IAS Love Story: ಶಾಸಕ ವೆಡ್ಸ್ ಐಎಎಸ್ ಅಧಿಕಾರಿ; ಕೇರಳದ ಅಪರೂಪದ ಪ್ರೇಮ್ ಕಹಾನಿ ಇದು

ಕೇರಳ ಕೇಡರ್ ಐಎಎಸ್ ಅಧಿಕಾರಿ ದಿವ್ಯಾ ಎಸ್ ಅಯ್ಯರ್ ಅವರ ಪ್ರೇಮಕಥೆಯೇ ವಿಭಿನ್ನವಾಗಿದೆ. ಐಎಎಸ್ ದಿವ್ಯಾ ಎಸ್ ಅಯ್ಯರ್ ಮತ್ತು ಕಾಂಗ್ರೆಸ್ ಶಾಸಕ ಕೆಎಸ್ ಶಬರಿನಾಧನ್ ಅವರ ಪ್ರೇಮಕಥೆಯನ್ನು ತಿಳಿಯಿರಿ.

ಐಎಎಸ್ ಮತ್ತು ವೈದ್ಯರು ತಮ್ಮ ವೃತ್ತಿಯವರನ್ನೇ ಹೆಚ್ಚಾಗಿ ಮದುವೆಯಾಗುತ್ತಾರೆ. ಅನೇಕ IAS ಅಧಿಕಾರಿಗಳ ಪ್ರೇಮಕಥೆಯು LBSNAA ನಲ್ಲಿನ ತರಬೇತಿಯೊಂದಿಗೆ ಪ್ರಾರಂಭವಾಗುತ್ತದೆ. ಮುಂದೆ ಜೀವನದಲ್ಲಿ ಮದುವೆಯಾಗುತ್ತಾರೆ.

ಆದರೆ ರಾಜಕಾರಣಿಗಳು ಮತ್ತು ಐಎಎಸ್ ಅಧಿಕಾರಿಗಳು ವೃತ್ತಿಪರವಾಗಿ ಹತ್ತಿರವಾಗಬಹುದು. ಪ್ರೇಮ-ಮದುವೆ ಅನ್ನೋದು ಅಪರೂಪದಲ್ಲಿ ಅಪರೂಪ ಎನ್ನಬಹುದು. ಆ ನಿಟ್ಟಿನಲ್ಲಿ ಐಎಎಸ್ ದಿವ್ಯಾ ಎಸ್ ಅಯ್ಯರ್ ಮತ್ತು ಕೇರಳದ ಶಾಸಕ ಕೆಎಸ್ ಶಬರಿನಾಧನ್ ಅವರ ಪ್ರೇಮಕಥೆ ಸಾಕಷ್ಟು ವಿಶಿಷ್ಟವಾಗಿದೆ.

ಕೆಎಸ್ ಶಬರಿನಾಥನ್ ಅವರು ದಿವಂಗತ ಕಾಂಗ್ರೆಸ್ ನಾಯಕ ಮತ್ತು ವಿಧಾನಸಭಾ ಸ್ಪೀಕರ್ ಜಿ ಕಾರ್ತಿಕೇಯನ್ ಅವರ ಪುತ್ರ. ಶಬರಿನಾಥನ್ ಮ್ಯಾನೇಜ್ ಮೆಂಟ್ ಪದವೀಧರರಾಗಿದ್ದು, ರಾಜಕೀಯಕ್ಕೆ ಸೇರುವ ಮೊದಲು ಬೆಂಗಳೂರಿನಲ್ಲಿ ಕೆಲಸ ಮಾಡುತ್ತಿದ್ದರು.

2015 ರಲ್ಲಿ ಅವರ ತಂದೆಯ ಮರಣದ ನಂತರ, ಶಬರಿನಾಥನ್ ರಾಜಕೀಯಕ್ಕೆ ಪ್ರವೇಶಿಸಿದರು. ತಮ್ಮ ತಂದೆಯ ಕ್ಷೇತ್ರದಲ್ಲಿ ನಿಂತು ಉಪಚುನಾವಣೆಯಲ್ಲಿ ಗೆದ್ದರು. 2015 ರಲ್ಲಿ ಅವರ ವಯಸ್ಸು ಕೇವಲ 31, ಕೇರಳದ ಅತ್ಯಂತ ಕಿರಿಯ ಶಾಸಕರು ಎನಿಸಿಕೊಂಡರು. ಪ್ರಸ್ತುತ ಶಬರಿನಾಥನ್ ಅವರು ಯುವ ಕಾಂಗ್ರೆಸ್ನ ರಾಜ್ಯ ಉಪಾಧ್ಯಕ್ಷರಾಗಿದ್ದಾರೆ.

ಐಎಎಸ್ ದಿವ್ಯಾ ಎಸ್ ಅಯ್ಯರ್ ಅವರನ್ನು ಕೇರಳ ಕೇಡರ್ ನಲ್ಲಿ ನಿಯೋಜಿಸಲಾಗಿದೆ. ಐಎಎಸ್ ಅಧಿಕಾರಿ ಡಾ.ದಿವ್ಯಾ ಎಂಬಿಬಿಎಸ್ ಮಾಡಿದ್ದಾರೆ. ಅವರ ತಂದೆ ಇಸ್ರೋದಲ್ಲಿ ಅಧಿಕಾರಿಯಾಗಿದ್ದಾರೆ. ಶಾಸ್ತ್ರೀಯ ಸಂಗೀತವನ್ನು ಇಷ್ಟಪಡುವ ದಿವ್ಯಾ 2014ರ ಬ್ಯಾಚ್ ಅಧಿಕಾರಿ.

ತಿರುವನಂತಪುರಂನಲ್ಲಿ ನಡೆದ ಸಭೆಯ ನಂತರ ಐಎಎಸ್ ದಿವ್ಯಾ ಎಸ್ ಅಯ್ಯರ್ ಮತ್ತು ಶಾಸಕ ಕೆಎಸ್ ಶಬರಿನಾಥನ್ ಅವರ ಪ್ರೇಮಕಥೆ ಪ್ರಾರಂಭವಾಯಿತು. 2017ರಲ್ಲಿ ಫೇಸ್ ಬುಕ್ ನಲ್ಲಿ ಕೆ.ಎಸ್. ಶಬರೀನಾಧನ್ ಅವರು ತಮ್ಮ ಸಂಬಂಧದ ಕುರಿತು 'ಕಮಿಟೆಡ್' ಎಂದು ಹೇಳಿಕೊಂಡಿದ್ದರು

ನಾವು ಹತ್ತಿರವಾದಾಗ ನಮ್ಮ ದೃಷ್ಟಿಕೋನಗಳು, ವರ್ತನೆಗಳು ಮತ್ತು ಜೀವನದ ಆಯ್ಕೆಗಳು ಸಾಕಷ್ಟು ಹೋಲುತ್ತವೆ ಎಂದು ನಾವು ಅರಿತುಕೊಂಡೆವು. ಅದಕ್ಕಾಗಿಯೇ ತಂದೆ-ತಾಯಿಯ ಆಶೀರ್ವಾದ ಪಡೆದು ಮದುವೆಯಾಗಲು ನಿರ್ಧರಿಸಿದ್ದೇವೆ ಎಂದು ಹೇಳಿದ್ದರು. ದಂಪತಿಗೆ ಒಂದು ಮಗು ಸಹ ಇದ್ದು, ಸುಖಿ ಸಂಸಾರ ಇವರದ್ದಾಗಿದೆ.