IAS Dress Code: ಮಹಿಳಾ ಐಎಎಸ್ ಅಧಿಕಾರಿಗಳು ಸೀರೆಯನ್ನೇ ಧರಿಸಬೇಕೇ, ಡ್ರೆಸ್ ಕೋಡ್ ಏನು ಹೇಳುತ್ತೆ?

ಮಹಿಳಾ ಐಎಎಸ್ ಅಧಿಕಾರಿಗಳನ್ನು ಬಹಳಷ್ಟು ಸಲ ಸೀರೆಯಲ್ಲೇ ಹೆಚ್ಚಾಗಿ ನೋಡಿರುತ್ತೇವೆ. UPSC ಸಂದರ್ಶನದಿಂದ ಆರಂಭವಾದ ಸೀರೆ ಧರಿಸುವ ಅವರ ಪಯಣ ತರಬೇತಿ ಮತ್ತು ನಂತರ ಸೇವೆಯವರೆಗೂ ಮುಂದುವರೆಯುತ್ತದೆ. ಆದರೆ ಮಹಿಳಾ ಅಧಿಕಾರಿಗಳು ಸೀರೆ ಧರಿಸುವುದು ಕಡ್ಡಾಯವೇ? ಈ ಬಗ್ಗೆ ಸ್ವತಃ ಮಹಿಳಾ ಐಎಎಸ್ ಅಧಿಕಾರಿಗಳ ಅಭಿಪ್ರಾಯವೇನು ಎಂದು ತಿಳಿಯೋಣ ಬನ್ನಿ.

ಇತ್ತೀಚಿನ ದಿನಗಳಲ್ಲಿ ಹೆಚ್ಚಿನ ಐಎಎಸ್ ಅಧಿಕಾರಿಗಳು ಸೋಷಿಯಲ್ ಮೀಡಿಯಾದಲ್ಲಿ ತುಂಬಾನೇ ಆಕ್ಟೀವ್ ಆಗಿ ಇರುತ್ತಾರೆ. Instagram, Facebook ಮತ್ತು Twitter ಹೊರತುಪಡಿಸಿ, ಈ ಅಧಿಕಾರಿಗಳು Quora ನಲ್ಲಿಯೂ ಸಕ್ರಿಯರಾಗಿದ್ದಾರೆ. (ಸಾಂದರ್ಭಿಕ ಚಿತ್ರ)

ಉದಾಹರಣೆಗೆ IAS ಇರಾ ಸಿಂಘಾಲ್ Quora ನಲ್ಲಿ 98 ಸಾವಿರಕ್ಕೂ ಹೆಚ್ಚು ಅನುಯಾಯಿಗಳನ್ನು ಹೊಂದಿದ್ದಾರೆ. ಅವರು ಆಗಾಗ ಬಳಕೆದಾರರ ಪ್ರಶ್ನೆಗಳಿಗೆ ಉತ್ತರಗಳನ್ನು ನೀಡುತ್ತಾರೆ. ಐಎಎಸ್ ಡ್ರೆಸ್ ಕೋಡ್ ಬಗ್ಗೆಯೂ ಅವರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. (ಚಿತ್ರದಲ್ಲಿರುವುದು ಇರಾ ಸಿಂಘಾಲ್)

ಐಎಎಸ್ ಮಹಿಳಾ ಅಧಿಕಾರಿಗಳು ವೆಸ್ಟರ್ನ್ ಫಾರ್ಮಲ್ಸ್ ಧರಿಸಬಹುದೇ ಎಂದು ಯಾರೋ Quora ನಲ್ಲಿ ಪ್ರಶ್ನೆ ಕೇಳಿದ್ದಾರೆ. ಐಎಎಸ್ ಇರಾ ಸಿಂಘಾಲ್ ಈ ಬಗ್ಗೆ ಉತ್ತರಿಸಿದ್ದಾರೆ. ನಾನು ವೆಸ್ಟರ್ನ್ ಬಟ್ಟೆಗಳನ್ನು ಧರಿಸುತ್ತೇನೆ. ಯಾವಾಗಲು ಸೀರೆಗಳನ್ನು ಧರಿಸಲು ಸಾಧ್ಯವಿಲ್ಲ. ಅದಕ್ಕಾಗಿಯೇ ನಾನು ಕಚೇರಿಯಲ್ಲಿ ವೆಸ್ಟರ್ನ್ ಫಾರ್ಮಲ್ ಡ್ರೆಸ್ ಗಳನ್ನು ಧರಿಸುತ್ತೇನೆ ಎಂದಿದ್ದಾರೆ. (ಚಿತ್ರದಲ್ಲಿರುವುದು ಮಹಿಳಾ ಐಎಎಸ್​ ಅಧಿಕಾರಿ)

ಐಎಎಸ್ ಇರಾ ಸಿಂಘಾಲ್ ಪ್ರಕಾರ, ಮಹಿಳಾ ಐಎಎಸ್ ಅಧಿಕಾರಿಗಳು ಪಾಶ್ಚಿಮಾತ್ಯ ಉಡುಪುಗಳನ್ನು ಧರಿಸಬಹುದು. ಆದರೆ ಸ್ಥಳೀಯವಾಗಿ ಕೆಟ್ಟದಾಗಿ ಕಾಣದಂತೆ ನೋಡಿಕೊಳ್ಳಬೇಕು. ಮಹಾನಗರಗಳಲ್ಲಿ ಬಟ್ಟೆ ಪಾಶ್ಚಿಮಾತ್ಯವಾಗಿ ಇದ್ದರೆ ಏನೂ ವ್ಯತ್ಯಾಸ ಕಾಣುವುದಿಲ್ಲ. ಆದರೆ ಹಳ್ಳಿಗಳಿಗೆ ಹೋದಾಗ ಸಾಮಾನ್ಯಜ್ಞಾನದೊಂದಿಗೆ ಬಟ್ಟೆ ಧರಿಸುವುದು ಸೂಕ್ತ ಎಂದು ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. (ಚಿತ್ರದಲ್ಲಿರುವುದು ಮಹಿಳಾ ಐಎಎಸ್​ ಅಧಿಕಾರಿ)

IAS ಇರಾ ಸಿಂಘಾಲ್ ಅವರು Quora ನಲ್ಲಿ ತಮ್ಮ ಉತ್ತರದಲ್ಲಿ IAS ನ ಮೊದಲ ಕರ್ತವ್ಯ ಸಮಾಜದ ಒಳಿತು ಎಂದು ಬರೆದಿದ್ದಾರೆ. ಎಲ್ಲೆಂದರಲ್ಲಿ ಪಾಶ್ಚಾತ್ಯ ಉಡುಗೆ ತೊಡುವಂತಿಲ್ಲ. ಸರ್ಕಾರಿ ಅಧಿಕಾರಿಯಾಗಿರುವ ನಾವು ಘನತೆಯನ್ನು ಕಾಪಾಡಿಕೊಳ್ಳಬೇಕು ಎಂದಿದ್ದಾರೆ. (ಚಿತ್ರದಲ್ಲಿರುವುದು ಮಹಿಳಾ ಐಎಎಸ್​ ಅಧಿಕಾರಿ)

ಸಾಮಾನ್ಯರಂತೆ ಕಂಡರೆ ಜನರು ನಮ್ಮೊಂದಿಗೆ ಸುಲಭವಾಗಿ ಸಂಪರ್ಕಿಸಬಹುದು. ಜನ ಸಮಸ್ಯೆಗಳೊಂದಿಗೆ ನಮ್ಮ ಬಳಿಗೆ ಬರತ್ತಾರೆ ಎಂಬುದನ್ನು ಮನಸ್ಸಿನಲ್ಲಿಟ್ಟುಕೊಳ್ಳಬೇಕು ಎಂದಿದ್ದಾರೆ. ಮಹಿಳಾಯರಿಗೆ ಮಾತ್ರ ಸೀರೆ, ಪುರುಷರು ಏಕೆ ಭಾರತೀಯ ಉಡುಗೆ ತೊಡುವುದಿಲ್ಲ ಎಂಬುವುದು ದಶಕಗಳಿಂದ ನಡೆಯುತ್ತಿರುವ ಚರ್ಚೆ ಆಗಿದೆ. (ಚಿತ್ರದಲ್ಲಿರುವುದು ಐಪಿಎಸ್​ ಅಧಿಕಾರಿ)