KPSC Exam 2023: KAS ಅಧಿಕಾರಿ ಆಗಲು ಈ ಅರ್ಹತೆಗಳಿರಬೇಕು, ಕನ್ನಡಿಗರೇ ಅವಕಾಶ ಕಳೆದುಕೊಳ್ಳಬೇಡಿ

ಈ ವರ್ಷದ ಏಪ್ರಿಲ್ ತಿಂಗಳಲ್ಲಿ ಕೆಪಿಎಸ್ ಸಿ ಹುದ್ದೆಗಳ ಭರ್ತಿಗೆ ಅರ್ಜಿ ಆಹ್ವಾನಿಸುವ ಸಾಧ್ಯತೆಗಳಿವೆ. ಈ ಹಿನ್ನೆಲೆಯಲ್ಲಿ ಕರ್ನಾಟಕ ರಾಜ್ಯದಲ್ಲಿ ಸರ್ಕಾರಿ ಕೆಲಸ ಸಿಗಬೇಕು ಎಂದರೆ ಯಾವೆಲ್ಲಾ ಅರ್ಹತೆಗಳಿರಬೇಕು. ಯಾವ ರೀತಿಯ ಪರೀಕ್ಷೆಯಲ್ಲಿ ಯಶಸ್ವಿಯಾದರೆ ಸರ್ಕಾರಿ ಕೆಲಸ ಸಿಗುತ್ತೆ ಎಂಬ ಮಾಹಿತಿಯನ್ನು ಇಲ್ಲಿ ತಿಳಿಸಲಾಗಿದೆ. ಈಗಿನಿಂದಲೇ ತಯಾರಿ ಆರಂಭಿಸಿದರೆ ಪರೀಕ್ಷೆಯಲ್ಲಿ ಯಶಸ್ವಿಯಾಗಬಹುದು.

KAS ಅಧಿಕಾರಿ ಆಗಲು ಯಾವೆಲ್ಲಾ ಅರ್ಹತೆಗಳಿರಬೇಕು? : KAS 2023 ಗೆ ಅರ್ಜಿ ಸಲ್ಲಿಸುವ ಮೊದಲು ಅಭ್ಯರ್ಥಿಯು ಈ ನಿರ್ದಿಷ್ಟ ಅರ್ಹತೆಗಳನ್ನು ಪೂರೈಸಬೇಕು. ಕೆಎಎಸ್ ಪರೀಕ್ಷೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಗಳ ವಯಸ್ಸು 21 ರಿಂದ 35 ವರ್ಷದೊಳಗೆ ಇರಬೇಕು.

SC/ST ಮತ್ತು OBC ಯಂತಹ ಮೀಸಲಾತಿ ವರ್ಗಗಳಿಗೆ ಸೇರಿದ ಅಭ್ಯರ್ಥಿಗಳಿಗೆ 40 ವರ್ಷದವರೆಗೆ ವಯೋಮಿತಿ ಸಡಿಲಿಕೆ ಇದೆ. ಅಭ್ಯರ್ಥಿಯು ಯಾವುದೇ ಅಧಿಕೃತ ವಿಶ್ವವಿದ್ಯಾಲಯದಿಂದ ಯಾವುದೇ ವಿಭಾಗದಲ್ಲಿ ಪದವಿ ಪೂರೈಸಿರಬೇಕು.

ಮುಖ್ಯವಾಗಿ ಅಭ್ಯರ್ಥಿಯು ಕರ್ನಾಟಕದವರಾಗಿರಬೇಕು ಅಥವಾ ಕನ್ನಡ ಭಾಷೆ ಗೊತ್ತಿರಬೇಕು. ಕನ್ನಡ ಬರೆಯಲು, ಓದಲು ಬರಲೇಬೇಕು. ಕೆಪಿಎಸ್ ಸಿ ಪರೀಕ್ಷೆಯನ್ನು ಇಂಗ್ಲಿಷ್ ನಲ್ಲಿ ಬರೆಯಬಹುದಾದರೂ ಕಡ್ಡಾಯ ಕನ್ನಡ ಪತ್ರಿಕೆಯಲ್ಲಿ ಪಾಸ್ ಆಗಲೇಬೇಕು.

ಸರ್ಕಾರಿ ಹುದ್ದೆಗಳ ಭರ್ತಿಗೆ ಕೆಪಿಎಸ್ ಸಿ ಪರೀಕ್ಷೆಗಳನ್ನು ನಡೆಸುತ್ತದೆ. ಇದು 3 ಹಂತಗಳಲ್ಲಿ ಇರುತ್ತದೆ. ಮೊದಲನೆಯದ್ದು, ಪ್ರಿಲಿಮಿನರಿ ಪರೀಕ್ಷೆ. ಇದರಲ್ಲಿ 2 ಪತ್ರಿಕೆಗಳು ಇರುತ್ತದೆ.

ಸಮಾನ್ಯ ಜ್ಞಾನ- ಮಾನವಿಕ ವಿಷಯಗಳ 2 ಪತ್ರಿಕೆಗಳು ಇರುತ್ತವೆ. ಬೆಳಗ್ಗೆ-ಮಧ್ಯಾಹ್ನ ಒಂದೇ ದಿನ 2 ಪೇಪರ್ ಅಡೆಂಟ್ ಮಾಡಬೇಕು. ಪ್ರತಿ ಪ್ರಶ್ನೆ ಪತ್ರಿಕೆಯೂ ತಲಾ 200 ಅಂಕಗಳನ್ನು ಹೊಂದಿರುತ್ತದೆ. ಈ ಪತ್ರಿಕೆಗಳಲ್ಲಿ ಹೆಚ್ಚು ಮಾರ್ಕ್ಸ್ ಗಳಿಸಿದವರು ಮಾತ್ರ ಮುಂದಿನ ಹಂತಕ್ಕೆ ಹೋಗುತ್ತಾರೆ. ಸಾಂಕೇತಿಕ ಚಿತ್ರ

2ನೇ ಹಂತವೇ ಮುಖ್ಯ ಪರೀಕ್ಷೆ. ಇಲ್ಲಿ 9 ಪ್ರಶ್ನೆಪತ್ರಿಕೆಗಳಿಗೆ ಉತ್ತರ ಬರೆಯಬೇಕು. ಕನ್ನಡ-ಇಂಗ್ಲಿಷ್ ಪತ್ರಿಗೆಗಳಿಗೆ ತಲಾ 150 ಅಂಕಗಳು ಇರುತ್ತವೆ. ಪ್ರಬಂಧ 250 ಅಂಕಗಳಿಗೆ ಇರುತ್ತೆ. ಸಾಮಾನ್ಯ ಜ್ಞಾನಕ್ಕೆ ಸಂಬಂಧಿಸಿದಂತೆ 4 ಪ್ರಶ್ನೆ ಪತ್ರಿಕೆಗಳು ತಲಾ 250 ಅಂಕಗಳಿಗೆ ಇರುತ್ತೆ. ಉಳಿದ ಎರಡು ಪತ್ರಿಕೆಗಳ ವಿಷಯವನ್ನು ಅಭ್ಯರ್ಥಿಯೇ ಆಯ್ಕೆ ಮಾಡಿಕೊಳ್ಳಬಹುದು.

ಕೊನೆ ಹಂತವೇ ಸಂದರ್ಶನ. ಇದು ಕೂಡ 2 ಹಂತಗಳಲ್ಲಿ ನಡೆಯುತ್ತದೆ. ಪರೀಕ್ಷೆಗಳು ಹಾಗೂ ಸಂದರ್ಶನದಲ್ಲಿ ಗಳಿಸಿದ ಅಂಕಗಳ ಆಧಾರ ಹಾಗೂ ಮೀಸಲಾತಿಗೆ ಅನುಗುಣವಾಗಿ ಸರ್ಕಾರಿ ಹುದ್ದೆಗಳು ಸಿಗುತ್ತವೆ. ಸಾಂದರ್ಭಿಕ ಚಿತ್ರ