UPSC Success Story: ಎರಡೆರಡು ಸಲ ಯುಪಿಎಸ್​ಸಿ ಪರೀಕ್ಷೆಯಲ್ಲಿ ಯಶಸ್ವಿಯಾದ IAS ಅಭಿಷೇಕ್ ಸಲಹೆ ಇಲ್ಲಿದೆ

ಯುಪಿಎಸ್ ಸಿ ಪರೀಕ್ಷಾ ಸ್ಪೂರ್ತಿ ಸರಣಿಯ ಇಂದಿನ ಅತಿಥಿ ಐಎಎಸ್ ಅಭಿಷೇಕ್ ಜೈನ್. ದೆಹಲಿ ನಿವಾಸಿಯಾದ ಉವರಯ ತಮ್ಮ ಗುರಿಯ ಬಗ್ಗೆ ತುಂಬಾ ಸ್ಪಷ್ಟವಾಗಿದ್ದರು. ಐಎಎಸ್ ಅಧಿಕಾರಿಯಾಗಲೇಬೇಕೆಂದು ಸಾಕಷ್ಟು ಶ್ರಮ ಹಾಕಿದ್ದರು.

ಅಭಿಷೇಕ್ ಅವರು ಚಿಕ್ಕ ವಯಸ್ಸಿನಲ್ಲೇ ಬಡವರಿಗೆ ಸಹಾಯ ಮಾಡಲು ಬಯಸಿದ್ದರು. ಇದಕ್ಕಾಗಿ, ಅವರು ನಾಗರಿಕ ಸೇವೆಗೆ ಸೇರುವುದು ಉತ್ತಮವಾದದ್ದನ್ನು ಎಂದು ಅರ್ಥಮಾಡಿಕೊಂಡಿದ್ದರು. ದೆಹಲಿ ವಿಶ್ವವಿದ್ಯಾನಿಲಯದಿಂದ B.Com ಮಾಡಿದ ನಂತರ, ಅಭಿಷೇಕ್ ಜೈನ್ UPSC ಪರೀಕ್ಷೆಗೆ ತಯಾರಿ ಆರಂಭಿಸಿದ್ದರು.

ಅಭಿಷೇಕ್ ಜೈನ್ ಅವರ ಅಜ್ಜ ಐಎಎಸ್ ಅಧಿಕಾರಿಯ ಅಡಿಯಲ್ಲಿ ಕೆಲಸ ಮಾಡುತ್ತಿದ್ದರು. ಅವರ ತಾಯಿಯ ಚಿಕ್ಕಪ್ಪ ಸಹ ನಾಗರಿಕ ಸೇವೆಯೊಂದಿಗೆ ಸಂಬಂಧ ಹೊಂದಿದ್ದರು. ಇದರಿಂದ ಅವರು ಬಾಲ್ಯದಿಂದಲೂ ಸರ್ಕಾರಿ ಕೆಲಸದ ಬಗ್ಗೆ ಸಾಕಷ್ಟು ತಿಳುವಳಿಕೆಯನ್ನು ಹೊಂದಿದ್ದರು . ತಾನು ಅವರಂತೆ ಆಗಬೇಕು ಎಂದು ಬಯಸಿದ್ದರು.

ಐಎಎಸ್ ಅಭಿಷೇಕ್ ಜೈನ್ ಅವರು 24 ವರ್ಷ ವಯಸ್ಸಿನವರೆಗೆ ಯುಪಿಎಸ್ ಸಿ ಪರೀಕ್ಷೆಗೆ ಎರಡು ಪ್ರಯತ್ನಗಳನ್ನು ನೀಡಿದ್ದರು. ಎರಡರಲ್ಲೂ ಉತ್ತಮ ಶ್ರೇಣಿಯನ್ನು ಪಡೆದರು. ಮೊದಲ ಪ್ರಯತ್ನವನ್ನು ನೀಡುವ ಮುನ್ನ ಅವರು ಒಂದು ವರ್ಷ ಕೋಚಿಂಗ್ ಪಡೆದಿದ್ದರು. ಆಗ 111 ನೇ ರ್ಯಾಂಕ್ ಗಳಿಸಿದ್ದರಿಂದ IRS ಅಧಿಕಾರಿ ಹುದ್ದೆಯನ್ನು ನೀಡಲಾಯಿತು.

ಆದರೆ ಅಭಿಷೇಕ್ ಅವರಿಗೆ ಐಎಎಸ್ ಹುದ್ದೆಯೇ ಬೇಕಿತ್ತು. ಅದ್ದರಿಂದ 2019 ರಲ್ಲಿ ಅವರು ಮತ್ತೆ ಪರೀಕ್ಷೆಯಲ್ಲಿ ಕಾಣಿಸಿಕೊಂಡರು. ಎರಡನೇ ಪ್ರಯತ್ನದಲ್ಲಿ ಅಭಿಷೇಕ್ ಜೈನ್ 24ನೇ ರ್ಯಾಂಕ್ ಗಳಿಸಿದ್ದು, ಇದರೊಂದಿಗೆ ಐಎಎಸ್ ಅಧಿಕಾರಿಯಾಗುವ ಕನಸು ಕೂಡ ನನಸಾಗಿದೆ.

ತನ್ನ ಮೊದಲ ಪ್ರಯತ್ನವನ್ನು ಕೊನೆಯ ಪ್ರಯತ್ನವೆಂದು ಪರಿಗಣಿಸದೆ ನಂತರವೂ UPSC ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದರು. ಐಎಎಸ್ ಅಧಿಕಾರಿಯಾಗುವ ಮೂಲಕ ಅಭಿವೃದ್ಧಿಯಲ್ಲಿ ತೊಡಗಿಸಿಕೊಳ್ಳಬಹುದು ಎನ್ನುತ್ತಾರೆ ಅಭಿಷೇಕ್.

IAS ಅಭಿಷೇಕ್ ಜೈನ್ UPSC ಪರೀಕ್ಷೆಗೆ ಸ್ವಯಂ ಅಧ್ಯಯನವನ್ನು ಅತ್ಯುತ್ತಮವೆಂದು ಪರಿಗಣಿಸಿದ್ದಾರೆ. ಇದರೊಂದಿಗೆ ಉತ್ತರ ಬರವಣಿಗೆ ಮತ್ತು ಪರಿಷ್ಕರಣೆ ಬಗ್ಗೆಯೂ ಗಮನ ಹರಿಸುವಂತೆ ಸಲಹೆ ನೀಡುತ್ತಾರೆ. ಅಲ್ಲದೆ, ಅಣಕು ಪರೀಕ್ಷೆಗಳ ಮೂಲಕ ನಿಮ್ಮ ತಪ್ಪುಗಳನ್ನು ಅರ್ಥಮಾಡಿಕೊಳ್ಳಿ, ನಂತರ ಅವುಗಳನ್ನು ಸರಿಪಡಿಸಿ ಅಭ್ಯರ್ಥಿಗಳಿಗೆ ಕಿವಿಮಾತು ಹೇಳಿದರು.