Miss India ಸ್ಪರ್ಧೆಗೆ ಆಯ್ಕೆ ಆಗುವುದು ಹೇಗೆ, ಏನೆಲ್ಲಾ ಅರ್ಹತೆಗಳು ಇರಬೇಕು ಎಂಬ ಮಾಹಿತಿ ಇಲ್ಲಿದೆ

ಸೌಂದರ್ಯ ಸ್ಪರ್ಧೆಯ ಮೂಲಕ ವೃತ್ತಿ ರೂಪಿಸಿಕೊಳ್ಳಲು ಬಯಸುವವರಿಗೆ ಮಾರ್ಗದರ್ಶನ ಇಲ್ಲಿದೆ. ಈ ಲೇಖನದಲ್ಲಿ ಇಂಡಿಯಾ ಆಗುವುದು ಹೇಗೆ? ಏನೆಲ್ಲಾ ಅರ್ಹತೆಗಳು ಇರಬೇಕು ಎಂಬ ಮಾಹಿತಿಯನ್ನು ನೀಡಲಾಗಿದೆ.

ರಾಜಸ್ಥಾನದ ನಿವಾಸಿಯಾಗಿರುವ 19 ವರ್ಷದ ನಂದಿನಿ ಗುಪ್ತಾ ಅವರು ಮಿಸ್ ಇಂಡಿಯಾ 2023 ಪ್ರಶಸ್ತಿಯನ್ನು ಗೆದ್ದಿದ್ದಾರೆ. ಮಿಸ್ ಇಂಡಿಯಾ ಭಾರತದ ರಾಷ್ಟ್ರೀಯ ಸೌಂದರ್ಯ ಸ್ಪರ್ಧೆಯ ಶೀರ್ಷಿಕೆಯಾಗಿದೆ . ಈ ಮೂಲಕ ಮಿಸ್ ವರ್ಲ್ಡ್ ನಂತಹ ಅಂತಾರಾಷ್ಟ್ರೀಯ ಸೌಂದರ್ಯ ಸ್ಪರ್ಧೆಗಳಲ್ಲಿ ದೇಶವನ್ನು ಪ್ರತಿನಿಧಿಸಲು ಸೂಕ್ತ ಸ್ಪರ್ಧಿಗಳನ್ನು ಆಯ್ಕೆ ಮಾಡಲಾಗುತ್ತದೆ.

ಮಿಸ್ ಇಂಡಿಯಾ ಸ್ಪರ್ಧೆಯಲ್ಲಿ ಭಾಗವಹಿಸಲು ಅಭ್ಯರ್ಥಿಯ ವಯಸ್ಸು 18-25 ವರ್ಷಗಳು ಮತ್ತು ಎತ್ತರ 5 ಅಡಿ 3 ಇಂಚುಗಳು ಇರಬೇಕು. ಉತ್ತಮ ಫಿಟ್ನೆಸ್ ಜೊತೆಗೆ ಬೋಲ್ಡ್ ಆಗಿ ಮತ್ತು ಕ್ಯಾಮೆರಾ ಸ್ನೇಹಿಯಾಗಿರುವುದು ಸಹ ಅಗತ್ಯವಾಗಿದೆ.

ಸ್ಪರ್ಧಿಗಳು ಭಾರತೀಯ ನಾಗರಿಕರಾಗಿರಬೇಕಾಗಿದ್ದು ಕಡ್ಡಾಯ. ವಿದೇಶದಲ್ಲಿ ನೆಲೆಸಿರುವ ಅನಿವಾಸಿ ಭಾರತೀಯರು ಸಹ ಮಿಸ್ ಇಂಡಿಯಾ ಸ್ಪರ್ಧೆಯಲ್ಲಿ ಭಾಗವಹಿಸಬಹುದು. ಇದಕ್ಕೆ ಪುರಾವೆಯಾಗಿ ಅವರು ಭಾರತೀಯ ಪಾಸ್ ಪೋರ್ಟ್ ತೋರಿಸಬೇಕು.

ಮಿಸ್ ಇಂಡಿಯಾ ಆಗಲು ಇಂಗ್ಲಿಷ್ ಭಾಷೆಯಲ್ಲಿ ಪ್ರಾವೀಣ್ಯತೆ ಹೊಂದಿರುವುದು ಅವಶ್ಯಕ. ಇದರೊಂದಿಗೆ ಅಭ್ಯರ್ಥಿಯು ಅವಿವಾಹಿತರಾಗಿರಬೇಕು.

ಮಿಸ್ ಇಂಡಿಯಾಗೆ ಸ್ಮಾರ್ಟ್, ಟ್ರೆಂಡಿ ಮತ್ತು ಫಿಟ್ ಆಗಿರುವುದರ ಜೊತೆಗೆ ಪ್ರಸ್ತುತ ವಿದ್ಯಮಾನಗಳ ಜ್ಞಾನವೂ ಇರಬೇಕು. ಸಂದರ್ಶನದ ಸುತ್ತಿನಲ್ಲಿ ಏನು ಬೇಕಾದರೂ ಕೇಳಬಹುದು ಎಂಬುದನ್ನು ನೆನಪಿನಲ್ಲಿಡಿ. ಅದಕ್ಕೆ ಸರಿಯಾಗಿ ಉತ್ತರಿಸಿದವರು ಸ್ಪರ್ಧೆಯಲ್ಲಿ ವಿಜಯಿಗಳಾಗುತ್ತಾರೆ.

ಮಿಸ್ ಇಂಡಿಯಾ ಸ್ಪರ್ಧಿಯು ಮಾನಸಿಕ ಸಾಮರ್ಥ್ಯ ಕೌಶಲ್ಯಗಳನ್ನು ಹೊಂದಿರಬೇಕು. ಜೊತೆಗೆ ಉತ್ತಮ ಡ್ರೆಸ್ಸಿಂಗ್ ಸೆನ್ಸ್ ಮತ್ತು ಮೇಕ್ ಅಪ್ ಸ್ಕಿಲ್ಸ್ ಗೊತ್ತಿರಬೇಕು. ಮಿಸ್ ಇಂಡಿಯಾ ಆದ ನಂತರ ಕಿರೀಟ, ಹಣ ಸಿಗುತ್ತದೆ. ಗ್ಲ್ಯಾಮರ್ ಜಗತ್ತಿನಲ್ಲಿ ಸುಲಭವಾಗಿ ಕರಿಯರ್ ರೂಪಿಸಿಕೊಳ್ಳಬಹುದು.