Startup Careers: ಸ್ಟಾರ್ಟ್​ಅಪ್​ಗಳ ಮೂಲಕ ಕರಿಯರ್ ರೂಪಿಸಿಕೊಳ್ಳುವವರಿಗೆ ಬೆಂಗಳೂರು ಬೆಸ್ಟ್ ಅಂತೆ!

ವಿಶ್ವದಲ್ಲೇ ಸ್ಟಾರ್ಟ್ ಅಪ್ ಗಳ ಮೇಲೆ ಭಾರತ ಹಿಡಿತ ಸಾಧಿಸಲು ಪ್ರಾರಂಭಿಸಿದೆ. ಈಗ ಯುವಕರು ಉದ್ಯೋಗ ಮಾಡುವ ಬದಲು ಸ್ವಂತ ಉದ್ಯಮ ಆರಂಭಿಸಲು ಪ್ರೇರಣೆ ಪಡೆಯುತ್ತಿದ್ದಾರೆ. ಅದರಲ್ಲಿ ಶಾರ್ಕ್ ಟ್ಯಾಂಕ್ ನಂತಹ ಶೋಗಳು ಯುವಕರಲ್ಲಿ ಸ್ಟಾರ್ಟಪ್ ಆರಂಭಿಸುವ ಆಸೆಯನ್ನು ಜಾಗೃತಗೊಳಿಸುತ್ತಿವೆ. ಭಾರತ ಈಗ ಸ್ಟಾರ್ಟಪ್ ವಲಯದಲ್ಲಿ ಪ್ರಗತಿ ಸಾಧಿಸಿದ್ದು, ಬ್ರಿಟನ್ ಮತ್ತು ಚೀನಾದಂತಹ ದೇಶಗಳನ್ನು ಹಿಂದಿಕ್ಕಿದೆ.

ಕಳೆದ ದಶಕದಲ್ಲಿ ಅಂದರೆ 2012-2022ರಲ್ಲಿ ಭಾರತದಲ್ಲಿ ಸ್ಟಾರ್ಟಪ್ ಗಳ ಸ್ಥಿತಿ ಹೇಗಿತ್ತು ಎಂಬುದನ್ನು ಇಂದು ನಾವು ನಿಮಗೆ ಹೇಳಲಿದ್ದೇವೆ. ವರದಿಗಳ ಪ್ರಕಾರ, 2012-2022ರ ಅವಧಿಯಲ್ಲಿ ಭಾರತದಲ್ಲಿ 58,000 ಸ್ಟಾರ್ಟಪ್ಗಳನ್ನು ಪ್ರಾರಂಭಿಸಲಾಗಿದೆ.

ಇದರಲ್ಲಿ 2015ರಲ್ಲಿ 8000 ಸ್ಟಾರ್ಟಪ್ ಗಳು ಮತ್ತು 2022ರಲ್ಲಿ 622 ಸ್ಟಾರ್ಟ್ ಅಪ್ ಗಳನ್ನು ಪ್ರಾರಂಭಿಸಲಾಯಿತು. ಕುತೂಹಲಕಾರಿಯಾಗಿ, ಕೊರೊನಾ ಅವಧಿಯಲ್ಲಿ ಪ್ರಾರಂಭವಾದ ಸ್ಟಾರ್ಟ್ ಅಪ್ ಗಳ ಸಂಖ್ಯೆಯೂ ಹೆಚ್ಚಿತ್ತು.

ಒಟ್ಟು ಸ್ಟಾರ್ಟ್ ಅಪ್ ಗಳಲ್ಲಿ, ಫಿನ್ ಟೆಕ್ ಮತ್ತು ಇಕಾಮರ್ಸ್ ಸ್ಟಾರ್ಟ್ ಅಪ್ ಗಳು ಹೆಚ್ಚು ಹಣವನ್ನು ಪಡೆದಿವೆ. ಕೊರೊನಾ ಅವಧಿಯಾದ 2021 ರಲ್ಲಿ ಸ್ಟಾರ್ಟ್ಅಪ್ಗಳು 42 ಬಿಲಿಯನ್ ಡಾಲರ್ಗಳ ಹಣವನ್ನು ಪಡೆದಿವೆ.

ಭಾರತೀಯ ಸ್ಟಾರ್ಟಪ್ ಪರಿಸರ ವ್ಯವಸ್ಥೆಯು ಯುನಿಕಾರ್ನ್ ಗಳ ಸಂಖ್ಯೆಯಲ್ಲಿ ವಿಶ್ವದಲ್ಲಿ 3ನೇ ಸ್ಥಾನದಲ್ಲಿದೆ. ಮೇ 5, 2022ರ ಹೊತ್ತಿಗೆ, 100 ಕ್ಕೂ ಹೆಚ್ಚು ಯುನಿಕಾರ್ನ್ ಗಳಿವೆ. ಇವುಗಳ ಒಟ್ಟು ಮೌಲ್ಯ $332.7 ಶತಕೋಟಿ.

2021ರಲ್ಲಿ ಯುನಿಕಾರ್ನ್ ಗಳ ಸಂಖ್ಯೆಯಲ್ಲಿ ಭಾರಿ ಜಿಗಿತ ಕಂಡುಬಂದಿದೆ. ಈ ಅವಧಿಯಲ್ಲಿ ಒಟ್ಟು 44 ಸ್ಟಾರ್ಟ್ಅಪ್ ಯುನಿಕಾರ್ನ್ ಗಳು ಯುನಿಕಾರ್ನ್ ಕ್ಲಬ್ ಗೆ ಸೇರ್ಪಡೆಗೊಂಡಿದ್ದು ಒಟ್ಟು $93 ಬಿಲಿಯನ್ ಮೌಲ್ಯವನ್ನು ಹೊಂದಿದೆ. 2022 ರ ಮೊದಲ ನಾಲ್ಕು ತಿಂಗಳುಗಳಲ್ಲಿ, 14 ಯುನಿಕಾರ್ನ್ ಗಳನ್ನು ಭಾರತದಲ್ಲಿ ಒಟ್ಟು $18.9 ಶತಕೋಟಿ ಮೌಲ್ಯದೊಂದಿಗೆ ರಚಿಸಲಾಗಿದೆ.

ಭಾರತದಲ್ಲಿ 100 ಸ್ಟಾರ್ಟಪ್ ಗಳು ಈಗ ಯುನಿಕಾರ್ನ್ ಗಳಾಗಿ ಮಾರ್ಪಟ್ಟಿವೆ. ಈ ವಿಷಯದಲ್ಲಿ ಬ್ರಿಟನ್ ಭಾರತದ ಹಿಂದೆ ಇದೆ. ಯುಕೆಯಲ್ಲಿ ಕೇವಲ 9 ಕಂಪನಿಗಳು ಸ್ಟಾರ್ಟ್ ಅಪ್ ಗಳಾಗಿ ಮಾರ್ಪಟ್ಟಿವೆ.

ಬೆಂಗಳೂರಿನಲ್ಲಿ ಅತಿ ಹೆಚ್ಚು ಯುನಿಕಾರ್ನ್ ಗಳಿವೆ. ಅತಿ ಹೆಚ್ಚು ಸ್ಟಾರ್ಟಪ್ಗಳನ್ನು ಹೊಂದಿರುವ ರಾಜ್ಯ ಮಹಾರಾಷ್ಟ್ರ.