Success Story: ಈ ಸೂಪರ್ ಮಾಡೆಲ್ ಖಡಕ್ ಪೊಲೀಸ್ ಅಂದರೆ ನಂಬಲೇಬೇಕು; ಎಕ್ಷಾ ಕಥೆ ಇದು

ಸಿಕ್ಕಿಂನ ಹುಡುಗಿಯೊಬ್ಬಳು ಸದ್ಯ ಚರ್ಚೆಯಲ್ಲಿದ್ದಾಳೆ. ಆಕೆ ಪೊಲೀಸ್ ಅಧಿಕಾರಿ, ಮಾಡೆಲಿಂಗ್ ಕೂಡ ಮಾಡುತ್ತಾಳೆ. ಬೈಕಿಂಗ್ ಮತ್ತು ಬಾಕ್ಸಿಂಗ್ ಅನ್ನು ಸಹ ಇಷ್ಟಪಡುತ್ತಾರೆ. ಬಾಲಿವುಡ್ ಚಿತ್ರದಲ್ಲೂ ಕೆಲಸ ಮಾಡುತ್ತಿದ್ದಾಳೆ. ಇತ್ತೀಚೆಗೆ ಆಕೆಯನ್ನು ಬ್ಯೂಟಿ ಬ್ರ್ಯಾಂಡ್ ನ ರಾಯಭಾರಿಯನ್ನಾಗಿ ಮಾಡಲಾಗಿದೆ. ಸೂಪರ್ಕಾಪ್ ಮತ್ತು ಸೂಪರ್ ಮಾಡೆಲ್ ಎಕ್ಷಾ ಕೆರುಂಗ್ ಸ್ಟೋರಿ ಇಲ್ಲಿದೆ ನೋಡಿ.

ಸೂಪರ್ ಕಾಪ್ ಮತ್ತು ಸೂಪರ್ ಮಾಡೆಲ್ ಎಕ್ಷಾ ಕೆರುಂಗ್ ಸಿಕ್ಕಿಂ ನಿವಾಸಿ. ಅವರು ತಮ್ಮ ಆರಂಭಿಕ ಶಿಕ್ಷಣವನ್ನು ತಮ್ಮ ಹುಟ್ಟೂರಾದ ಸೊಂಬಾರಿಯಾದ ಸ್ಥಳೀಯ ಶಾಲೆಯಿಂದ ಪಡೆದರು. ಇದಾದ ನಂತರ ಅವರು ತಾಡೋಂಗ್ ನ ಎನ್ ಎಸ್ ಎಸ್ ನಾರ್ ಬಹದ್ದೂರ್ ಭಂಡಾರಿ ಪದವಿ ಕಾಲೇಜಿನಲ್ಲಿ ಅಧ್ಯಯನ ಮಾಡಿದರು. ಅವರು ಸಿಕ್ಕಿಂ ಅನ್ನು ರಾಷ್ಟ್ರೀಯ ಸ್ಪರ್ಧೆಗಳಲ್ಲಿ ಪ್ರತಿನಿಧಿಸಿದ್ದಾರೆ.

ಎಕ್ಷಾ ಕೆರುಂಗ್ ಅವರು 2019 ರಲ್ಲಿ ಸಿಕ್ಕಿಂ ಪೊಲೀಸ್ ಇಲಾಖೆಗೆ ಸೇರಿದರು. ಸರ್ಕಾರಿ ನೌಕರಿಗಾಗಿ ಅವರು 14 ತಿಂಗಳ ಕಠಿಣ ತರಬೇತಿಯನ್ನು ಪಡೆಯಬೇಕಾಗಿತ್ತು. ಅದರ ನಂತರ ಅವರು ರಾಜ್ಯ ಮೀಸಲು ಪಡೆಗೆ ಸೇರಿದರು.

ಎಕ್ಷಾ ಗೆರುಂಗ್ ಬಾಲ್ಯದಿಂದಲೂ ಮಾಡೆಲಿಂಗ್ ಮತ್ತು ನಟನೆಯಲ್ಲಿ ಆಸಕ್ತಿ ಹೊಂದಿದ್ದರು. ಪೊಲೀಸ್ ಸೇವೆಗೆ ಸೇರಿದ ನಂತರವೂ ಅವರು ತಮ್ಮ ಕನಸನ್ನು ಹಿಂಬಾಲಿಸಿದರು ಅನುಸರಿಸಿದರು. ವರ್ಷದ MTV ಸೂಪರ್ ಮಾಡೆಲ್ ಗೆ ಹೋಗಲು ಬಯಸಿದ್ದರು. ಇಲಾಖೆಯ ಸಹೋದ್ಯೋಗಿಗಳಿಂದ ಪ್ರೋತ್ಸಾಹ ಸಿಕ್ಕಿದ ಮೇಲೆ ಆಡಿಷನ್ ನೀಡಿ, ಆಯ್ಕೆಯೂ ಆದರು. ಎಕ್ಷಾ ಬೈಕ್ ಓಡಿಸುವುದೆಂದರೆ ತುಂಬಾ ಇಷ್ಟ.

ಎಕ್ಷಾ ಕೆರುಂಗ್ ಅವರು 2018 ರಲ್ಲಿ ಮಿಸ್ ಸಿಕ್ಕಿಂ ಆದರು. ವರ್ಷದ MTV ಸೂಪರ್ ಮಾಡೆಲ್ ಸೀಸನ್ 2 ನಲ್ಲಿ ಭಾಗವಹಿಸಿದ ಪ್ರತಿಯೊಬ್ಬರೂ ಅವರ ಬಗ್ಗೆ ತಿಳಿದುಕೊಳ್ಳಲು ಬಯಸಿದ್ದರು. ಎಕ್ಷ ಹಲವು ರಾಷ್ಟ್ರೀಯ ಟೂರ್ನಿಗಳಲ್ಲಿ ಸಿಕ್ಕಿಂ ತಂಡವನ್ನು ಪ್ರತಿನಿಧಿಸಿದ್ದಾರೆ. ಅವರು ವೃತ್ತಿಪರ ಬಾಕ್ಸರ್ ಕೂಡ.

ಎಕ್ಷ ಕೆರುಂಗ್ ಸಾಮಾಜಿಕ ಜಾಲತಾಣಗಳಲ್ಲಿ ತುಂಬಾ ಸಕ್ರಿಯರಾಗಿದ್ದಾರೆ. ಅವರು Instagram ನಲ್ಲಿ 2 ಲಕ್ಷಕ್ಕೂ ಹೆಚ್ಚು ಫಾಲೋವರ್ಸ್ ಅನ್ನು ಹೊಂದಿದ್ದಾರೆ. ಅವರ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗಿವೆ.

ಮನಮೋಹಕ ಫೋಟೋಗಳ ಜೊತೆಗೆ ಅವರು ಪೊಲೀಸ್ ಸಮವಸ್ತ್ರ, ಬೈಕಿಂಗ್ ಮತ್ತು ಬಾಕ್ಸಿಂಗ್ ಫೋಟೋಗಳನ್ನು ಸಹ ಹಂಚಿಕೊಳ್ಳುತ್ತಾರೆ.