Career Options: ಕಡಿಮೆ ಶಿಕ್ಷಣ ಹೊಂದಿರುವವರು ಈ ರೀತಿ ಒಳ್ಳೆಯ ಆದಾಯದ ವೃತ್ತಿ ರೂಪಿಸಿಕೊಳ್ಳಬಹುದು

ನೀವು 10 ನೇ ತರಗತಿಯ ನಂತರ ಉದ್ಯೋಗವನ್ನು ಪಡೆಯಲು ಬಯಸಿದರೆ ಐಟಿಐ ಅತ್ಯುತ್ತಮ ಕೋರ್ಸ್ ಎಂದು ಹೇಳಬಹುದು. ಆ ನಿಟ್ಟಿನಲ್ಲಿ ಹೇಗೆ ಮುಂದುವರೆಯಬೇಕು ಎಂಬ ಮಾಹಿತಿಯನ್ನು ಇಲ್ಲಿ ನೀಡಲಾಗಿದೆ.

ದೇಶಾದ್ಯಂತ ಹಲವು ರೀತಿಯ ಐಟಿಐಗಳಿವೆ. ಅಲ್ಲಿ ವಿದ್ಯಾರ್ಥಿಗಳಿಗೆ ವೃತ್ತಿಪರ ಮತ್ತು ತಾಂತ್ರಿಕ ತರಬೇತಿಯನ್ನು ನೀಡುತ್ತಾರೆ. ಅವರಿಗೆ ಉದ್ಯೋಗವನ್ನು ಒದಗಿಸುತ್ತಾರೆ. ಐಟಿಐ ಮಾಡುತ್ತಿರುವ ವಿದ್ಯಾರ್ಥಿಗಳು ನಂತರ ಪಾಲಿಟೆಕ್ನಿಕ್ ಕೂಡ ಮಾಡಬಹುದು.

ಅದರಲ್ಲೂ ಸರ್ಕಾರಿ ಇಲಾಖೆಗಳಲ್ಲಿ ಐಟಿಐ ವಿದ್ಯಾರ್ಥಿಗಳಿಗೆ ಹೆಚ್ಚಿನ ಬೇಡಿಕೆ ಇದೆ. ಎಲ್ಲೆಲ್ಲಿ ಕಾರ್ಖಾನೆಗಳಿವೆಯೋ ಅಲ್ಲೆಲ್ಲ ಸರ್ಕಾರಿ ಮತ್ತು ಖಾಸಗಿ ವಲಯದಲ್ಲಿ ಐಟಿಐ ಕಲಿತ ಯುವಕರಿಗೆ ಉದ್ಯೋಗವಿದೆ.

ITI ಗಳಲ್ಲಿ ಪ್ರವೇಶಕ್ಕಾಗಿ ಯಾವುದೇ ಪ್ರವೇಶ ಪರೀಕ್ಷೆಯನ್ನು ನಡೆಸುವುದಿಲ್ಲ. 10ನೇ ತರಗತಿಯಲ್ಲಿ ಪಡೆದ ಅಂಕಗಳ ಆಧಾರದ ಮೇಲೆ ಮಾತ್ರ ಪ್ರವೇಶ ನೀಡಲಾಗುತ್ತದೆ.

ಐಟಿಐನಿಂದ ತರಬೇತಿ ಪಡೆಯುತ್ತಿರುವ ಯುವಕರು ರೈಲ್ವೇ, ಭೂಸೇನೆ, ನೌಕಾಪಡೆ, ವಾಯುಸೇನೆ, ಪಿಡಬ್ಲ್ಯುಡಿ, ನೀರಾವರಿ, ವೃತ್ತಿ ಶಿಕ್ಷಣ, ತಾಂತ್ರಿಕ ಶಿಕ್ಷಣ ಇಲಾಖೆ ಇತ್ಯಾದಿಗಳಲ್ಲಿ ಉದ್ಯೋಗ ಪಡೆಯುತ್ತಿದ್ದಾರೆ.

BHEL, UPPCL, HAL, SAIL, NTPC, ONGC ನಂತಹ ಕಂಪನಿಗಳು ಪ್ರತಿ ವರ್ಷವೂ ಖಾಲಿ ಹುದ್ದೆಗಳನ್ನು ಹೊಂದಿವೆ. ಇವುಗಳ ಜೊತೆಗೆ ಖಾಸಗಿ ವಲಯದಲ್ಲೂ ಅಗಾಧ ಅವಕಾಶಗಳಿವೆ. ಟಾಟಾ ಮೋಟಾರ್ಸ್, ಮಾರುತಿ ಸುಜುಕಿ, ಹ್ಯುಂಡೈ, ಎಸ್ಕಾರ್ಟ್ಸ್, ರಿಲಯನ್ಸ್, ಆದಿತ್ಯ ಬಿರ್ಲಾ, ಹೋಂಡಾ, ಎಸ್ಸಾರ್, ಐಟಿಸಿ, ಮಹೀಂದ್ರಾ, ಜಿಂದಾಲ್, ವಿಪ್ರೋ, ಇನ್ಫೋಸಿಸ್, ವಿಡಿಯೋಕಾನ್ ಇತ್ಯಾದಿಗಳು ಐಟಿಐ ವಿದ್ಯಾರ್ಥಿಗಳನ್ನು ದೊಡ್ಡ ಪ್ರಮಾಣದಲ್ಲಿ ನೇಮಕ ಮಾಡಿಕೊಳ್ಳುತ್ತವೆ.

ಐಟಿಐಗಳಲ್ಲಿ ಓದುತ್ತಿರುವ ಯುವಕರಿಗೆ ಸ್ವಯಂ ಉದ್ಯೋಗಕ್ಕಾಗಿ ಸರ್ಕಾರವು ಮುದ್ರಾ ಸಾಲ ಯೋಜನೆಯಡಿ ಆಧಾರ ರಹಿತ ಸಾಲವನ್ನು ನೀಡುತ್ತದೆ. ಸಾಲ ಪಡೆದು ಹೊಸ ಉದ್ಯಮವನ್ನೂ ಶುರು ಮಾಡಬಹುದು.