UPSC Success Story: 5 ಬಾರಿ ವಿಫಲವಾದರೂ ಛಲ ಬಿಡದೆ ಯುಪಿಎಸ್​ಸಿ ಪರೀಕ್ಷೆಯಲ್ಲಿ ಯಶಸ್ವಿಯಾದ ದಿಟ್ಟೆ

ಯುಪಿಎಸ್ ಸಿ ನಾಗರಿಕ ಸೇವಾ ಪರೀಕ್ಷೆಯನ್ನು ದೇಶದ ಅತ್ಯಂತ ಕಠಿಣ ಪರೀಕ್ಷೆ ಎಂದು ಪರಿಗಣಿಸಲಾಗಿದೆ. ಇದರಲ್ಲಿ ಯಶಸ್ವಿಯಾಗಲು ಕಠಿಣ ಪರಿಶ್ರಮ ಬೇಕು. IRS ನಮಿತಾ ಶರ್ಮಾ ಅವರು ಎಂಜಿನಿಯರಿಂಗ್ ಓದಿದ ನಂತರ ಉದ್ಯೋಗ ಮಾಡಿಕೊಂಡೇ UPSC ಪರೀಕ್ಷೆಗೆ ತಯಾರಿ ಆರಂಭಿಸಿದರು. 5 ಪ್ರಯತ್ನಗಳಲ್ಲಿ ವಿಫಲರಾದ ನಂತರ ಅವರು ಹೇಗೆ ಯಶಸ್ಸನ್ನು ಪಡೆದರು ಎಂದು ತಿಳಿಯಿರಿ.

ನಮಿತಾ ಶರ್ಮಾ ದೆಹಲಿಯ ನಿವಾಸಿ. ಅವರು ಎಲೆಕ್ಟ್ರಾನಿಕ್ಸ್ ಮತ್ತು ಕಮ್ಯುನಿಕೇಷನ್ ಎಂಜಿನಿಯರಿಂಗ್ ಮಾಡಿದ್ದಾರೆ. ಇಂಜಿನಿಯರಿಂಗ್ ನಲ್ಲಿ ಪದವಿಯನ್ನು ಪೂರ್ಣಗೊಳಿಸಿದ ನಂತರ, IBM ನಲ್ಲಿ ಸಾಫ್ಟ್ ವೇರ್ ಇಂಜಿನಿಯರ್ ಆಗಿ ಕೆಲಸ ಮಾಡಲು ಪ್ರಾರಂಭಿಸಿದರು.

ಸ್ವಲ್ಪ ಸಮಯದ ನಂತರ ಏನಾದರೂ ಭಿನ್ನವಾದದ್ದನ್ನು ಮಾಡಬೇಕು ಅನಿಸಿತು. ಯುಪಿಎಸ್ಸಿ ಪರೀಕ್ಷೆಗೆ ಹಾಜರಾಗಲು ನಿರ್ಧರಿಸಿದರು. IRS ನಮಿತಾ ಶರ್ಮಾ UPSC ಪರೀಕ್ಷೆಯ 5 ಪ್ರಯತ್ನಗಳಲ್ಲಿ ವಿಫಲರಾಗಿದ್ದರು. ಈ ಪೈಕಿ 4 ಬಾರಿ ಪ್ರಿಲಿಮ್ಸ್ ಪರೀಕ್ಷೆಯಲ್ಲಿ ಕೂಡ ತೇರ್ಗಡೆಯಾಗಲಿಲ್ಲ.

ಅನೇಕ ಬಾರಿ ವಿಫಲವಾದರೂ, ಎಂದಿಗೂ ಛಲ ಬಿಡಲಿಲ್ಲ. ತಮ್ಮ ಗುರಿಯನ್ನು ಸಾಧಿಸಲು ದುಪ್ಪಟ್ಟು ಶ್ರಮಿಸುತ್ತಿದ್ದರು. ತಾವು ಅಧ್ಯಯನದಲ್ಲಿ ಎಲ್ಲಿ ಎಡವುತ್ತಿದ್ದೇವೆ ಎಂದು ಅರಿತುಕೊಂಡರು.

ತನ್ನ 5ನೇ ಪ್ರಯತ್ನದಲ್ಲಿ ನಮಿತಾ ಶರ್ಮಾ ಪ್ರಿಲಿಮ್ಸ್ ಮತ್ತು ಮುಖ್ಯ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿದ್ದರು. ಆದರೆ ಈ ಬಾರಿ ಸಂದರ್ಶನದಲ್ಲಿ ಕೆಲವೇ ಅಂಕಗಳಿಂದ ಅನುತ್ತೀರ್ಣಳಾದರು. ಅಂತಿಮ ಪಟ್ಟಿಯಲ್ಲಿ ಹೆಸರು ಕಾಣದಿದ್ದಕ್ಕೆ ನಿರಾಸೆಯಾದರೂ ಅವರು ಪಟ್ಟು ಬಿಡಲಿಲ್ಲ.

ಅವರಿಗೆ ಕೊನೆಯ ಪ್ರಯತ್ನ ಉಳಿದಿತ್ತು. ಇದಕ್ಕಾಗಿ ತನ್ನ ತಯಾರಿಯ ವಿಧಾನವನ್ನು ಬದಲಿಸಿ ಮತ್ತೆ ಕಷ್ಟಪಡತೊಡಗಿದರು. 2018 ರಲ್ಲಿ 6 ನೇ ಪ್ರಯತ್ನವನ್ನು ನೀಡಿದರು. ಇದರಲ್ಲಿ 145 ನೇ ರ್ಯಾಂಕ್ ಪಡೆದು ನಾಗರಿಕ ಸೇವೆಗೆ ಆಯ್ಕೆ ಆದರು.

ನಮಿತಾ ಶರ್ಮಾ ಅವರು UPSC ಪರೀಕ್ಷೆಗಾಗಿ ತಮ್ಮ ತಂತ್ರವನ್ನು ಹಂಚಿಕೊಂಡಿದ್ದಾರೆ. ಅವರ ಪ್ರಕಾರ, ಈ ಪರೀಕ್ಷೆಯಲ್ಲಿ ಯಶಸ್ವಿಯಾಗಲು, ಸಮಯ ನಿರ್ವಹಣೆಯನ್ನು ಅರ್ಥಮಾಡಿಕೊಳ್ಳುವುದು ಮತ್ತು ಸರಿಯಾದ ತಂತ್ರವನ್ನು ಬಳಸುವುದು ಅವಶ್ಯಕ. ಪ್ರತಿದಿನ ಒಬ್ಬ ವ್ಯಕ್ತಿಯು ತನ್ನನ್ನು ತಾನು ಸುಧಾರಿಸಿಕೊಳ್ಳುವ ಮಾರ್ಗಗಳ ಬಗ್ಗೆ ಯೋಚಿಸಬೇಕು ಎಂದು ಅವರು ಹೇಳುತ್ತಾರೆ. ನಿಮ್ಮ ಸ್ಪರ್ಧೆಯು ನಿಮ್ಮೊಂದಿಗೆ ಮಾತ್ರ ಎಂದು ಊಹಿಸಿ. ನಿಮ್ಮ ಮೇಲೆ ನಂಬಿಕೆ ಇಡುವುದು ಸಹ ಮುಖ್ಯವಾಗಿದೆ ಎನ್ನುತ್ತಾರೆ.

IRS ನಮಿತಾ ಶರ್ಮಾ ಅವರ ತಂದೆ ದೆಹಲಿ ಪೊಲೀಸ್ ನಲ್ಲಿ ಸಹಾಯಕ ಸಬ್-ಇನ್ಸ್ಪೆಕ್ಟರ್ ಮತ್ತು ತಾಯಿ ಗೃಹಿಣಿ. ಪ್ರಸ್ತುತ ನಮಿತಾ ಅವರು ಆದಾಯ ತೆರಿಗೆ ಇಲಾಖೆಯಲ್ಲಿ ಸಹಾಯಕ ಆಯುಕ್ತರಾಗಿದ್ದಾರೆ. ಅವರ ಪತಿ ಶ್ರೇಯಸ್ ಸಹ IRTS ಅಧಿಕಾರಿ.