UPSC Success Story: ಗೌಡ್ರು, ಅವರ ಹೆಂಡ್ತಿ ಇಬ್ಬರೂ IAS ಆಫೀಸರ್ಸ್: ಸೂಪರ್ ಜೋಡಿಯ ಕಹಾನಿ ಇಲ್ಲಿದೆ

ಕರ್ನಾಟಕ ಮೂಲದ ಐಎಎಸ್ ಅಧಿಕಾರಿ ನಾಗಾರ್ಜುನ ಬಿ.ಗೌಡ ಅವರು ಐಎಎಸ್ ಸೃಷ್ಟಿ ದೇಶಮುಖ್ ಅವರನ್ನು ವಿವಾಹವಾಗಿದ್ದಾರೆ. ಇವರದ್ದು ಪ್ರೇಮ ವಿವಾಹ. ಸಿವಿಲ್ ಸರ್ವಿಸ್ ಟ್ರೈನಿಂಗ್ ಅಕಾಡೆಮಿ LBSNAA ಅಂದರೆ ಲಾಲ್ ಬಹದ್ದೂರ್ ಶಾಸ್ತ್ರಿ ಟ್ರೈನಿಂಗ್ ಅಕಾಡೆಮಿಯಲ್ಲಿ ತರಬೇತಿಯ ಸಮಯದಲ್ಲಿ ಇಬ್ಬರೂ ಭೇಟಿಯಾದರು.

ಇಬ್ಬರು ಸುಮಾರು ಎರಡೂವರೆ ವರ್ಷಗಳ ಕಾಲ ಡೇಟಿಂಗ್ ನಡೆಸಿದ್ದರು. ನಂತರ 2 ಆಗಸ್ಟ್ 2021 ರಂದು ನಿಶ್ಚಿತಾರ್ಥ ಮಾಡಿಕೊಂಡರು. 24 ಏಪ್ರಿಲ್ 2022 ರಂದು ವಿವಾಹವಾದರು. ಅವರ ಮದುವೆಯ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ವೈರಲ್ ಆಗಿವೆ.

ಐಎಎಸ್ ಸೃಷ್ಟಿ ದೇಶಮುಖ್ 2018 ರಲ್ಲಿ ತನ್ನ ಮೊದಲ ಪ್ರಯತ್ನದಲ್ಲಿ UPSC ಪರೀಕ್ಷೆಯಲ್ಲಿ ತೇರ್ಗಡೆ ಹೊಂದಿದ್ದರು. 5ನೇ ರ್ಯಾಂಕ್ ಗಳಿಸಿದ್ದಾರೆ.

ಸೃಷ್ಟಿ ದೇಶಮುಖ್ ಅವರು ಇಂಜಿನಿಯರಿಂಗ್ ಓದುತ್ತಿರುವಾಗಲೇ UPSC ಪರೀಕ್ಷೆಗೆ ತಯಾರಿ ಆರಂಭಿಸಿದ್ದರು. ಅವರ ಯಶೋಗಾಥೆ ಯುವಜನತೆಗೆ ಸ್ಪೂರ್ತಿದಾಯಕವಾಗಿದೆ.

ಸೃಷ್ಟಿ ಜಯಂತ್ ದೇಶಮುಖ್ ಮೂಲತಃ ಭೋಪಾಲ್ ನವರು. ಅವರ ಪತಿ ನಾಗಾರ್ಜುನ ಬಿ.ಗೌಡ ಕರ್ನಾಟಕದವರು. ತರಬೇತಿ ಸಮಯದಲ್ಲಿ ಇಬ್ಬರೂ ಮಸ್ಸೂರಿಯಲ್ಲಿ ಭೇಟಿಯಾದರು. ಈ ವೇಳೆ ಅವರಿಬ್ಬರ ನಡುವೆ ಆತ್ಮೀಯತೆ ಹೆಚ್ಚಾಗತೊಡಗಿತು.

ಇದಾದ ನಂತರ ಸೃಷ್ಟಿಗೆ ಎಂಪಿ ಕೇಡರ್ ನೀಡಲಾಗಿದ್ದು, ನಾಗಾರ್ಜುನ ಬಿ ಗೌಡ ಅವರಿಗೆ ಕರ್ನಾಟಕ ಕೇಡರ್ ಸಿಕ್ಕಿತ್ತು. ಸೃಷ್ಟಿಯನ್ನು ಮದುವೆಯಾದ ನಂತರ, ನಾಗಾರ್ಜುನ ಕೂಡ ವರ್ಗಾವಣೆಯಾಗಿ ಮಧ್ಯಪ್ರದೇಶಕ್ಕೆ ಹೋದರು.

ಐಎಎಸ್ ನಾಗಾರ್ಜುನ ಗೌಡ ಅವರು ಐಎಎಸ್ ಆಗುವ ಮೊದಲು ಎಂಬಿಬಿಎಸ್ ಮಾಡಿ ಡಾಕ್ಟರ್ ಆಗಿದ್ದರು. ಐಎಎಸ್ ಸೃಷ್ಟಿ ದೇಶಮುಖ್ ಇನ್ ಸ್ಟಾಗ್ರಾಮ್ ನಲ್ಲಿ 20 ಲಕ್ಷ ಫಾಲೋವರ್ಸ್ ಹೊಂದಿದ್ದರೆ, ನಾಗಾರ್ಜುನ ಗೌಡ ಅವರು 4 ಲಕ್ಷ 13 ಸಾವಿರ ಫಾಲೋವರ್ಸ್ ಹೊಂದಿದ್ದಾರೆ. ಸೃಷ್ಟಿ ದೇಶಮುಖ್ ಅವರು UPSC ಆಕಾಂಕ್ಷಿಗಳಿಗಾಗಿ ಪುಸ್ತಕವನ್ನೂ ಬರೆದಿದ್ದಾರೆ.