Google ನಂತಹ ದೊಡ್ಡ ಕಂಪನಿಗಳಲ್ಲಿ ಉದ್ಯೋಗ ಸಿಗಲು ನಿಮ್ಮ Resume ಈ ರೀತಿ ಇರಬೇಕು

ದೊಡ್ಡ ಕಂಪನಿಗಳ ಉದ್ಯೋಗಕ್ಕಾಗಿ ರೆಸ್ಯೂಮ್ ಕ್ರಿಯೇಟ್ ಮಾಡುವಾಗ ಯಾವ ತಪ್ಪುಗಳನ್ನು ಮಾಡಬಾರದು ಎಂಬ ಮಾಹಿತಿಯನ್ನು ಗೂಗಲ್ ನ ರಿಕ್ರೂಟರ್ ನೀಡಿದೆ. ನೀವೂ ಕೂಡ Google ನಲ್ಲಿ ಕೆಲಸ ಪಡೆಯಲು ಬಯಸಿದರೆ, ನಿಮ್ಮ ರೆಸ್ಯೂಮ್ ನಲ್ಲಿ ನೀವು ಏನನ್ನು ಸೇರಿಸಬಾರದು ಎಂಬುದನ್ನು ತಿಳಿಯಬೇಕು. (ಪ್ರಾತಿನಿಧಿಕ ಚಿತ್ರ)

ನಿಮ್ಮ ರೆಸ್ಯೂಮ್ ನಲ್ಲಿ ಸರಿಯಾದ ಮಾಹಿತಿ ಇರುವುದು ಕಡ್ಡಾಯ. ಸಾಮಾನ್ಯವಾಗಿ ಅಭ್ಯರ್ಥಿಗಳು ತಮ್ಮ ಮನೆಯ ಸಂಪೂರ್ಣ ವಿಳಾಸವನ್ನು ಸ್ವವಿವರದಲ್ಲಿ ಬರೆಯುತ್ತಾರೆ. ಇದು ಅವರ ರೆಸ್ಯೂಮ್ ಅನ್ನು ತುಂಬಾ ಉದ್ದವಾಗಿ ಕಾಣುವಂತೆ ಮಾಡುತ್ತದೆ.

ಅಲ್ಲದೆ, ಕಂಪನಿಗೆ ಅಭ್ಯರ್ಥಿಗಳ ರೆಸ್ಯೂಮ್ ನಲ್ಲಿ ಪೂರ್ಣ ವಿಳಾಸದ ಅಗತ್ಯವಿಲ್ಲ. ಆದ್ದರಿಂದ ನಿಮ್ಮ ಪೂರ್ಣ ವಿಳಾಸವನ್ನು ರೆಸ್ಯೂಮ್ ನಲ್ಲಿ ಬರೆಯುವುದನ್ನು ತಪ್ಪಿಸಿ. ಬದಲಿಗೆ ನೀವು ನಿಮ್ಮ ನಗರ ಮತ್ತು ರಾಜ್ಯದ ಹೆಸರನ್ನು ಬರೆಯಿರಿ ಸಾಕು.

ಸಾಮಾನ್ಯವಾಗಿ ಅಭ್ಯರ್ಥಿಗಳು ತಮ್ಮ ಕೆಲಸದ ಅನುಭವವನ್ನು ಬರೆಯುವಾಗ ಮೊದಲಿನಿಂದ ಇಲ್ಲಿಯವರೆಗೆ ಮಾಡಿರುವ ಎಲ್ಲಾ ಉದ್ಯೋಗಳ ಮಾಹಿತಿಯನ್ನು ರೆಸ್ಯೂಮ್ ನಲ್ಲಿ ಬರೆಯುತ್ತಾರೆ. ಆದರೆ ಇದು ನಿಮ್ಮ ರೆಸ್ಯೂಮ್ ಅನ್ನು ತುಂಬಾ ಉದ್ದವಾಗಿಸುತ್ತದೆ. ನೇಮಕಾತಿ ಮಾಡುವವರು ಇದನ್ನು ಓದಲು ಆಸಕ್ತಿ ಹೊಂದಿರುವುದಿಲ್ಲ. ಆದ್ದರಿಂದ ನಿಮ್ಮ ರೆಸ್ಯೂಮ್ ನಲ್ಲಿ ನೀವು ಅರ್ಜಿ ಸಲ್ಲಿಸುತ್ತಿರುವ ಪೋಸ್ಟ್ ಗೆ ಸಂಬಂಧಿಸಿದ ಅನುಭವವನ್ನು ನಮೂದಿಸಿದ್ರೆ ಸಾಕು.

ನಿಮ್ಮ ರೆಸ್ಯೂಮ್ ನಲ್ಲಿ ನಿಮ್ಮ ಅನುಭವದ ಬಗ್ಗೆ ಬರೆಯುವಾಗ, I helped, I was responsible for, streamlined, managed, implemented, improved, strategized, increased, produced, generated ನಂತರ ಪದಗಳನ್ನು ಯಾವುದೇ ಕಾರಣಕ್ಕೂ ಬರೆಯಬೇಡಿ.

ನಿಮ್ಮ ಹಿಂದಿನ ಕಂಪನಿಯಲ್ಲಿ ನಿಮ್ಮ ಬಗ್ಗೆ ಮಾಹಿತಿ ನೀಡುವವರ ವಿಳಾಸವನ್ನು ರೆಸ್ಯೂಮ್ ನಲ್ಲಿ ಬರೆಯಬೇಡಿ. ಅಗತ್ಯವಿದ್ದರೆ ಸಂದರ್ಶನ ಸಮಯದಲ್ಲೇ ಅದನ್ನು ಕೇಳಲಾಗುತ್ತದೆ.

ಒಳ್ಳೆಯ ರೆಸ್ಯೂಮ್ ಎಂದರೆ ಸರಳವಾಗಿ, ಸ್ಪಷ್ಟವಾಗಿರಬೇಕಷ್ಟೇ. ಅನಗತ್ಯ ಮಾಹಿತಿಗಳನ್ನು ಬಿಟ್ಟು, ಎಷ್ಟು ಬೇಕೋ ಅಷ್ಟೇ ಮಾಹಿತಿಯಲ್ಲಿ ಉಳಿಸಿಕೊಳ್ಳಿ. ಚಿಕ್ಕದಾದ ಚೌಕದಾದ ರೆಸ್ಯೂಮ್ ನೇಮಕಾತಿದಾರರ ಗಮನ ಸೆಳೆಯುತ್ತದೆ.