UPSC Success Story: ಎಂಬಿಬಿಎಸ್ ಓದಿದ್ದರೂ ಖಡಕ್ ಪೊಲೀಸ್ ಆಫೀಸರ್ ಆದ ಚೆಲುವೆ ಈಕೆ

ಡಾ. ನವಜೋತ್ ಸಿಮಿ ಬಿಹಾರ ಕೇಡರ್ ನ ಐಪಿಎಸ್ ಅಧಿಕಾರಿ. ಅವರಿಗೆ ವೈದ್ಯಕೀಯ ವೃತ್ತಿ ಇಷ್ಟವಿರಲಿಲ್ಲ. ಅದಕ್ಕಾಗಿಯೇ ಅವರು ಎಂಬಿಬಿಎಸ್ ಬಳಿಕ UPSC ಪರೀಕ್ಷೆಗೆ ತಯಾರಿ ಆರಂಭಿಸಿದರು. ಡಾ. ನವಜೋತ್ ಸಿಮಿ ಅವರ ವೈಯಕ್ತಿಕ ಮತ್ತು ವೃತ್ತಿಪರ ಜೀವನದ ಕಥೆಯು ಸಾಕಷ್ಟು ಆಸಕ್ತಿದಾಯಕವಾಗಿದೆ.

ಅನೇಕ ಅಭ್ಯರ್ಥಿಗಳಂತೆ, ಡಾ. ನವಜೋತ್ ಸಿಮಿ ಕೂಡ ಸಿವಿಲ್ ಸೇವೆಗಳಿಗೆ ಪ್ರವೇಶಿಸಲು ತಮ್ಮ ವೃತ್ತಿಜೀವನದಲ್ಲಿ ರಾಜಿ ಮಾಡಿಕೊಳ್ಳಬೇಕಾಯಿತು. ನವಜೋತ್ ಸಿಮಿ ಪಂಜಾಬ್ ನಿವಾಸಿಯಾಗಿದ್ದು, 21 ಡಿಸೆಂಬರ್ 1987 ರಂದು ಪಂಜಾಬ್ ನ ಗುರುದಾಸ್ಪುರದಲ್ಲಿ ಜನಿಸಿದರು. ಅವರು ಪಂಜಾಬ್ ನ ಪಖೋವಾಲ್ನಲ್ಲಿರುವ ಮಾಡೆಲ್ ಪಬ್ಲಿಕ್ ಸ್ಕೂಲ್ ನಲ್ಲಿ ತಮ್ಮ ಆರಂಭಿಕ ಶಿಕ್ಷಣವನ್ನು ಪಡೆದರು.

ಐಪಿಎಸ್ ಅಧಿಕಾರಿ ಡಾ.ನವಜೋತ್ ಸಿಮಿ ಅವರು ಬಾಬಾ ಜಸ್ವಂತ್ ಸಿಂಗ್ ಡೆಂಟಲ್ ಕಾಲೇಜು ಮತ್ತು ಆಸ್ಪತ್ರೆ ಮತ್ತು ಸಂಶೋಧನಾ ಕೇಂದ್ರದಿಂದ ಡೆಂಟಲ್ ಸರ್ಜರಿ ಬ್ಯಾಚುಲರ್ ಪದವಿಯನ್ನು ಪಡೆದಿದ್ದಾರೆ. ವೈದ್ಯರಾದ ನಂತರ, ಅವರು ಆ ವೃತ್ತಿಯನ್ನು ಇಷ್ಟಪಡಲಿಲ್ಲ. ಆದ್ದರಿಂದ ಅವರು UPSC ಪರೀಕ್ಷೆಗೆ ತಯಾರಿ ಆರಂಭಿಸಿದರು.

2016 ರಲ್ಲಿ, ಅವರು ತಮ್ಮ ಮೊದಲ ಪ್ರಯತ್ನದಲ್ಲಿ ವಿಫಲರಾದರು. ಆದರೆ ಛಲ ಬಿಡದೆ 2017ರ ಸಿವಿಲ್ ಸರ್ವೀಸಸ್ ಪರೀಕ್ಷೆಯಲ್ಲಿ ಸಾಕಷ್ಟು ತಯಾರಿಯೊಂದಿಗೆ ಹಾಜರಾದರು. ತಮ್ಮ ಎರಡನೇ ಪ್ರಯತ್ನದಲ್ಲಿ, ಡಾ. ನವಜೋತ್ ಸಿಮಿ 735 ನೇ ರ್ಯಾಂಕ್ ಗಳಿಸಿದರು. ಆ ಮೂಲಕ ಐಪಿಎಸ್ ಆಗಿ, ಈಗ ಬಿಹಾರ ಕೇಡರ್ ನಲ್ಲಿ ನಿಯೋಜನೆಗೊಂಡಿದ್ದಾರೆ.

IPS ನವಜೋತ್ SIMI ಎಸ್ಪಿ ಆಗಿ ಪೋಸ್ಟ್ ಮಾಡಲಾಗಿದೆ. ಸಿಮಿ ಅವರ ತಮ್ಮ ಸೌಂದರ್ಯ ಮತ್ತು ವೈಯಕ್ತಿಕ ವಿಚಾರಗಳಿಂದ ಬಗ್ಗೆ ಸಾಕಷ್ಟು ಚರ್ಚೆಯಲ್ಲಿರುತ್ತಾರೆ. ಸಾಮಾಜಿಕ ಜಾಲತಾಣ ಇನ್ ಸ್ಟಾಗ್ರಾಮ್ ನಲ್ಲಿ ಡಾ.ನವಜೋತ್ ಸಿಮಿ ಅವರು 1.1 M ಹೆಚ್ಚು ಫಾಲೋವರ್ಸ್ ಅನ್ನು ಹೊಂದಿದ್ದಾರೆ. ಸೌಂದರ್ಯದಲ್ಲಿ ಇವರು ಮಾಡೆಲ್ ಗಳನ್ನು ಸಹ ಹಿಂದಿಕ್ಕಬಹುದು.

ನವಜೋತ್ ಸಿಮಿ ಅವರು ಐಎಎಸ್ ತುಷಾರ್ ಸಿಂಗ್ಲಾ ಅವರನ್ನು 14 ಫೆಬ್ರವರಿ 2020 ರಂದು ಅವರ ಕಚೇರಿಯಲ್ಲಿ ವಿವಾಹವಾದರು. ಅವರ ಆಪ್ತರು ಮಾತ್ರ ಈ ಮದುವೆಯಲ್ಲಿ ಭಾಗಿಯಾಗಿದ್ದರು. ಸರಳವಾಗಿ ನಡೆದ ಈ ಮದುವೆ ತುಂಬಾ ಚರ್ಚೆಗೆ ಗ್ರಾಸವಾಗಿತ್ತು.

ಐಪಿಎಸ್ ಅಧಿಕಾರಿ ನವಜೋತ್ ಸಿಮಿ ಅವರ ಪತಿ ಐಎಎಸ್ ತುಷಾರ್ ಸಿಂಗ್ಲಾ ಕೂಡ ಪಂಜಾಬ್ ನಿವಾಸಿಯಾಗಿದ್ದಾರೆ. ಅವರು 2015 ರ ಪಶ್ಚಿಮ ಬಂಗಾಳ ಕೇಡರ್ ಅಧಿಕಾರಿ. ಇನ್ ಸ್ಟಾಗ್ರಾಮ್ ನಲ್ಲಿ ಫೇಮಸ್ ಆಗಿರುವ ಐಪಿಎಸ್ ನವಜೋತ್ ಸಿಮಿ ಆಗಾಗ್ಗೆ ತನ್ನ ಪತಿಯೊಂದಿಗೆ ಸಾಮಾಜಿಕ ಮಾಧ್ಯಮದಲ್ಲಿ ಚಿತ್ರಗಳನ್ನು ಹಂಚಿಕೊಳ್ಳುತ್ತಾರೆ.