Salary Slip: ಉದ್ಯೋಗಿಯ ಹಿಂದಿನ 3 ತಿಂಗಳ ಸ್ಯಾಲರಿ ಸ್ಲಿಪ್ ಕೇಳುವುದು ಕಾನೂನುಬಾಹಿರವೇ?

ಸಂಬಳದ ಮಾತುಕತೆ ವೇಳೆ ಸಾಮಾನ್ಯವಾಗಿ ನಿಮ್ಮ ಸದ್ಯದ ವೇತನದ ಮೇಲೆ ಶೇ.30 ಅಥವಾ ಅದಕ್ಕಿಂತಲೂ ಹೆಚ್ಚಿನ ಸಂಬಳವನ್ನು ಕೊಡುವುದು ವಾಡಿಕೆ. ಇದಕ್ಕಾಗಿಯೇ 3 ತಿಂಗಳ ಸ್ಯಾಲರಿ ಸ್ಲಿಪ್ ಕೇಳಲಾಗುತ್ತೆ. ಇದರ ಜೊತೆ ನೀವು 3 ತಿಂಗಳಿಂದ ಉದ್ಯೋಗದಲ್ಲಿದ್ದೀರಿ ಎಂಬ ಖಾತ್ರಿಯೂ ಇದರಿಂದ ಸಿಗುತ್ತೆ.

ಆದರೆ ಉದ್ಯೋಗಿಯು ತನ್ನ ಹಿಂದಿನ 3 ತಿಂಗಳ ಸ್ಯಾಲರಿ ಸ್ಲಿಪ್ ಕೊಡಲೇಬೇಕು ಅಂತೇನು ಇಲ್ಲ. ಕೆಲ ವರದಿಗಳ ಪ್ರಕಾರ ಸ್ಯಾಲರಿ ಸ್ಲಿಪ್ ಉದ್ಯೋಗಿಯ ವೈಯಕ್ತಿಕ ಮಾಹಿತಿಯಾಗಿದ್ದು, ಕೊಡಲು ನಿರಾಕರಿಸಬಹುದು ಎಂದು ಹೇಳಲಾಗುತ್ತದೆ. (ಸಾಂಕೇತಿಕ ಚಿತ್ರ)

ಹಿಂದಿನ ಸ್ಯಾಲರಿ ಮೇಲೆಯೇ ಹೈಕ್ ಪಡೆಯುವುದು ಉದ್ಯೋಗಿಗೆ ಇಷ್ಟವಿಲ್ಲದಾಗ, ನನ್ನ ಹಿಂದಿನ ವೇತನ ಈಗ ಅಪ್ರಸ್ತುತ. ಹಿಂದಿನ ಕೆಲಸಕ್ಕೆ ಸೇರಿದಾಗ ಜಾಬ್ ಮಾರ್ಕೆಟ್ ಮೌಲ್ಯ ಬೇರೆಯದ್ದೇ ಆಗಿತ್ತು. ಆಗಿನ ಹುದ್ದೆ, ಜವಾಬ್ದಾರಿಗಳೇ ಬೇರೆ. ಈಗ ನಿಮ್ಮ ಕಂಪನಿಯಲ್ಲಿ ಮಾಡಲಿರುವ ಹುದ್ದೆಯೇ ಬೇರೆ. ಹಾಗಾಗಿ ನಿಮ್ಮ ಕಂಪನಿಯ ಹುದ್ದೆಗೆ ಇರುವ ಮೌಲ್ಯದ ಆಧಾರದ ಮೇಲೆ ಸಂಬಳ ನಿರ್ಧರಿಸಿ ಎಂದು ಹೇಳಬಹುದು. (ಸಾಂದರ್ಭಿಕ ಚಿತ್ರ)

ಈಗ ನಾನು ಉದ್ಯೋಗಿಯಾಗಿ ಹೆಚ್ಚು ಅನುಭವ ಪಡೆದಿರುವುದರಿಂದ ಹಿಂದಿನ ಸಂಬಳದ ಮೇಲೆ ನನ್ನ ಅಳೆಯುವುದು ಸೂಕ್ತವಲ್ಲ. ನಿಮ್ಮ ಕಂಪನಿಯಲ್ಲಿ ನಾನು ನಿರ್ವಹಿಸುವ ಹುದ್ದೆಗೆ ನಿಮ್ಮಲ್ಲಿ ಎಷ್ಟು ಬಜೆಟ್ ಇದೆ, ಮಾರ್ಕೆಟ್ ವ್ಯಾಲ್ಯೂ ಏನು ಎಂಬುವುದನ್ನು ಪರಿಗಣಿಸಿ ಸಂಬಳ ನೀಡಿ ಎಂದು ಹೇಳಬಹುದು.

ಇದರಾಚೆಗೂ ಸ್ಯಾಲರಿ ಸ್ಲಿಪ್ ಕೇಳಿದರೆ, ನಿಮ್ಮ ನಿರೀಕ್ಷೆ ವ್ಯಕ್ತಿಯ ಗೌಪತ್ಯಾ ಕಾನೂನಿನ ಹೊರಗಿದೆ. ಜೊತೆಗೆ ವೇತನ ಮಾಹಿತಿಯನ್ನು ಕೇಳುವುದು ರೆಮ್ಯೂಡರೇಷನ್ ಆ್ಯಕ್ಟ್ 1976ಗೆ ವಿರುದ್ಧವಾಗಿದೆ ಎಂದು ನಯವಾಗಿಯೇ ಹೇಳಬಹುದು.

ಹಿಂದಿನ ಕಂಪನಿಯ ಸ್ಯಾಲರಿ ಸ್ಲಿಪ್ ಕೊಡದೆಯೇ ನೀವು ಉದ್ಯೋಗವನ್ನು ಪಡೆಯಬಹುದು ಎಂಬ ಮಾಹಿತಿಯನ್ನು ಪ್ರತಿಯೊಬ್ಬ ಉದ್ಯೋಗಿಯೂ ತಿಳಿದಿರಬೇಕು. ಇನ್ನು ನಿಮಗೆ ಹಿಂದಿನ ಕಂಪನಿಯ ಸ್ಯಾಲರಿ ಸ್ಲಿಪ್ ಕೊಡುವುದರ ಬಗ್ಗೆ ಯಾವುದೇ ತಕರಾರು ಇಲ್ಲದಿದ್ದರೆ, ಅದು ನಿಮ್ಮ ವೈಯಕ್ತಿಯ ನಿರ್ಧಾರವಾಗಿರಲಿದೆ.

Disclaimer: ಈ ಲೇಖನ ಅಂತರ್ಜಾಲದಲ್ಲಿ ಲಭ್ಯವಿರುವ ಮಾಹಿತಿಯನ್ನು ಆಧರಿಸಿದೆ. ಇದನ್ನು ನ್ಯೂಸ್ 18 ಕನ್ನಡ ದೃಢಿಕರಿಸುವುದಿಲ್ಲ. ಮತ್ತಷ್ಟು ನಿಖರ, ಸ್ಪಷ್ಟ ಮಾಹಿತಿಗಾಗಿ ತಜ್ಞರನ್ನು ಸಂಪರ್ಕಿಸಿ ಮುಂದುವರೆಯಿರಿ. (ಸಾಂದರ್ಭಿಕ ಚಿತ್ರ)