Marine Engineering: ನಿಮಗೆ ಸಮುದ್ರ-ಹಡಗುಗಳ ಬಗ್ಗೆ ಆಸಕ್ತಿ ಇದ್ದರೆ, ಮೆರೈನ್ ಎಂಜಿನಿಯರ್ ಆಗುವುದು ಸೂಕ್ತ

ಸೆಕೆಂಡ್ ಪಿಯು ಬಳಿಕ ಯಾವ ವೃತ್ತಿ ಆಯ್ಕೆ ಮಾಡಿಕೊಳ್ಳುವುದು ಎಂಬ ಗೊಂದಲ ನಿಮ್ಮಲ್ಲಿದ್ದರೆ ಈ ಲೇಖನ ನಿಮಗೆ ಸಹಾಯಕವಾಗಲಿದೆ. ಬಿ.ಟೆಕ್ ಮೆರೈನ್ ಎಂಜಿನಿಯರಿಂಗ್ 4 ವರ್ಷಗಳ ಯುಜಿ ಕೋರ್ಸ್ ಆಗಿದ್ದು, 8 ಸೆಮಿಸ್ಟರ್ಗಳಿರುತ್ತದೆ. ಅಂದರೆ ಇಡೀ ಕೋರ್ಸ್ ಅನ್ನು ಎಂಟು ಭಾಗಗಳಾಗಿ ವಿಂಗಡಿಸಿ ಕಲಿಸಲಾಗುತ್ತದೆ. ಪ್ರತಿ ಆರು ತಿಂಗಳಿಗೊಮ್ಮೆ ಅಥವಾ ಪ್ರತಿ ಸೆಮಿಸ್ಟರ್ ಕೊನೆಯಲ್ಲಿ ಪರೀಕ್ಷೆ ಇರುತ್ತದೆ. (ಸಾಂದರ್ಭಿಕ ಚಿತ್ರ)

ಬಿ.ಟೆಕ್-ಮೆರೈನ್ ಇಂಜಿನಿಯರಿಂಗ್ ಕೋರ್ಸ್ ಅನ್ನು ದೇಶದ ಅನೇಕ ಶಿಕ್ಷಣ ಸಂಸ್ಥೆಗಳು ನೀಡುತ್ತವೆ, ಅವುಗಳಲ್ಲಿ ಹೆಚ್ಚಿನವು ದಕ್ಷಿಣ ಭಾರತದಲ್ಲಿವೆ. ಇಂಜಿನಿಯರಿಂಗ್ ನ ಬೇಸಿಕ್ ಅಂಶಗಳ ಜೊತೆಗೆ ವಿದ್ಯಾರ್ಥಿಗಳಿಗೆ ಕಲಿಸುವ ವ್ಯವಸ್ಥೆ ಇದೆ. (ಸಾಂದರ್ಭಿಕ ಚಿತ್ರ)

ಈ ಕೋರ್ಸ್ ಮಾಡಲು ಯಾವೆಲ್ಲಾ ಅರ್ಹತೆಗಳಿರಬೇಕು ಎಂದು ನೋಡುವುದಾದರೆ, ಸೆಕೆಂಡ್ ಪಿಯುನಲ್ಲಿ ಭೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಗಣಿತ ವಿಷಯಗಳೊಂದಿಗೆ ಪಾಸ್ ಆಗಿರಬೇಕು. ಈ ಕೋರ್ಸ್ ಗೆ ಪ್ರವೇಶವು ಜೆಇಇ ಮೂಲಕ ನಡೆಯುತ್ತದೆ. ಆದರೆ ಜೆಇಇ ಅಂಕಗಳೊಂದಿಗೆ 12 ನೇ ತರಗತಿಯಲ್ಲಿ ಶೇಕಡಾ 75 ಅಂಕಗಳು ಅವಶ್ಯಕ. (ಸಾಂದರ್ಭಿಕ ಚಿತ್ರ)

ಕೋರ್ಸ್ಗೆ ಪ್ರವೇಶಕ್ಕಾಗಿ ವಯಸ್ಸಿನ ಮಿತಿ ಕನಿಷ್ಠ 17 ವರ್ಷಗಳು ಮತ್ತು ಗರಿಷ್ಠ ವಯಸ್ಸು 23 ವರ್ಷಗಳು. ಕೆಲವು ಸಂಸ್ಥೆಗಳು ತಮ್ಮದೇ ಆದ ಪ್ರವೇಶ ಪರೀಕ್ಷೆಯನ್ನು ಸಹ ನಡೆಸುತ್ತವೆ. ಆದರೆ ಅದರಲ್ಲಿ 12 ನೇ ತರಗತಿಯಲ್ಲಿ ಕನಿಷ್ಠ 60 ಪ್ರತಿಶತ ಅಂಕಗಳು ಕಡ್ಡಾಯವಾಗಿದೆ. (ಸಾಂದರ್ಭಿಕ ಚಿತ್ರ)

ಈ ಪದವಿ ಅಧ್ಯಯನದಲ್ಲಿ ಮೆಟೀರಿಯಲ್ ಸೈನ್ಸ್, ಮೆರೈನ್ ಬಾಯ್ಲರ್, ಫ್ಲೂಯಿಡ್ ಮೆಕ್ಯಾನಿಕ್ಸ್, ಡಿಸೈನ್ ಮತ್ತು ಡ್ರಾಯಿಂಗ್, ಮೆರೈನ್ ಆಕ್ಸಿಲಿಯರೀಸ್, ಮ್ಯಾನೇಜ್ಮೆಂಟ್ ಸೈನ್ಸ್ ಮತ್ತು ಎಕನಾಮಿಕ್ಸ್, ನೇವಲ್ ಆರ್ಕಿಟೆಕ್ಚರ್, ಫೈರ್ ಕಂಟ್ರೋಲ್ ಮತ್ತು ಲೈಫ್ ಸೇವಿಂಗ್, ಮೆರೈನ್ ಪವರ್ ಪ್ಲಾಂಟ್, ಅಡ್ವಾನ್ಸ್ ಡ್ ಮೆರೈನ್ ಕಂಟ್ರೋಲ್ ಮತ್ತು ಶಿಪ್ ಸ್ಟ್ರಕ್ಚರ್ ಮುಂತಾದ ವಿಷಯಗಳನ್ನು ಕಲಿಸಲಾಗುತ್ತದೆ. (ಸಾಂದರ್ಭಿಕ ಚಿತ್ರ)

ಬಿ.ಟೆಕ್-ಮೆರೈನ್ ಎಂಜಿನಿಯರಿಂಗ್ ಮಾಡಿದ ನಂತರ, ಅಭ್ಯರ್ಥಿಗಳು ನೇರವಾಗಿ ಕ್ಯಾಂಪಸ್ನಿಂದ ಉದ್ಯೋಗಗಳನ್ನು ಪಡೆಯಬಹುದು. ಕ್ಯಾಂಪಸ್ ಪ್ಲೇಸ್ ಮೆಂಟ್ ನಲ್ಲಿ, ವಾರ್ಷಿಕವಾಗಿ ರೂ 5 ರಿಂದ 8 ಲಕ್ಷದ ಆರಂಭಿಕ ಪ್ಯಾಕೇಜ್ ಲಭ್ಯವಿದೆ. ಅನುಭವವು ಹೆಚ್ಚಾದಂತೆ, ಆದಾಯವು ವೇಗವಾಗಿ ಹೆಚ್ಚಾಗುತ್ತದೆ. (ಸಾಂದರ್ಭಿಕ ಚಿತ್ರ)

ನೀವು ವಿದೇಶಿ ಕಂಪನಿಯೊಂದಿಗೆ ಕೆಲಸವನ್ನು ಪ್ರಾರಂಭಿಸಿದರೆ, ನೀವು ಖಂಡಿತವಾಗಿಯೂ ಹೆಚ್ಚಿನ ಆದಾಯವನ್ನು ಕಾಣಬಹುದು. ಏಕೆಂದರೆ ಸಾಮಾನ್ಯವಾಗಿ ಸಂಬಳ US ಡಾಲರ್ ಗಳಲ್ಲಿ ಬರುತ್ತದೆ. (ಸಾಂದರ್ಭಿಕ ಚಿತ್ರ)