MBA in Tea Management: ಟೀ ಮ್ಯಾನೇಜ್​ಮೆಂಟ್​​ನಲ್ಲಿ ಎಂಬಿಎ ಮಾಡಿದವರಿಗೆ ಲಕ್ಷ ಲಕ್ಷ ಸಂಬಳದ ಉದ್ಯೋಗ

ಟೀ ಉದ್ಯಮದಲ್ಲಿ ಕರಿಯರ್ ರೂಪಿಸಿಕೊಳ್ಳಲು MBAನಲ್ಲಿ ಟೀ ಮ್ಯಾನೇಜ್ಮೆಂಟ್ ಮಾಡಿದರೆ ಎಷ್ಟು ಲಾಭದಾಯಕ ಎಂಬ ಬಗ್ಗೆ ತಿಳಿಸಲಿದ್ದೇವೆ. ಬಹಳಷ್ಟು ಮಂದಿಗೆ ಈ ಕೋರ್ಸ್ ಬಗ್ಗೆ ಗೊತ್ತಿಲ್ಲ. 2 ವರ್ಷಗಳ ಅವಧಿಯ ಟೀ ಮ್ಯಾನೇಜ್ ಮೆಂಟ್ ನಲ್ಲಿ MBA ಸ್ನಾತಕೋತ್ತರ ಪದವಿ ಕೋರ್ಸ್ ಇದೆ.

ಈ ಎಂಬಿಎ ಕೋರ್ಸ್ ಚಹಾ ಪ್ರಕ್ರಿಯೆಯ ನಿರ್ವಹಣೆಗೆ ಸಂಬಂಧಿಸಿದೆ. ಕಾಫಿಯ ನಂತರ, ಚಹಾವು ವಿಶ್ವದಲ್ಲಿ ಎರಡನೇ ಅತಿ ಹೆಚ್ಚು ಸೇವಿಸುವ ಪಾನೀಯವಾಗಿದೆ. ಚಹಾ ಉದ್ಯಮದಲ್ಲಿ, ಭಾರತವು ವಿಶ್ವದ ಅತಿದೊಡ್ಡ ಗ್ರಾಹಕ. ಚಹಾ ಉತ್ಪಾದನೆ, ರಫ್ತು, ಬ್ರ್ಯಾಂಡಿಂಗ್, ಸಂಸ್ಕರಣೆ, ಮಾರುಕಟ್ಟೆ ಮತ್ತು ಸಂಶೋಧನೆಯಲ್ಲಿ ಪ್ರಮುಖವಾಗಿದೆ.

ಈ ಕೋರ್ಸ್ ನೊಂದಿಗೆ ನೀವು ಈ ಉದ್ಯಮದಲ್ಲಿ ಉದ್ಯೋಗ ಅಥವಾ ವೃತ್ತಿಯನ್ನು ಹೇಗೆ ಮಾಡಬಹುದು ಎಂಬ ಮಾಹಿತಿಯನ್ನು ಇಲ್ಲಿ ನೀಡಲಾಗಿದೆ. ಈ ಕೋರ್ಸ್ ಮಾಡಲು ಯಾವೆಲ್ಲಾ ಅರ್ಹತೆಗಳಿರಬೇಕು? ಪ್ರವೇಶ ಪ್ರಕ್ರಿಯೆ ಹೇಗಿರಲಿ ಎಂಬ ಮಾಹಿತಿ ಇದೆ.

ಈ ಕೋರ್ಸ್ ನ ಹೆಸರು ಟೀ ಮ್ಯಾನೇಜ್ ಮೆಂಟ್ ಇನ್ ಎಂಬಿಎ. ಇದು ಸ್ನಾತಕೋತ್ತರ ಕೋರ್ಸ್ ಆಗಿದೆ. ಅಂದರೆ ಈ ಕೋರ್ಸ್ ಮಾಡಲು ನೀವು ಪದವೀಧರರಾಗಿರಬೇಕು. ಇದರಲ್ಲಿ ಪ್ರವೇಶ ಪಡೆಯಲು ನೀವು ಪ್ರವೇಶ ಪರೀಕ್ಷೆಯನ್ನು ನೀಡಬೇಕು. ಭಾರತದಲ್ಲಿ ಈ ಕೋರ್ಸ್ ಅನ್ನು ಒದಗಿಸುವ ಅನೇಕ ವಿಶ್ವವಿದ್ಯಾಲಯಗಳಿವೆ.

ಈ ಕೋರ್ಸ್ ಗೆ ಪ್ರವೇಶ ಪಡೆಯಲು ವಿದ್ಯಾರ್ಥಿಗಳು ಯಾವುದೇ ಮಾನ್ಯತೆ ಪಡೆದ ವಿಶ್ವವಿದ್ಯಾಲಯದಿಂದ ಸ್ಯಾಟಿಸ್ಟಿಕ್ಸ್, ಗಣಿತ, ಜೈವಿಕ ವಿಜ್ಞಾನ, ಕಂಪ್ಯೂಟರ್ ಅಪ್ಲಿಕೇಶನ್ ಇತ್ಯಾದಿಗಳಲ್ಲಿ ಪದವಿ ಪಡೆದಿರಬೇಕು. ಅಲ್ಲದೆ, ಪದವಿಯಲ್ಲಿ ಕನಿಷ್ಠ ಶೇ.60 ಅಂಕಗಳಿರಬೇಕು.

ಅಭ್ಯರ್ಥಿಗಳು ತಮ್ಮ ಆಯ್ಕೆಯ ಕಾಲೇಜುಗಳಲ್ಲಿ ಸೀಟು ಪಡೆಯಲು CAT, XAT, MAT, GMAT ಮತ್ತು CMAT ನಂತಹ ಯಾವುದೇ ಪ್ರವೇಶ ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿರಬೇಕು. ಪ್ರವೇಶ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ನಂತರ, ವೈಯಕ್ತಿಕ ಸಂದರ್ಶನವಿರುತ್ತೆ. ಅಭ್ಯರ್ಥಿಗಳು ಅದರಲ್ಲಿ ಉತ್ತಮ ಅಂಕ ಗಳಿಸಿದರೆ, ಅವರು ವಿದ್ಯಾರ್ಥಿವೇತನವನ್ನು ಸಹ ಪಡೆಯಬಹುದು.

ಕೋರ್ಸ್ ನಂತರ ನೀವು ಟೀ ಬೋರ್ಡ್ ಆಫ್ ಇಂಡಿಯಾ, ಟೀ ರಿಸರ್ಚ್ ಕಂಪನಿಗಳು, ಟೀ ಬ್ರೋಕಿಂಗ್ ಹೌಸ್, ಟೀ ಅಸೋಸಿಯೇಷನ್, ಟೀ ಕಂಪನಿ, ಟೀ ಪ್ಲಾಂಟೇಶನ್ನಲ್ಲಿ ಕೆಲಸ ಪಡೆಯುತ್ತೀರಿ. ಸಂಬಳದ ಬಗ್ಗೆ ಹೇಳುವುದಾದರೆ ಆರಂಭದಲ್ಲಿ ನಿಮಗೆ 50 ಸಾವಿರದವರೆಗೆ ಸಂಬಳ ನೀಡಬಹುದು.

ಟೀ ಟೆಸ್ಟಿಂಗ್ ಮ್ಯಾನೇಜರ್, ಚಹಾ ಸಂಶೋಧಕ ಪ್ಲಾಂಟೇಶನ್ / ಫ್ಯಾಕ್ಟರಿ ಮ್ಯಾನೇಜರ್, ಚಹಾ ಸಲಹೆಗಾರ, ಟೀ ಬ್ರೋಕರ್ಸ್ ಹುದ್ದೆಗಳನ್ನು ಅಲಂಕರಿಸಬಹುದು. (ಸಾಂದರ್ಭಿಕ ಚಿತ್ರ)