2023 Long Weekends: 2023ರಲ್ಲಿ ಈ ರೀತಿ 1 ದಿನ ಲೀವ್ ಹಾಕಿಕೊಂಡರೆ, 4-5 ದಿನಗಳ ರಜೆಗಳು ಒಟ್ಟಿಗೆ ಸಿಗುತ್ತೆ

2023ರಲ್ಲಿ ಶನಿವಾರ ಮತ್ತು ಭಾನುವಾರದಂದೇ 5 ಸಾರ್ವಜನಿಕ ರಜಾದಿನಗಳು ಬಂದಿದ್ದು, ನೌಕರರು ರಜೆಯನ್ನು ಕಳೆದುಕೊಳ್ಳುತ್ತಾರೆ. ಆದರೆ ಇದರಿಂದ ಬೇಸರ ಬೇಡ. ಮತ್ತೊಂದಿಷ್ಟು ದಿನಗಳಲ್ಲಿ ನಿಮಗೆ 3-4 ದಿನಗಳ ಸತತ ರಜೆ ಸಿಗುತ್ತದೆ. ಹೇಗೆ ಅಂತ ನೋಡೋಣ ಬನ್ನಿ. (ಸಾಂಕೇತಿಕ ಚಿತ್ರ)

ವರ್ಷದ ಮೊದಲ ಸಾರ್ವಜನಿಕ ರಜೆ (ಗಣರಾಜ್ಯೋತ್ಸವ - ಜನವರಿ 26) ಗುರುವಾರ ಬರುತ್ತದೆ. ಶುಕ್ರವಾರ ಒಂದು ದಿನ ರಜೆ ಹಾಕಿಕೊಂಡರೆ ಮತ್ತೆ ಶನಿವಾರ-ಭಾನುವಾರ ವೀಕ್ ಆಫ್ ಇರುತ್ತದೆ. ಆಗ 1 ಲೀವ್ ಮೂಲಕ 4 ದಿನಗಳ ರಜೆಯನ್ನು ನಿಮ್ಮದಾಗಿಸಿಕೊಳ್ಳಬಹುದು.

ಹೋಳಿಯು ಮಾರ್ಚ್ 7 ಮತ್ತು 8 ರಂದು (ಮಂಗಳವಾರ ಮತ್ತು ಬುಧವಾರ) ಬರುತ್ತದೆ. ಮಾರ್ಚ್ 4 ರಿಂದ ಐದು ದಿನಗಳ ವಾರಾಂತ್ಯವನ್ನು ಎಂಜಾಯ್ ಮಾಡಲು ನೌಕರರು ಮಾರ್ಚ್ 6 ರಂದು (ಸೋಮವಾರ) ಒಂದು ದಿನದ ರಜೆಯನ್ನು ತೆಗೆದುಕೊಂಡರೆ ಸಾಕು ಸತತ 5 ದಿನಗಳ ರಜೆ ನಿಮ್ಮದಾಗುತ್ತದೆ.

ದಸರಾ ಸಮಯದಲ್ಲಿ ನಾಲ್ಕು ದಿನಗಳ ರಜೆ ಸಿಗುತ್ತೆ. ಮಹಾನವಮಿ ಮತ್ತು ವಿಜಯ ದಶಮಿ ಹಬ್ಬಗಳು ಕ್ರಮವಾಗಿ ಸೋಮವಾರ (ಅಕ್ಟೋಬರ್ 23) ಮತ್ತು ಮಂಗಳವಾರ (ಅಕ್ಟೋಬರ್ 24) ನಡೆಯಲಿದೆ. ಶನಿವಾರದಿಂದ ಮಂಗಳವಾರದವರೆಗೆ 4 ದಿನಗಳ ರಜೆ ಸಿಗುತ್ತೆ.

ದೀಪಾವಳಿ ರಜೆ ನವೆಂಬರ್ 12 ರಂದು ಬರುತ್ತದೆ. ನವೆಂಬರ್ 13 ಮತ್ತು 15 ರಂದು ಗೋವರ್ಧನ ಪೂಜೆ ಮತ್ತು ಭಾಯಿ ದುಜ್ ಬೀಳುವುದರಿಂದ, ಉದ್ಯೋಗಿಗಳು ನವೆಂಬರ್ 11, 2023 ರಿಂದ ಐದು ದಿನಗಳ ರಜೆಯನ್ನು ಪಡೆಯಲು ನವೆಂಬರ್ 14 ರಂದು ರಜೆ ಪಡೆಯಬೇಕಾಗುತ್ತದೆ.

ಮೊಹಮ್ಮದ್ ಹಜರತ್ ಅಲಿ ಅವರ ಜನ್ಮದಿನವು ಭಾನುವಾರ (ಫೆಬ್ರವರಿ 5) ರಂದು ಬರುತ್ತಿದ್ದು, ಮಹಾಶಿವರಾತ್ರಿ ರಜೆಯನ್ನು ಶನಿವಾರ - ಫೆಬ್ರವರಿ 18 ರಂದು ಆಚರಿಸಲಾಗುತ್ತದೆ. ಮಹಾವೀರ ಜಯಂತಿ ಮತ್ತು ಶುಭ ಶುಕ್ರವಾರದ ರಜಾದಿನಗಳು ಮಂಗಳವಾರ (ಏಪ್ರಿಲ್ 4) ಮತ್ತು ಶುಕ್ರವಾರ (ಏಪ್ರಿಲ್ 7) ಬೀಳುತ್ತವೆ. ಈ ಎಲ್ಲಾ ರಜೆಗಳು ವೀಕೆಂಡ್ ರಜೆ ಜೊತೆ ಸೇರಿಕೊಳ್ಳುತ್ತವೆ. ಮಧ್ಯದಲ್ಲೊಂದು ಲೀವ್ ಹಾಕಿಕೊಂಡರೆ ಸಾಕು.

ಡಾ ಭೀಮರಾವ್ ಅಂಬೇಡ್ಕರ್ ಅವರ ಜನ್ಮದಿನ, ಈದ್-ಉಲ್-ಫಿತರ್ ಮತ್ತು ಬುದ್ಧ ಪೂರ್ಣಿಮಾ ರಜಾದಿನಗಳನ್ನು ಕ್ರಮವಾಗಿ ಶುಕ್ರವಾರ (ಏಪ್ರಿಲ್ 14), ಶನಿವಾರ (ಏಪ್ರಿಲ್ 22) ಮತ್ತು ಶುಕ್ರವಾರ (ಮೇ 5) ಆಚರಿಸಲಾಗುತ್ತದೆ. ಶನಿವಾರ-ಭಾನುವಾರ ರಜೆ ಇರುವುದರಿಂದ ಶುಕ್ರವಾರ ರಜೆ ಸಿಕ್ಕರೆ ಲಾಂಗ್ ವೀಕೆಂಡ್ ನಿಮ್ಮದಾಗುತ್ತೆ.

ಸೋಮವಾರ (ಅಕ್ಟೋಬರ್ 2) ಮಹಾತ್ಮ ಗಾಂಧಿ ಜಯಂತಿ ಇದೆ. ಶನಿವಾರ-ಭಾನುವಾರದ ಜೊತೆ ಸೋಮವಾರವೂ ರಜೆ ಸಿಗುವ ಮೂಲಕ ಸತತ 3 ದಿನಗಳ ರಜೆ ನಿಮ್ಮದಾಗುತ್ತದೆ. ಇದೇ ರೀತಿ ಗುರುನಾನಕ್ ಜಯಂತಿ (ಕಾರ್ತಿಕ ಪೂರ್ಣಿಮಾ) ಮತ್ತು ಕ್ರಿಸ್ಮಸ್ ಸೋಮವಾರ (ನವೆಂಬರ್ 27 ಮತ್ತು ಡಿಸೆಂಬರ್ 25) ಬೀಳುತ್ತವೆ. ಡಿ.26ರಂದು ಒಂದು ರಜೆ ಹಾಕಿಕೊಂಡರೆ ಸಾಕು. (ಸಾಂದರ್ಭಿಕ ಚಿತ್ರ)