Govt Job Rules: ಟ್ಯಾಟೂ ಹಾಕಿಸಿಕೊಂಡವರಿಗೆ ಸರ್ಕಾರಿ ಉದ್ಯೋಗ ಸಿಗಲ್ಲ; ರಿಜೆಕ್ಟ್ ಆಗೋದು ಪಕ್ಕಾ

ಸರ್ಕಾರಿ ಉದ್ಯೋಗಕ್ಕೆ ತಯಾರಿ ನಡೆಸುತ್ತಿರುವ ಅಭ್ಯರ್ಥಿಗಳು ಟ್ಯಾಟೂಗೆ ಸಂಬಂಧಿಸಿದ ನಿಯಮಗಳನ್ನು ಗಮನದಲ್ಲಿಟ್ಟುಕೊಳ್ಳಬೇಕು. ಸರ್ಕಾರಿ ನೌಕರಿಯ ಕನಸು ಹೊತ್ತವರು ಟ್ಯಾಟೂ ಹಾಕಿಸಿಕೊಂಡರೆ ಸರ್ಕಾರಿ ಕೆಲಸದ ಆಯ್ಕೆಯಿಂದ ವಜಾ ಮಾಡಬಹುದು. ದೇಹದಲ್ಲಿ ಹಚ್ಚೆ ಹಾಕಿಸಿಕೊಳ್ಳಲು ನಿರ್ಬಂಧವಿರುವ ಹಲವು ಸರ್ಕಾರಿ ಉದ್ಯೋಗಗಳು ಭಾರತದಲ್ಲಿವೆ. (ಸಾಂದರ್ಭಿಕ ಚಿತ್ರ)

ಟ್ಯಾಟೂ ಸಂಬಂಧ ಹೊಸ ಪ್ರಕರಣವೊಂದು ಕೂಡ ಬೆಳಕಿಗೆ ಬಂದಿದೆ. ಒಬ್ಬ ವ್ಯಕ್ತಿಯು ತನ್ನ ಬಲಗೈಯ ಹಿಂಭಾಗದಲ್ಲಿ ಧಾರ್ಮಿಕ ಹಚ್ಚೆ ಹೊಂದಿದ್ದನು. ಆತ CRPF, NIA ಮತ್ತು ಇತರ ಸೇನಾ ಪಡೆಗಳಿಗೆ ನೇಮಕಾತಿಗಾಗಿ ಪರೀಕ್ಷೆಯನ್ನು ತೆಗೆದುಕೊಂಡಾಗ ಆತನನ್ನು ಅನರ್ಹಗೊಳಿಸಲಾಯಿತು. ಇದಕ್ಕಾಗಿ ಆತ ದೆಹಲಿ ಹೈಕೋರ್ಟ್ ಮೊರೆ ಹೋಗಿದ್ದರು.

ನ್ಯಾಯಾಲಯದಲ್ಲಿ, ಪ್ರಾಧಿಕಾರದ ವಕೀಲರು ಮನವಿಯನ್ನು ವಿರೋಧಿಸಿದರು. ಯುವಕನ ಬಲಗೈಯನ್ನು ಸೆಲ್ಯೂಟ್ ಮಾಡಲು ಬಳಸಲಾಗುತ್ತದೆ ಎಂದು ಹೇಳಿದರು. ಗೃಹ ಸಚಿವಾಲಯದ ಸಂಬಂಧಿತ ಮಾರ್ಗಸೂಚಿಗಳ ಪ್ರಕಾರ ಇದು ಸ್ವೀಕಾರಾರ್ಹವಲ್ಲ ಎಂದು ಕೋರ್ಟ್ ನಲ್ಲಿ ಹೇಳಿದರು.

ಟ್ಯಾಟೂ ಹಾಕಿಸಿಕೊಂಡರೆ ಅನೇಕ ಸರ್ಕಾರಿ ಕೆಲಸಗಳಿಂದ ವಂಚಿತರಾಗಬೇಕಾಗುತ್ತದೆ. IAS (ಭಾರತೀಯ ಆಡಳಿತ ಸೇವೆ), IPS (ಭಾರತೀಯ ಪೊಲೀಸ್ ಸೇವೆ), IRS (ಆಂತರಿಕ ಆದಾಯ ಸೇವೆ), IFS (ಭಾರತೀಯ ವಿದೇಶಾಂಗ ಸೇವೆ), ಭಾರತೀಯ ಸೇನೆ, ಭಾರತೀಯ ನೌಕಾಪಡೆ, ಭಾರತೀಯ ವಾಯುಪಡೆ, ಭಾರತೀಯ ಕೋಸ್ಟ್ ಗಾರ್ಡ್, ಪೋಲೀಸ್ ಇಲಾಖೆ ಹುದ್ದೆಗಳ ಅಭ್ಯರ್ಥಿಗಳಿಗೆ ಟ್ಯಾಟೂ ನಿರ್ಬಂಧವಿದೆ.

ಮೇಲಿನ ಹುದ್ದೆಗಳಿಗೆ ದೇಹದ ಮೇಲೆ ಹಚ್ಚೆ ಇದ್ದರೆ ತಿರಸ್ಕರಿಸಲ್ಪಡುತ್ತದೆ. ಇದನ್ನು ದೈಹಿಕ ಪರೀಕ್ಷೆಯ ಮೂಲಕ ಪರಿಶೀಲಿಸಲಾಗುತ್ತದೆ. ದೇಹದ ಮೇಲೆ ಹಚ್ಚೆ ಹಾಕಿಸಿಕೊಂಡವರಿಗೆ ಸರ್ಕಾರಿ ಕೆಲಸ ಸಿಗದಿರಲು ಮೂರು ಪ್ರಮುಖ ಕಾರಣಗಳಿವೆ. (ಸಾಂದರ್ಭಿಕ ಚಿತ್ರ)

ಮೊದಲ ವಿಷಯವೆಂದರೆ ಹಚ್ಚೆಗಳು ಅನೇಕ ರೋಗಗಳನ್ನು ಉಂಟುಮಾಡುತ್ತವೆ. ಇದು ಎಚ್ ಐವಿ, ಡರ್ಮಟೈಟಿಸ್, ಹೆಪಟೈಟಿಸ್ ಎ ಮತ್ತು ಬಿ ಯಂತಹ ರೋಗಗಳ ಅಪಾಯವನ್ನು ಹೆಚ್ಚಿಸುತ್ತದೆ. ಮತ್ತೊಂದು ಕಾರಣವೆಂದರೆ ತನ್ನ ದೇಹದ ಮೇಲೆ ಹಚ್ಚೆ ಹಾಕಿಸಿಕೊಂಡಿರುವ ವ್ಯಕ್ತಿಯು ಗಂಭೀರತೆ, ಶಿಸ್ತು ಇಲ್ಲ ಎಂದು ಪತಿಗಣಿಸಲಾಗುತ್ತದೆ.

ಮೂರನೆಯ ಕಾರಣವೆಂದರೆ ಕೆಲಸಕ್ಕಿಂತ ಅವರ ಹವ್ಯಾಸಗಳು ಮುಖ್ಯವಾಗಬಹುದು. ಇನ್ನೊಂದು ಕಾರಣವೆಂದರೆ ಹಚ್ಚೆ ಹಾಕಿಸಿಕೊಂಡವರು ಭದ್ರತಾ ಪಡೆಗಳಿಗೆ ಸೇರಿದರೆ, ಅವರು ಸುಲಭವಾಗಿ ಗುರುತಿಸಲ್ಪಡುತ್ತಾರೆ. ಇದು ಭದ್ರತಾ ದೃಷ್ಟಿಯಿಂದ ಒಳ್ಳೆಯದಲ್ಲ ಎನ್ನಲಾಗಿದೆ. (ಸಾಂದರ್ಭಿಕ ಚಿತ್ರ)