಯತ್ನದಲ್ಲಿ ಯಶಸ್ವಿಯಾಗಿದ್ದಾರೆ. ಸಿವಿಲ್ ಸರ್ವೀಸಸ್ ಪರೀಕ್ಷೆಯ ತಯಾರಿಗಾಗಿ ಅವರು ಯಾವುದೇ ಕೋಚಿಂಗ್ ತೆಗೆದುಕೊಂಡಿಲ್ಲ. ಎರಡು ಬಾರಿ ಅನುತ್ತೀರ್ಣಳಾದ ನಂತರ, 2021 ರಲ್ಲಿ 8 ನೇ ರ್ಯಾಂಕ್ ಗಳಿಸಿದ್ದಾರೆ.

ಐಎಎಸ್ ಇಶಿತಾ ರಾಠಿ ತನ್ನ ಯಶಸ್ಸಿನ ಶ್ರೇಯವನ್ನು ಹೆತ್ತವರು ಮತ್ತು ಸ್ನೇಹಿತರಿಗೆ ನೀಡುತ್ತಾರೆ. ಆಕೆ ಈ ಹಂತಕ್ಕೆ ತಲುಪಲು ಆಕೆಯ ನಂಬಿಕೆಯೇ ಕಾರಣವಂತೆ.

UPSC ಪರೀಕ್ಷೆಯ ತಯಾರಿಯನ್ನು ಪ್ರಾರಂಭಿಸುವ ಮೊದಲು ಇಶಿತಾ ಸಂಪೂರ್ಣ ಪಠ್ಯಕ್ರಮವನ್ನು ಪರಿಶೀಲಿಸಿದ್ದರು. ಕೋಚಿಂಗ್ ನ ಸಹಾಯ ಪಡೆಯದೆ ಸ್ವಂತವಾಗಿ ತಯಾರಿ ನಡೆಸಬಹುದು ಎಂದು ಮನಗಂಡ ಆಕೆ ಅದಕ್ಕೆ ತಕ್ಕಂತೆ ಅಧ್ಯಯನ ನಡೆಸಿದರು.