Free Online Courses: ಬೇಗ ಕೆಲಸ ಸಿಗಲು ಈ 10 ಉಚಿತ ಆನ್​​ಲೈನ್​​ ಕೋರ್ಸ್​​ಗಳನ್ನು ಮಾಡಿಕೊಳ್ಳಿ

ಓದಿನ ಜೊತೆಗೆ ಬೇಡಿಕೆಯಲ್ಲಿರುವ ಕೌಶಲ್ಯಗಳನ್ನು ಕಲಿತರಷ್ಟೇ ಲಕ್ಷ ಲಕ್ಷ ಸಂಬಳದ ಕೆಲಸ ಸಿಗಲು ಸಾಧ್ಯ. ಓದಿನ ಜೊತೆ ಕೆಲವು ಕೋರ್ಸ್ ಗಳನ್ನು ಮಾಡುವುದು ನಿಮ್ಮನ್ನು ಬೇಡಿಯ ಉದ್ಯೋಗಿಯನ್ನಾಗಿ ಮಾಡುತ್ತೆ. ಈಗಾಗಲೇ ಓದಿಗೆ ಲಕ್ಷಾಂತರ ರೂಪಾಯಿ ಖರ್ಚು ಮಾಡಿರುವಾಗ ಮತ್ತೆ ಕೋರ್ಸ್ ಗಳಿಗೆ ಹಣ ಸುರಿಬೇಕಾ ಎಂದು ಯೋಚಿಸಬೇಡಿ.ಹಾರ್ವರ್ಡ್ ವಿಶ್ವವಿದ್ಯಾಲಯವು ಆನ್ ಲೈನ್ ನಲ್ಲಿ ಉಚಿತವಾಗಿ ನೀಡುತ್ತಿರುವ 10 ಕೋರ್ಸ್ ಗಳ ಬಗ್ಗೆ ನಾವಿಲ್ಲಿ ಮಾಹಿತಿ ನೀಡಿದ್ದೇವೆ.

1) Introduction To Game Development: ಸೂಪರ್ ಮಾರಿಯೋ ಬ್ರದರ್ಸ್, ಪೋಕ್ಮನ್, ಆಂಗ್ರಿ ಬರ್ಡ್ಸ್ನಂತಹ ಯಶಸ್ವಿ ಗೇಮ್ ಗಳನ್ನು ರಚಿಸಲು ಈ ಕೌಶಲ್ಯ ಬೇಕಾಗುತ್ತದೆ. ಹಾಗೆಯೇ 2D ಮತ್ತು 3D ಗೇಮ್ ಗಳ ಅಭಿವೃದ್ಧಿಯ ಸಂಪೂರ್ಣ ತಿಳುವಳಿಕೆಯನ್ನು ಪಡೆಯಲು ಇದು ಉಪಯುಕ್ತವಾಗಿದೆ. ನೀವು ವಾರಕ್ಕೆ 6-9 ಗಂಟೆಗಳನ್ನು ನಿಗದಿಪಡಿಸಿದರೆ, ನೀವು ಈ ಕೋರ್ಸ್ ಅನ್ನು 3 ತಿಂಗಳಲ್ಲಿ ಮಾಡಿಕೊಳ್ಳಬಹುದು.

2) Introduction To Computer Science: ಕಂಪ್ಯೂಟರ್ ವಿಜ್ಞಾನದ ಕನಿಷ್ಠ ಜ್ಞಾನವಿಲ್ಲದವರಿಗೆ ಈ ಕೋರ್ಸ್ ಉಪಯುಕ್ತವಾಗಿದೆ. ಇದು ಪ್ರೋಗ್ರಾಮಿಂಗ್ ಕೌಶಲ್ಯಗಳ ಒಟ್ಟಾರೆ ತಿಳುವಳಿಕೆಯನ್ನು ಹೆಚ್ಚಿಸುತ್ತದೆ. ಪ್ರೋಗ್ರಾಮಿಂಗ್ ನಲ್ಲಿ ಕೋಡಿಂಗ್ ಸಮಸ್ಯೆಗಳನ್ನು ಪರಿಹರಿಸುವುದು ಕರಗತವಾಗುತ್ತದೆ. ಕೋರ್ಸ್ 11 ವಾರಗಳಲ್ಲಿ ಪೂರ್ಣಗೊಳ್ಳುತ್ತದೆ.

3) Programming With Scratch: ಇದು ಮೂರು ವಾರಗಳ ಅವಧಿಯ ಆನ್ ಲೈನ್ ಕೋರ್ಸ್ ಆಗಿದೆ. ಈ ಕೋರ್ಸ್ ವಿದ್ಯಾರ್ಥಿಗೆ ಪ್ರೋಗ್ರಾಮಿಂಗ್ ನ ಸೂಕ್ಷ್ಮ ಅಂಶಗಳನ್ನು ಪರಿಚಯಿಸುತ್ತದೆ. ಕೋಡಿಂಗ್ ಅನ್ನು ಯಶಸ್ವಿಯಾಗಿ ಮಾಡಲು ಸಹಾಯ ಮಾಡುತ್ತದೆ, ಅದಕ್ಕಾಗಿ ಮಾರ್ಗದರ್ಶನ ನೀಡುತ್ತದೆ.

4) Python And Java: ಈ ಕೋರ್ಸ್ ನಿಂದ ಜಾಂಗೊ, ರಿಯಾಕ್ಟ್, ಬೂಟ್ಸ್ಟ್ರ್ಯಾಪ್, ಜಾವಾ ಸ್ಕ್ರಿಪ್ಟ್, ಪೈಥಾನ್ ಮತ್ತು SQL ನಂತಹ ಫ್ರೇಮ್ ವರ್ಕ್ ಗಳನ್ನು ಬಳಸಿಕೊಂಡು ವೆಬ್ ಅಪ್ಲಿಕೇಶನ್ ಗಳನ್ನು ಹೇಗೆ ವಿನ್ಯಾಸಗೊಳಿಸುವುದು ಎಂಬುದರ ಕುರಿತು ವಿದ್ಯಾರ್ಥಿಗಳು ತಿಳುವಳಿಕೆಯನ್ನು ಪಡೆಯುತ್ತಾರೆ. ನೀವು ವಾರಕ್ಕೆ 6 ರಿಂದ 9 ಗಂಟೆಗಳನ್ನು ನಿಗದಿಪಡಿಸಿದರೆ, ನೀವು ಈ ಕೋರ್ಸ್ ಅನ್ನು 12 ವಾರಗಳಲ್ಲಿ ಕಲಿಯಬಹುದು.

5) Understanding technology: ಪ್ರತಿದಿನ ತಂತ್ರಜ್ಞಾನದೊಂದಿಗೆ ಕೆಲಸ ಮಾಡುವವರಿಗೆ ಈ ಕೋರ್ಸ್ ಉಪಯುಕ್ತವಾಗಿದೆ. ಕೋಡಿಂಗ್ ನಲ್ಲಿ ಸಮಸ್ಯೆ ಉಂಟಾದಾಗ ಅದನ್ನು ಹೇಗೆ ಪರಿಹರಿಸಬೇಕೆಂದು ತಿಳಿಸಿಕೊಡುತ್ತದೆ. ಈ ಕೋರ್ಸ್ 6 ವಾರಗಳವರೆಗೆ ಇರುತ್ತದೆ.

6) Artificial Intelligence: ಮುಂದಿನ ದಿನಗಳಲ್ಲಿ ಎಲ್ಲಾ ತಂತ್ರಜ್ಞಾನಗಳು ಕೃತಕ ಬುದ್ಧಿಮತ್ತೆಯೊಂದಿಗೆ ಕಾರ್ಯನಿರ್ವಹಿಸಲಿವೆ. ಈ ಕೋರ್ಸ್ ಮೂಲಕ ವಿದ್ಯಾರ್ಥಿಗಳು ಯಂತ್ರ ಕಲಿಕೆಯಲ್ಲಿ ತಿಳುವಳಿಕೆಯನ್ನು ಪಡೆಯಬಹುದು. 7 ವಾರದ ಈ ಪ್ರೋಗ್ರಾಂನಲ್ಲಿ ನೀವು ಪೈಥಾನ್ ಸಹಾಯದಿಂದ ಕೃತಕ ಬುದ್ಧಿಮತ್ತೆಯನ್ನು ಕಲಿಯಬಹುದು.

7) Programming With Python: ಈ ಕೋರ್ಸ್ ನಲ್ಲಿ ನೀವು ಪ್ರಸ್ತುತ ಟ್ರೆಂಡಿಂಗ್ ನಲ್ಲಿರುವ ಪೈಥಾನ್ ಬಗ್ಗೆ ಎಲ್ಲವನ್ನೂ ಕಲಿಯಬಹುದು. ಕೋಡ್ ಅನ್ನು ಹೇಗೆ ಓದುವುದು ಮತ್ತು ಬರೆಯುವುದು ಎಂದು ತಿಳಿಯಬಹುದು. ಕೋಡ್ ಅನ್ನು ಪರೀಕ್ಷಿಸುವುದು ಮತ್ತು ಡೀಬಗ್ ಮಾಡುವುದು ಹೇಗೆ ಎಂದು ತಿಳಿಯುತ್ತದೆ.

8) Business Professionals: ಇದು ಸಾಫ್ಟ್ ವೇರ್ ವಿದ್ಯಾರ್ಥಿಗಳು ಮತ್ತು ವ್ಯಾಪಾರದಲ್ಲಿ ಉತ್ತಮ ಸಾಧನೆ ಮಾಡಲು ಬಯಸುವ ವಿದ್ಯಾರ್ಥಿಗಳಿಗೆ ವೃತ್ತಿಪರ ಕೋರ್ಸ್ ಆಗಿದೆ. 6 ವಾರಗಳ ಈ ಕೋರ್ಸ್ ನಲ್ಲಿ ಕಂಪ್ಯೂಟೇಶನಲ್ ಥಿಂಕಿಂಗ್, ಪ್ರೋಗ್ರಾಮಿಂಗ್ ಭಾಷೆಗಳು, ಇಂಟರ್ನೆಟ್ ತಂತ್ರಜ್ಞಾನಗಳನ್ನು ಕಲಿಯಬಹುದು.

9) Data Science: ಈ ಕೋರ್ಸ್ ನಲ್ಲಿ ನೀವು ಪೈಥಾನ್ ಜ್ಞಾನದೊಂದಿಗೆ ಡೇಟಾವನ್ನು ವಿಶ್ಲೇಷಿಸಲು ಮತ್ತು ಬಳಸಲು ಕಲಿಯಬಹುದು.

10) Mobile App Development: ಫೇಸ್ ಬುಕ್ ನಂತಹ ಜನಪ್ರಿಯ ಸಾಮಾಜಿಕ ಮಾಧ್ಯಮ ಪ್ಲಾಟ್ ಫಾರ್ಮ್ ಗಳು ಬಳಸುವ ರಿಯಾಕ್ಟ್ ನೇಟಿವ್ ಫ್ರೇಮ್ ವರ್ಕ್ ಸಹಾಯದಿಂದ ಅಪ್ಲಿಕೇಶನ್ ಅಭಿವೃದ್ಧಿಯನ್ನು ಕಲಿಯಬಹುದು. ಅವುಗಳು ಜಾವಾ ಅಥವಾ ಸ್ವಿಫ್ಟ್ ಇಲ್ಲದೆ ಜಾವಾ ಸ್ಕ್ರಿಪ್ಟ್ ಅನ್ನು ಬಳಸಲು ಪ್ರಾರಂಭಿಸುವ ಕ್ರಾಸ್-ಪ್ಲಾಟ್ ಫಾರ್ಮ್ ಲೋಕಲ್ ಅಪ್ಲಿಕೇಶನ್ ಗಳಾಗಿವೆ.