Cricket Umpire Career: ಕ್ರಿಕೆಟ್ ಅಂಪೈರ್ ಆಗುವುದು ಹೇಗೆ? ಪರೀಕ್ಷೆಗಳು, ಸಂಬಳದ ಮಾಹಿತಿ ಹೀಗಿದೆ

ಯಾವುದೇ ಮಾದರಿಯ ಕ್ರಿಕೆಟ್ ಪಂದ್ಯಾವಳಿ ಇರಲಿ ಅಂಪೈರ್/ತೀರ್ಪುಗಾರರು ಇರಲೇಬೇಕು. ಅದರಲ್ಲೂ ಕೆಲ ಕ್ರಿಕೆಟ್ ಅಂಪೈರ್ ಗಳು ಆಟಗಾರರಂತೆ ಸ್ಟಾರ್ ವ್ಯಾಲ್ಯೂ ಹೊಂದಿದ್ದಾರೆ. ಇನ್ನು ಕೆಲವರು ತಮ್ಮ ತಪ್ಪು ತೀರ್ಪುಗಳ ಮೂಲಕ ಕುಖ್ಯಾತಿ ಗಳಿಸಿದ್ದಾರೆ. ಹಾಗಾದರೆ ಕ್ರಿಕೆಟ್ ಅಂಪೈರ್ ಆಗುವುದು ಹೇಗೆ? ಯಾವೆಲ್ಲಾ ಅರ್ಹತೆಗಳಿರಬೇಕು ನೋಡೋಣ ಬನ್ನಿ. (ಸಾಂದರ್ಭಿಕ ಚಿತ್ರ)

ಕ್ರಿಕೆಟ್ ಮ್ಯಾಚ್ ನಲ್ಲಿ ಪ್ರಮುಖ ಪಾತ್ರ ವಹಿಸುವ ಅಂಪೈರ್ ಆಗಲು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಬೇಕು. ಈ ಪರೀಕ್ಷೆಯನ್ನು ರಾಜ್ಯ ಮಟ್ಟದಲ್ಲಿ ಆಯೋಜಿಸಲಾಗುತ್ತೆ. ಅಂಪೈರ್ ಹುದ್ದೆಗೆ ಅರ್ಜಿ ಸಲ್ಲಿಸುವ ಅಭ್ಯರ್ಥಿಯು ಕನಿಷ್ಠ ಡಿಗ್ರಿ ಪಾಸ್ ಮಾಡಿರಬೇಕು. ಕ್ರಿಕೆಟ್ ಆಟದ ಬಗ್ಗೆ ತಿಳುವಳಿಕೆ ಮತ್ತು ನಿಯಮಗಳ ಜ್ಞಾನ ಇರಬೇಕು. (ಸಾಂದರ್ಭಿಕ ಚಿತ್ರ)

ಕ್ರಿಕೆಟ್ ನಲ್ಲಿ 42ಕ್ಕೂ ಹೆಚ್ಚು ನಿಯಮಗಳಿವೆ. ಇವುಗಳನ್ನು ತಿಳಿಯದೆ ನೀವು ಪರೀಕ್ಷೆಯಲ್ಲಿ ಉತ್ತೀರ್ಣರಾಗಲು ಸಾಧ್ಯವಿಲ್ಲ. ಒಬ್ಬ ವ್ಯಕ್ತಿಯು ರಾಜ್ಯ ಮಟ್ಟದ ಪರೀಕ್ಷೆಯಲ್ಲಿ ತೇರ್ಗಡೆಯಾದ ನಂತರ ಬಿಸಿಸಿಐ ನಡೆಸುವ ಪರೀಕ್ಷೆಯನ್ನು ಎದುರಿಸಬಹುದು. (ಸಾಂದರ್ಭಿಕ ಚಿತ್ರ)

ಬಿಸಿಸಿಐ ನಡೆಸುವ ಪರೀಕ್ಷೆಯಲ್ಲಿ ಉತ್ತೀರ್ಣರಾದ ನಂತರ, ರಣಜಿ ಮತ್ತು ಇತರ ದೇಶೀಯ ಪಂದ್ಯಗಳಲ್ಲಿ ಅಂಪೈರಿಂಗ್ ಮಾಡಬೇಕು. ಈ ಅವಧಿಯಲ್ಲಿ ಉತ್ತಮ ಸಾಧನೆ ತೋರಿದರೆ ಮುಂದಿನ ಹಂತದ ಪರೀಕ್ಷೆಯಲ್ಲಿ ಕಾಣಿಸಿಕೊಳ್ಳಲು ಅವಕಾಶವಿದೆ. ಇದರಲ್ಲಿ ಉತ್ತೀರ್ಣರಾದ ನಂತರವೇ ಐಪಿಎಲ್ ಮತ್ತು ಇತರ ದೊಡ್ಡ ಟೂರ್ನಿಗಳಲ್ಲಿ ಅಂಪೈರಿಂಗ್ ಮಾಡಬಹುದು. (ಸಾಂದರ್ಭಿಕ ಚಿತ್ರ)

ಇಷ್ಟೇ ಅಲ್ಲ, ರಾಜ್ಯ ಮಟ್ಟದ ಪರೀಕ್ಷೆಯನ್ನು ತೆಗೆದುಕೊಳ್ಳಲು ವಿಭಾಗೀಯ ಕ್ರಿಕೆಟ್ ಅಸೋಸಿಯೇಷನ್ಗೆ ದಾಖಲಾಗುವುದು ಅವಶ್ಯಕ. ಹಿಂದೊಮ್ಮೆ ಮಧ್ಯಪ್ರದೇಶದಲ್ಲಿ ಪರೀಕ್ಷೆಯನ್ನು ನಡೆಸಲಾಯಿತು. ಅದರಲ್ಲಿ 99 ಜನರು ಹಾಜರಾಗಿದ್ದರು, ಆದರೆ 8 ಅಭ್ಯರ್ಥಿಗಳು ಮಾತ್ರ ಉತ್ತೀರ್ಣರಾಗಿದ್ದರು. (ಸಾಂದರ್ಭಿಕ ಚಿತ್ರ)

ವಿವಿಧ ಹಂತಗಳಲ್ಲಿ ಅಂಪೈರ್ ಗಳು ವಿಭಿನ್ನ ಸಂಬಳವನ್ನು ಪಡೆಯುತ್ತಾರೆ. ಮಾಧ್ಯಮ ವರದಿಗಳ ಪ್ರಕಾರ, ರಾಜ್ಯ ಪ್ಯಾನೆಲ್ ಅಂಪೈರ್ ಗಳು ದಿನಕ್ಕೆ 3500 ರೂ. ಐದು ದಿನಗಳ ಟೆಸ್ಟ್ ಪಂದ್ಯಕ್ಕೆ 17,500 ರೂ. ಪಡೆಯುತ್ತಾರೆ. (ಸಾಂದರ್ಭಿಕ ಚಿತ್ರ)

ಅಂತಾರಾಷ್ಟ್ರೀಯ ಮಟ್ಟದ ಪಂದ್ಯಗಳಿಗೆ ವೇತನ ಲಕ್ಷಗಳಲ್ಲಿ ಇರುತ್ತದೆ. ಇದರಲ್ಲಿ ಎರಡು ಹಂತಗಳಲ್ಲಿ ವೇತನ ನೀಡಲಾಗುತ್ತದೆ. ಎಲೈಟ್ ಲೆವೆಲ್ ಅಂಪೈರ್ ಗಳಿಗೆ ಪಂದ್ಯವೊಂದಕ್ಕೆ $3200 ಪಾವತಿಸಲಾಗುತ್ತದೆ, ಇದು ಸುಮಾರು 2.50 ಲಕ್ಷ ರೂ. ಪ್ರವೇಶ ಮಟ್ಟದ ಅಂಪೈರ್ ಗೆ 1000 ಡಾಲರ್ಗಳನ್ನು ನೀಡಲಾಗುತ್ತದೆ, ಅಂದರೆ ಸುಮಾರು 75 ಸಾವಿರ ರೂಪಾಯಿಗಳು. (ಸಾಂದರ್ಭಿಕ ಚಿತ್ರ)