Highest Paying Careers: ಭಾರತದಲ್ಲಿ ಹೆಚ್ಚು ಸಂಬಳ ಬೇಕೆಂದರೆ ನಿಮ್ಮ ಉದ್ಯೋಗ ಆಯ್ಕೆ ಹೀಗಿರಲಿ

ವಿದ್ಯಾರ್ಹತೆಗೆ ಅನುಗುಣವಾಗಿ ಸಂಬಳ ಬದಲಾಗುತ್ತದೆ. ಆದರೆ ಅತಿ ಹೆಚ್ಚು ವೇತನ ನೀಡುವ ಕೆಲವು ಕ್ಷೇತ್ರಗಳಿವೆ. ಹಾಗಾದರೆ ಭಾರತದಲ್ಲಿ ಯಾವ ಕ್ಷೇತ್ರದಲ್ಲಿ ವೃತ್ತಿ ರೂಪಿಸಿಕೊಂಡರೆ ಹೆಚ್ಚಿನ ಸಂಬಳ ಸಿಗುತ್ತೆ ಗೊತ್ತೇ? ಆ ಬಗ್ಗೆ ಮಾಹಿತಿ ಇಲ್ಲಿದೆ ನೋಡಿ.

ಡಾಕ್ಟರ್ ಮತ್ತು ಇಂಜಿನಿಯರ್ ದೇಶದ ಎರಡು ಸಾಂಪ್ರದಾಯಿಕ ವೃತ್ತಿಗಳು. ದೇಶದಲ್ಲಿ ವೈದ್ಯರ ಕೊರತೆ ತೀವ್ರವಾಗಿದೆ. ಹಾಗಾಗಿ ಅವರಿಗೆ ಸಾಕಷ್ಟು ಅವಕಾಶಗಳಿವೆ. ವೈದ್ಯಕೀಯ ಕ್ಷೇತ್ರದಲ್ಲಿರುವವರು ತಿಂಗಳಿಗೆ ಲಕ್ಷಗಳಲ್ಲಿ ಸಂಪಾದಿಸುತ್ತಾರೆ.

ಮ್ಯಾನೇಜ್ ಮೆಂಟ್ ಪ್ರೊಫೆಷನಲ್ಸ್: ವೇಗವಾಗಿ ಬೆಳೆಯುತ್ತಿರುವ ಜಾಗತಿಕತೆ ಮತ್ತು ತಂತ್ರಜ್ಞಾನದ ಯುಗದಲ್ಲಿ ನಿರ್ವಹಣಾ ಕ್ಷೇತ್ರ ತನ್ನ ವ್ಯಾಪಕ ಜಾಲವನ್ನು ವಿಸ್ತರಿಸಿಕೊಳ್ಳುತ್ತಿದೆ. ಮ್ಯಾನೇಜ್ ಮೆಂಟ್ ಕ್ಷೇತ್ರದ ನಿರ್ಧಾರ ತೆಗೆದುಕೊಳ್ಳುವ ಜವಾಬ್ದಾರಿಗಳನ್ನು ನಿರ್ವಹಣೆ ಮಾಡುವುದರಿಂದ ಅದ್ಬುತ ಸಂಭಾವನೆ ಪಡೆಯಬಹುದು.

ಚಾರ್ಟರ್ಡ್ ಅಕೌಂಟೆಂಟ್ ವೃತ್ತಿಯು ಯಾವಾಗಲೂ ಬೇಡಿಕೆಯಲ್ಲಿರುತ್ತದೆ. ಪ್ರತಿ ಕಂಪನಿಗೆ ಸಿಎ ಅಗತ್ಯವಿದೆ. ಮೊದಲ ಪ್ರಯತ್ನದಲ್ಲಿ ಸಿಎ ಫೈನಲ್ ನಲ್ಲಿ ತೇರ್ಗಡೆಯಾದವರಿಗೆ 11-15 ಲಕ್ಷ ರೂ. ಸಂಬಳ ಇರುತ್ತದೆ. (ಪ್ರಾತಿನಿಧಿಕ ಚಿತ್ರ)

ಕಂಪ್ಯೂಟರ್ ಸೈನ್ಸ್ ಎಂಜಿನಿಯರಿಂಗ್ ಗೆ ಭಾರತದಲ್ಲಿ ಹೆಚ್ಚಿನ ಬೇಡಿಕೆಯಿದೆ. ಅಮೆಜಾನ್, ಮೈಕ್ರೋಸಾಫ್ಟ್, ಗೂಗಲ್ ಮತ್ತು ಫೇಸ್ ಬುಕ್ ನಂತಹ ಟೆಕ್ ಕಂಪನಿಗಳು ಹೆಚ್ಚಿನ ಸಂಖ್ಯೆಯ ಉದ್ಯೋಗಿಗಳನ್ನು ನೇಮಿಸಿಕೊಂಡಿವೆ. ಅನನುಭವಿ ಇಂಜಿನಿಯರ್ ಗೆ ಸರಾಸರಿ ವಾರ್ಷಿಕ ವೇತನವು ರೂ.5 ಲಕ್ಷದಿಂದ ರೂ.7 ಲಕ್ಷದ ನಡುವೆ ಇರುತ್ತದೆ. (ಪ್ರಾತಿನಿಧಿಕ ಚಿತ್ರ)

ಕಮರ್ಷಿಯಲ್ ಪೈಲೆಟ್: ವಿಮಾನ ಪೈಲಟ್ ನ ಕೆಲಸವು ತಿಂಗಳಿಗೆ ಉತ್ತಮ ಮೊತ್ತವನ್ನು ಗಳಿಸುವುದು ಮಾತ್ರವಲ್ಲ, ಸಮಾಜದಲ್ಲಿ ಗೌರವವೂ ಆಗಿದೆ. ತಿಂಗಳಿಗೆ ಒಂದೂವರೆಯಿಂದ ಎರಡು ಲಕ್ಷ ರೂಪಾಯಿ ಸಂಬಳ ಪಡೆಯುತ್ತಾರೆ.

ಮನೋರಂಜನಾ ಕ್ಷೇತ್ರ: ಮೀಡಿಯಾ, ಈವೆಂಟ್ಸ್ ಮತ್ತು ಮನೋರಂಜನಾ ಉದ್ಯಮಗಳಲ್ಲಿ ಹೆಚ್ಚು ಹೂಡಿಕೆ ಹಾಗೂ ಹೆಚ್ಚು ಗಳಿಕೆ ಇರುತ್ತದೆ. ನಟರು ಮತ್ತು ಮಾಡೆಲ್ ಗಳಿಗೆ ಉತ್ತಮ ಸಂಭಾವನೆ ಇದ್ದು, ಪ್ರೊಜೆಕ್ಟ್ ಗಳ ಆಧಾರದ ಮೇಲೆ ಸಂಭಾವನೆ ಪಡೆಯುತ್ತಾರೆ.