Love Story: ಗಂಡ IAS ಅಧಿಕಾರಿ, ಹೆಂಡ್ತಿ IPS ಆಫೀಸರ್; 1 ರೂ. ಖರ್ಚು ಮಾಡದೆ ಮದುವೆಯಾದ ಜೋಡಿ

ಡಾ. ನವಜೋತ್ ಸಿಮಿ ದೇಶದ ಅತ್ಯಂತ ಜನಪ್ರಿಯ ಐಪಿಎಸ್ ಅಧಿಕಾರಿಗಳಲ್ಲಿ ಒಬ್ಬರು. ಡಾಕ್ಟರೇಟ್ ಪದವಿ ಬಿಟ್ಟು ನಾಗರಿಕ ಸೇವೆಗೆ ಬಂದಿದ್ದಾರೆ. ಇವರು ಐಎಎಸ್ ತುಷಾರ್ ಸಿಂಗ್ಲಾ ಅವರನ್ನು ಪ್ರೀತಿಸಿ ಪಕ್ಕಾ ಫಿಲ್ಮಿ ಸ್ಟೈಲ್ ನಲ್ಲಿ ಮದುವೆಯಾಗಿದ್ದಾರೆ.

ಐಎಎಸ್ ತುಷಾರ್ ಸಿಂಗ್ಲಾ ಮತ್ತು ಐಪಿಎಸ್ ನವಜೋತ್ ಸಿಮಿ ಅವರ ಪ್ರೇಮಕಥೆ ಸಾಕಷ್ಟು ಇಂಟ್ರೆಸ್ಟಿಂಗ್. ಇತರೆ IAS ಅಧಿಕಾರಿಗಳಂತೆ, ಇವರು LBSNAA ನಲ್ಲಿ ಭೇಟಿಯಾಗಲಿಲ್ಲ. ಆಕಸ್ಮಿಕವಾಗಿ ಆದ ಭೇಟಿ ಅವರನ್ನು ದಂಪತಿಗಳನ್ನಾಗಿ ಮಾಡಿತು.

ಡಾ.ನವಜೋತ್ ಸಿಮಿ ಪಂಜಾಬ್ ನ ಗುರುದಾಸ್ಪುರ ನಿವಾಸಿ. ಇವರು ಡೆಂಟಲ್ ಸರ್ಜರಿ ಪದವಿಯನ್ನು ಹೊಂದಿದ್ದಾರೆ. ವೈದ್ಯಕೀಯ ಕ್ಷೇತ್ರವನ್ನು ಬಿಟ್ಟು ಯುಪಿಎಸ್ ಸಿ ಪರೀಕ್ಷೆಗೆ ತಯಾರಿ ಆರಂಭಿಸಿದರು. 2016 ರಲ್ಲಿ, ಅವರು ತಮ್ಮ ಮೊದಲ ಪ್ರಯತ್ನದಲ್ಲಿ ವಿಫಲರಾದರು. ಆದರೆ ಛಲ ಬಿಡದೆ ಮತ್ತೆ ಸಿವಿಲ್ ಸರ್ವೀಸಸ್ ಪರೀಕ್ಷೆ ಬರೆದು ಐಪಿಎಸ್ ಅಧಿಕಾರಿ ಆಗಿದ್ದಾರೆ.

ಐಎಎಸ್ ತುಷಾರ್ ಸಿಂಗ್ಲಾ ಪಂಜಾಬ್ ನ ಬರ್ನಾಲಾ ನಿವಾಸಿ. ಇವವರು ಐಐಟಿ ದೆಹಲಿಯಲ್ಲಿ ಓದಿದ್ದಾರೆ ಮತ್ತು ಪಶ್ಚಿಮ ಬಂಗಾಳದ ಕೇಡರ್ನಲ್ಲಿ ನೇಮಕಗೊಂಡಿದ್ದಾರೆ. ಐಎಎಸ್ ತುಷಾರ್ ಸಿಂಗ್ಲಾ 2015ರ ಬ್ಯಾಚ್ ಅಧಿಕಾರಿ

ಇವರಿಬ್ಬ ಸಾಂದರ್ಭಿಕ ಪರಿಚಯ ಕ್ರಮೇಣ ಒಳ್ಳೆಯ ಗೆಳೆತನಕ್ಕೆ ತಿರುಗಿತು. ಪರಸ್ಪರ ಇಷ್ಟಪಡಲು ಪ್ರಾರಂಭಿಸಿದರು. ನಂತರ ಕೆಲವು ಭೇಟಿಗಳ ನಂತರ ಪ್ರೀತಿಸಿ, ಮದುವೆಯಾಗಲು ನಿರ್ಧರಿಸಿದರು.

ಐಪಿಎಸ್ ನವಜೋತ್ ಸಿಮಿ ಬಿಹಾರ ಕೇಡರ್ ನಲ್ಲಿದ್ದಾರೆ. ಐಎಎಸ್ ತುಷಾರ್ ಸಿಂಗ್ಲಾ ಅವರೊಂದಿಗಿನ ಅವರ ಮೊದಲ ಭೇಟಿಯು ಪಾಟ್ನಾದ ರೆಸ್ಟೋರೆಂಟ್ನಲ್ಲಿ ನಡೆಯಿತು. ಅಲ್ಲಿ, ಇಬ್ಬರೂ ರಾತ್ರಿಯ ಊಟದ ನಡುವೆ ಭವಿಷ್ಯದಲ್ಲಿ ಒಟ್ಟಿಗೆ ವಾಸಿಸಲು ನಿರ್ಧರಿಸಿದರು

ಐಎಎಸ್ ತುಷಾರ್ ಸಿಂಗ್ಲಾ ಮತ್ತು ಐಪಿಎಸ್ ನವಜೋತ್ ಸಿಮಿ ಅವರ ಬಿಡುವಿಲ್ಲದ ವೇಳಾಪಟ್ಟಿಯಲ್ಲಿ ಮದುವೆಗೆ ಸಮಯ ಸಿಗಲಿಲ್ಲ. ಆಗ ನವಜೋತ್ ಸಿಮಿ ಫೆಬ್ರವರಿ 14, 2020ರ ಪ್ರೇಮಿಗಳ ದಿನದಂದು ಪಶ್ಚಿಮ ಬಂಗಾಳವನ್ನು ತಲುಪಿದರು. ಅಲ್ಲಿ ಕೆಲ ಆಪ್ತ ಸ್ನೇಹಿತರ ಸಮ್ಮುಖದಲ್ಲಿ ಐಎಎಸ್ ತುಷಾರ್ ಸಿಂಗ್ಲಾ ಅವರ ಕಚೇರಿಯಲ್ಲೇ ಇಬ್ಬರೂ ರಿಜಿಸ್ಟರ್ ಮ್ಯಾರೇಜ್ ಮಾಡಿಕೊಂಡಿದ್ದಾರೆ. ಖರ್ಚೇ ಇಲ್ಲದೆ ನಡೆದ ಈ ಮದುವೆ ಭಾರೀ ಸುದ್ದಿಯಾಗಿತ್ತು.