Success Story: ಅಂದು 12ನೇ ತರಗತಿ ಫೇಲ್​, ಈಗ IPS ಅಧಿಕಾರಿ! UPSC ಟಾಪರ್ ಆಗಲು ಗೆಳತಿಯೇ ಸ್ಪೂರ್ತಿ

ಐಪಿಎಸ್ ಮನೋಜ್ ಶರ್ಮಾ ಅವರು ಈಗ ಐಪಿಎಸ್​ ಅಧಿಕಾರಿಯಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಆದರೆ ಅವರ ಪೂರ್ವ ಜೀವನದ ಬಗ್ಗೆ ನೀವು ತಿಳಿದರೆ ಆಶ್ಚರ್ಯಪಡ್ತೀರಾ. ಇವರ ಯಶಸ್ಸಿನ ಸೀಕ್ರೇಟ್​.

ಪ್ರೀತಿ ಎನ್ನುವುದು ಮನುಷ್ಯನಿಂದ ಏನನ್ನು ಬೇಕಾದರೂ ಮಾಡಿಸುತ್ತದೆ ಎನ್ನುವುದಕ್ಕೆ ಇವರ ಪತ್ನಿ ಮತ್ತು ಇವರ ನಡುವಿನ ಪ್ರೇಮವೇ ಸಾಕ್ಷಿ. ಹನ್ನೆರಡನೇ ತರಗತಿ ಫೇಲ್​ ಆದ ವ್ಯಕ್ತಿ ಇಂದು ಐಪಿಎಸ್​ ಅಧಿಕಾರಿಯಾಗಿದ್ದಾರೆ.

ಆಗಿನ ಗೆಳತಿ ಮತ್ತು ಈಗ ಪತ್ನಿಯಾಗಿರುವ ಶ್ರದ್ಧಾ ಶರ್ಮಾ ಅವರ ಮೇಲಿನ ಪ್ರೀತಿ ಅವರನ್ನು ಯುಪಿಎಸ್‌ಸಿ ಸಿವಿಲ್ ಸರ್ವೀಸಸ್ ಪರೀಕ್ಷೆಗೆ ಹಾಜರಾಗಲು ಪ್ರೇರೇಪಿಸಿತು. ಅವರು ಐಪಿಎಸ್ ಅಧಿಕಾರಿಯಾದರು ಮತ್ತು ಪರೀಕ್ಷೆಯಲ್ಲಿ ಉತ್ತಮ ಅಂಕಗಳೊಂದಿಗೆ ಉತ್ತೀರ್ಣರಾದರು.ಶ್ರದ್ಧಾ ಯುಪಿಎಸ್‌ಸಿ ಸಿಎಸ್‌ಇ ತೇರ್ಗಡೆಯಾಗಲು ಬಯಸಿದ್ದರು. ಇವರ ಪ್ರೇರಣೆಯಿಂದ 2005ರಲ್ಲಿ ನಾಲ್ಕನೇ ಬಾರಿ ಪ್ರಯತ್ನಿಸಿದಾಗ ಪಾಸ್​ ಆಗಿದ್ದರು.

IPS ಮನೋಜ್ ಶರ್ಮಾ ಅತ್ಯಂತ ಆಸಕ್ತಿದಾಯಕ ಯಶಸ್ಸಿನ ಕಥೆಗಳನ್ನು ಹೊಂದಿದ್ದಾರೆ. ಮನೋಜ್ ಶರ್ಮಾ ಮಧ್ಯಪ್ರದೇಶದ ಮೊರೆನಾದಲ್ಲಿ ಜನಿಸಿದರು. ಅವರು ಮಧ್ಯಮ ವರ್ಗದ ಕುಟುಂಬದಲ್ಲಿ ಜನಿಸಿದರು. ಅವರಿಗೆ ಹಣದ ಅವಶ್ಯಕಥೆ ಕೂಡಾ ಇತ್ತು. ಆದರೆ ಹನ್ನೆರಡನೇ ತರಗತಿ ಪಾಸ್​ ಆಗಿರಲಿಲ್ಲ.

ಅವರ ತಂದೆಯ ಹೆಸರು ರಾಮವೀರ್ ಶರ್ಮಾ ಮತ್ತು ಅವರಿಗೆ ಒಬ್ಬ ಸಹೋದರ ಮತ್ತು ಸಹೋದರಿ ಕೂಡ ಇದ್ದಾರೆ. ಮನೋಜ್ ಬಾಲ್ಯದಿಂದಲೂ ಎಸ್‌ಡಿಎಂ ಆಗಬೇಕೆಂದು ಬಯಸಿದ್ದರು ಏಕೆಂದರೆ ಆಡಳಿತ ಅಧಿಕಾರಿಗಳು ಮಾತ್ರ ಹೆಚ್ಚಿನ ಅಧಿಕಾರ ಹೊಂದಿರುತ್ತಾರೆ ಎಂಬ ಕಲ್ಪನೆ ಅವರಿಗಿತ್ತು.

ಆದರೆ, 9 ಮತ್ತು 10ನೇ ತರಗತಿಯಲ್ಲಿ ಮೂರನೇ ಡಿವಿಷನ್ ಪಡೆದಿದ್ದು, ಒಳ್ಳೆ ವಿದ್ಯಾರ್ಥಿಯಲ್ಲ ಎಂಬ ಪಟ್ಟ ಹೊಂದಿದ್ದರು. 12ನೇ ಬೋರ್ಡ್ ಪರೀಕ್ಷೆಯಲ್ಲಿ ಹಿಂದಿ ಬಿಟ್ಟು ಎಲ್ಲಾ ವಿಷಯಗಳಲ್ಲಿ ಅನುತ್ತೀರ್ಣರಾಗಿದ್ದರು.

ಗ್ವಾಲಿಯರ್‌ನಲ್ಲಿ ಆಟೋ ರಿಕ್ಷಾ ಓಡಿಸಲು ಪ್ರಾರಂಭಿಸಿದರು. ಗ್ವಾಲಿಯರ್‌ನ ಮಹಾರಾಣಿ ಲಕ್ಷ್ಮೀಬಾಯಿ ಸರ್ಕಾರಿ ಶ್ರೇಷ್ಠ ಕಾಲೇಜ್‌ನಲ್ಲಿ ತಮ್ಮ ಪದವಿಯನ್ನು ಪೂರ್ಣಗೊಳಿಸಿದರು. ಇವರ ಜೀವನದ ಕುರಿತು ಇವರೇ ಒಂದು ಬುಕ್​ ಕೂಡಾ ಬರೆದಿದ್ದಾರೆ. ಭಿಕ್ಷುಕರೊಂದಿಗೆ, ದೇವಾಲಯಗಳಲ್ಲಿ ಮಲಗಿ ದಿನ ಕಳೆದದ್ದೂ ಇದೆ ಎಂದು ಹೇಳಿದ್ದಾರೆ.