Resume Tips-3: ಈ ರೀತಿಯ ರೆಸ್ಯೂಮ್​​ಗಳನ್ನು ಕೂಡಲೇ ಕಂಪನಿಗಳ HR ರಿಜೆಕ್ಟ್ ಮಾಡ್ತಾರೆ, ಹುಷಾರ್

ಹಾಗಾದರೆ HRಗಳ ಗಮನ ಸೆಳೆಯುವಲ್ಲಿ ಯಶಸ್ವಿಯಾಗಲು ರೆಸ್ಯೂಮ್ ಯಾವ ರೀತಿ ಇರಬೇಕು? ಈ ಪ್ರಶ್ನೆಗೆ ಸೂಕ್ತ ಮಾಹಿತಿಯನ್ನು ಇಲ್ಲಿ ನೀಡಲಾಗಿದೆ. ಈ 6 ಸಲಹೆಗಳ ಮೂಲಕ ನಿಮ್ಮ ರೆಸ್ಯೂಮ್ ಗುಣಮಟ್ಟವನ್ನು ಸುಧಾರಿಸುವುದು ಉತ್ತಮ.

1) ನಿಮ್ಮ ರೆಸ್ಯೂಮ್ ನಲ್ಲಿ ಹೆಚ್ಚಾಗಿ ಸ್ಪೆಲ್ಲಿಂಗ್ ಮಿಸ್ಟೇಕ್, ತಪ್ಪಾದ ಪದ ಬಳಕೆ ಇದ್ದರೆ ರಿಜೆಕ್ಟ್ ಆಗುವ ಸಾಧ್ಯತೆಗಳು ಹೆಚ್ಚು. ಇಂಗ್ಲಿಷ್ ಇರಲಿ, ಕನ್ನಡವೇ ಆಗಿರಲಿ ಕಾಗುಣಿತ, ವ್ಯಾಕರಣ ರಚನೆ ತಪ್ಪಾಗಿದೆಯೇ ಎಂದು ಗಮನಿಸಿ. ತಪ್ಪಿದ್ದರೆ ಕೂಡಲೇ ಸರಿ ಮಾಡಿ.

2) ನೀವು ಕಂಪನಿಯ ಯಾವ ಹುದ್ದೆಗೆ ರೆಸ್ಯೂಮ್ ಕಳುಹಿಸಿದ್ದೀರಿ ಎಂದು ಉಲ್ಲೇಖಿಸದೇ ಇರುವುದು ಕೂಡ ನಿಮಗೆ ಅವಕಾಶವನ್ನು ತಪ್ಪಿಸುತ್ತದೆ. ಕಂಪನಿಯವರು ಹಲವು ಹುದ್ದೆಗಳ ನೇಮಕಾತಿಗೆ ಪ್ರಕಟಣೆ ಹೊರಡಿಸಿರುತ್ತಾರೆ. ಅದರಲ್ಲಿ ನೀವು ಯಾವ ಹುದ್ದೆಗೆ ಪ್ರಯತ್ನಿಸುತ್ತಿದ್ದೀರಿ ಎಂದು ಸರಿಯಾಗಿ ಮೆನ್ಷನ್ ಮಾಡಬೇಕು.

3) ನೀವು ಯಾವ ಕೆಲಸಕ್ಕೆ ಅರ್ಜಿ ಸಲ್ಲಿಸುತ್ತಿದ್ದೀರೋ ಅದಕ್ಕೆ ಹೊಂದಿಕೆಯಾಗುವಂತಹ ರೆಸ್ಯೂಮ್ ಕಳುಹಿಸಬೇಕು. ಒಂದೇ ಮಾದರಿಯ ರೆಸ್ಯೂಮ್ ಅನ್ನು ಎಲ್ಲೆಡೆಯೂ ಕಳುಹಿಸಬಾರದು. ಹುದ್ದೆಗೆ ತಕ್ಕಂತೆ ರೆಸ್ಯೂಮ್ ಅನ್ನು ಅಪ್ ಡೇಟ್ ಮಾಡಿ ಕಳುಹಿಸಬೇಕು. ಸಾಂದರ್ಭಿಕ ಚಿತ್ರ

4) ರೆಸ್ಯೂಮ್ ತುಂಬಾ ಚಿಕ್ಕದಾಗಿ ಇರುವುದು ಅಥವಾ ತುಂಬಾ ಲಾಂಗ್ ಆಗಿ ಇರುವುದು. ಕೇವಲ ಅರ್ಧ ಹಾಳೆಯಷ್ಟು ರೆಸ್ಯೂಮ್ ಅನ್ನು ಯಾರೂ ಆಯ್ಕೆ ಮಾಡುವುದಿಲ್ಲ. ಹಾಗಂತ 3-4 ಪುಟಗಳ ರೆಸ್ಯೂಮ್ ಕೂಡ ಸೆಲೆಕ್ಟ್ ಆಗಲ್ಲ. ಎಷ್ಟು ಬೇಕೋ ಅಷ್ಟೇ ಮಾಹಿತಿ ಇರುವಂತೆ ರೆಸ್ಯೂಮ್ ಅನ್ನು ತಯಾರಿಸಿ.

5) ಬಣ್ಣಬಣ್ಣದ, ದೊಡ್ಡ ಫೋಟೋ ಇರುವ, ಅಕ್ಷರಗಳು ಅತಿಯಾಗಿ ಬೋಲ್ಡ್ ಮಾಡಿದ ಹಾಗೂ ಕಣ್ಣಿಗೆ ರಾಚುವಂತ ರೆಸ್ಯೂಮ್ ಕೂಡ ರಿಜೆಕ್ಟ್ ಆಗುತ್ತದೆ. ರೆಸ್ಯೂಮ್ ಫಾರ್ಮೆಟ್, ಫಾಂಟ್ ಸೈಜ್ ವೃತ್ತಿಪರವಾಗಿರಲಿ. ಅನಗತ್ಯ ಬಣ್ಣಗಳ ಬಳಕೆ ಬೇಡ.

6) ಹಳೆಯ ಮಾದರಿಯಂತೆ ಮನೆಯ ವಿಳಾಸವನ್ನಷ್ಟೇ ಕೊಡುವುದು ಕೂಡ ಕಮ್ಯುನಿಕೇಷನ್ ಪ್ರಾಬ್ಲಂ ಅನ್ನು ಸೃಷ್ಟಿಸುತ್ತದೆ. ಈಗ ನಿಮ್ಮ ಮನೆಯ ವಿಳಾಸ ಕೊಡುವ ಅಗತ್ಯವಿಲ್ಲ. ಸರಿಯಾದ ಫೋನ್ ನಂಬರ್, ಮೇಲ್ ಐಡಿ ಅನ್ನು ರೆಸ್ಯೂಮ್ ನಲ್ಲಿ ಹಾಕಿದರೆ ಸಾಕು.