Job Interview Tips: ನೈಟ್ ಶಿಫ್ಟ್ ಮಾಡುತ್ತೀರಾ ಎಂದು ಇಂಟರ್​ವ್ಯೂನಲ್ಲಿ ಕೇಳಿದ್ರೆ ಹೀಗೆ ಉತ್ತರಿಸಿ

ಬೆಳಗಿನ ಶಿಫ್ಟ್, ಸೆಕೆಂಟ್ ಶಿಫ್ಟ್ ಜೊತೆಗೆ ಕೆಲ ಕಂಪನಿಗಳಲ್ಲಿ ರಾತ್ರಿಪಾಳಿ ಕೂಡ ಇರುತ್ತದೆ. ಅಂತಹ ಕಂಪನಿಗಳು ನೈಟ್ ಶಿಫ್ಟ್ ಮಾಡುವವರಿಗೆ ಕೆಲಸ ಕೊಡಲು ಮುಂದಾಗುತ್ತಾರೆ. ಇನ್ನು ಕೆಲವು ಕಂಪನಿಗಳಲ್ಲಿ ಇದು ಉದ್ಯೋಗಿಯ ಆಯ್ಕೆ ಆಗಿರುತ್ತದೆ. ಇಷ್ಟವಿದ್ದರೆ ಮಾಡಬಹುದು, ಇಲ್ಲವಾದರೆ ಇಲ್ಲ ಎಂದು ಹೇಳಬಹುದು. (ಪ್ರಾತಿನಿಧಿಕ ಚಿತ್ರ)

ಜಾಬ್ ಇಂಟರ್ ವ್ಯೂ ಕೊನೆಯಲ್ಲಿ ನೈಟ್ ಶಿಫ್ಟ್ ಮಾಡುತ್ತೀರಾ ಎಂಬ ಪ್ರಶ್ನೆ ಎದುರಾದರೆ ಸೂಕ್ಷ್ಮವಾಗಿ ಉತ್ತರಿಸಬೇಕಾಗುತ್ತೆ. ಮೇಲ್ನೋಟಕ್ಕೆ ಈ ಪ್ರಶ್ನೆಗೆ ಹೌದು ಅಥವಾ ಇಲ್ಲ ಎಂದು ಒಂದೇ ಮಾತಿನಲ್ಲಿ ಉತ್ತರಿಸಬಹುದು ಎನಿಸಿದರೂ ಆ ತಪ್ಪನ್ನು ಮಾಡಬೇಡಿ.

ನಿಮ್ಮ ನಿರ್ಧಾರಕ್ಕೆ ಅನುಗುಣವಾಗಿ ಈ ಪ್ರಶ್ನೆಗೆ ಉತ್ತರಿಸಿ. ನೈಟ್ ಶಿಫ್ಟ್ ಮಾಡಲು ನಿಮಗೆ ಒಪ್ಪಿಗೆ ಇದ್ದರೆ, ಎಸ್ ನನಗೆ ನೈಟ್ ಶಿಫ್ಟ್ ಮಾಡಲು ಯಾವುದೇ ತೊಂದರೆ ಇಲ್ಲ. ಆದರೆ ಸತತವಾಗಿ ನೈಟ್ ಶಿಫ್ಟ್ ನಲ್ಲೇ ಇರಬೇಕಾ ಅಥವಾ ಬೆಳಗಿನ ಶಿಫ್ಟ್ ಜೊತೆಗೆ ಬದಲಾಗುತ್ತಾ ಎಂದು ಪ್ರಶ್ನಿಸಿ. ಇದರಿಂದ ನಿಮಗೆ ಸ್ಪಷ್ಟತೆ ಸಿಗುತ್ತೆ. (ಪ್ರಾತಿನಿಧಿಕ ಚಿತ್ರ)

ನೈಟ್ ಶಿಫ್ಟ್ ಮಾಡಲು ಯಾವುದೇ ತೊಂದರೆ ಇಲ್ಲ. ಆದರೆ ರಾತ್ರಿ ವೇಳೆ ಕ್ಯಾಬ್ ವ್ಯವಸ್ಥೆ ಬೇಕು ಎಂದು ನೀವು ಕೇಳಬಹುದು. ಈ ಹಿಂದೆ ರಾತ್ರಿ ಪಾಳಿಯಲ್ಲಿ ಕೆಲಸ ಮಾಡಿದ ಅನುಭವ ಇದ್ದರೆ ಇಲ್ಲಿ ಉಲ್ಲೇಖಿಸಬಹುದು.

ಇನ್ನು ನೈಟ್ ಶಿಫ್ಟ್ ಮಾಡಲು ನಿಮಗೆ ಇಷ್ಟವಿಲ್ಲದಿದ್ದರೆ, ಮಾಡಲ್ಲ ಎಂದು ನೇರವಾಗಿ ಹೇಳಬೇಡಿ. ರಾತ್ರಿ ಪಾಳಿಯಿಂದ ಕುಟುಂಬಕ್ಕೆ ಹೆಚ್ಚಿನ ಸಮಯ ನೀಡಲು ಸಾಧ್ಯವಾಗಲ್ಲ. ಬೆಳಗಿನ ಶಿಫ್ಟ್ ನಲ್ಲಿ ನಾನು ಹೆಚ್ಚು ಪರಿಣಾಮಾತ್ಮವಾಗಿ ಕೆಲಸ ಮಾಡಬಹುದು ಎಂದು ಅನಿಸುತ್ತೆ ಎನ್ನಬಹುದು.

ನೈಟ್ ಶಿಫ್ಟ್ ಮಾಡಲು ಅಥವಾ ಮಾಡದೇ ಇರಲು ನಿಮಗೆ ಯಾವ ತೊಂದರೆಯೂ ಇಲ್ಲದಿದ್ದರೆ. ನಿಮಗೆ ಈ ಕೆಲಸದ ಅವಶ್ಯಕತೆ ಇದ್ದರೆ ಈ ರೀತಿ ಉತ್ತರಿಸಿ. ನೈಟ್ ಶಿಫ್ಟ್ ಮಾಡೋದೇ ಇಲ್ಲ ಎಂದು ಹೇಳಲ್ಲ. ತಿಂಗಳಲ್ಲಿ ಒಂದು ವಾರ ಮಾಡಲು ನನಗೆ ಯಾವುದೇ ತೊಂದರೆ ಇಲ್ಲ. (ಪ್ರಾತಿನಿಧಿಕ ಚಿತ್ರ)

ಆದರೆ ನಾನು ಬೆಳಗಿನ ಶಿಫ್ಟ್ ನಲ್ಲಿ ಕೆಲಸ ಮಾಡಲು ಹೆಚ್ಚು ಆಸಕ್ತಿಯನ್ನು ಹೊಂದಿದ್ದೇನೆ. ಅನುಕೂಲಕ್ಕೆ ತಕ್ಕಂತೆ ಶಿಫ್ಟ್ ರೊಟೇಷನ್ ಇದ್ದರೆ ನನಗೆ ನೈಟ್ ಶಿಫ್ಟ್ ಮಾಡಲು ಯಾವುದೇ ತೊಂದರೆ ಇಲ್ಲ ಎಂದು ಉತ್ತರಿಸುವುದು ಸೂಕ್ತ ಎನಿಸುತ್ತೆ.