Career Tips: ಕಂಪನಿ ನಿಮಗೆ ಯಾವ ಆಧಾರದ ಮೇಲೆ ಪ್ರೊಮೋಷನ್, ಸ್ಯಾಲರಿ ಹೈಕ್ ನೀಡುತ್ತೆ ಗೊತ್ತೇ?

ಕಂಪನಿಯ ಬೆಳವಣಿಗೆಯ ಆಧಾರದ ಮೇಲೆ, ಉದ್ಯೋಗಿಯ ಬೆಳವಣಿಗೆಯನ್ನು ಸಹ ಪರಿಶೀಲಿಸಲಾಗುತ್ತದೆ. ನಿಮ್ಮ ಅಭ್ಯಾಸಗಳಲ್ಲಿ ಕೆಲವು ಬದಲಾವಣೆಗಳನ್ನು ಮಾಡುವ ಮೂಲಕ ಪ್ರೊಮೋಷನ್ ಪಡೆಯುವುದು ಸುಲಭವಾಗುತ್ತದೆ.

ಕಚೇರಿಯಲ್ಲಿ ನಿಮ್ಮ ತಂಡದೊಂದಿಗೆ ಸೌಹಾರ್ದಯುತ ಸಂಬಂಧವನ್ನು ಇಟ್ಟುಕೊಳ್ಳುವುದು ಅವಶ್ಯಕ. ಪ್ರತಿ ಕಂಪನಿಯು ಮೌಲ್ಯಮಾಪನಕ್ಕೆ ಸಂಬಂಧಿಸಿದಂತೆ ವಿಭಿನ್ನ ನಿಯಮಗಳನ್ನು ಹೊಂದಿದ್ದರೂ, ಎಲ್ಲಾ ಉದ್ಯೋಗಿಗಳನ್ನು ಕೆಲವು ಸಾಮಾನ್ಯ ಅಂಶಗಳ ಮೇಲೆ ಅಳೆಯಲಾಗುತ್ತದೆ. ಕಂಪನಿಯಲ್ಲಿನ ಪ್ರೊಮೋಷನ್ ಮಾರ್ಗಗಳನ್ನು ತಿಳಿಯಿರಿ.

ನೀವು ಎಂಥಹ ಉದ್ಯೋಗಿ: ಬಡ್ತಿ ನೀಡಲು ಉದ್ಯೋಗಿಯೊಬ್ಬರ ವರ್ತನೆ ಬಹಳ ಮುಖ್ಯ. ನಿಮ್ಮ ತಂಡ ಮತ್ತು ಕಚೇರಿಯಲ್ಲಿರುವ ಇತರ ಜನರೊಂದಿಗೆ ನಿಮ್ಮ ನಡವಳಿಕೆಯನ್ನು ಧನಾತ್ಮಕವಾಗಿ ಇರಿಸಿಕೊಳ್ಳುವುದು ದೊಡ್ಡ ಪಾತ್ರವನ್ನು ನಿರ್ವಹಿಸುತ್ತದೆ.

ಕಷ್ಟದ ಪರಿಸ್ಥಿತಿಯಲ್ಲೂ ಪಾಸಿಟಿವ್ ಮನಸ್ಥಿತಿಯನ್ನು ಹೊಂದಿರುವ ಉದ್ಯೋಗಿಗಳನ್ನು ಖಂಡಿತವಾಗಿಯೂ ಪ್ರಮೋಷನ್ ಲಿಸ್ಟ್ ನಲ್ಲಿ ಅಗ್ರಸ್ಥಾನದಲ್ಲಿ ಇರಿಸಲಾಗುತ್ತದೆ. (ಪ್ರಾತಿನಿಧಿಕ ಚಿತ್ರ)

ಗುರಿಗಳನ್ನು ಪೂರೈಸಬೇಕು: ಕೆಲಸ ಮಾಡುವಾಗ ನಿಮ್ಮ ಗುರಿಗಳನ್ನು ಹೊಂದಿಸುವುದು ಬಹಳ ಮುಖ್ಯ. ಪ್ರತಿಯೊಬ್ಬರೂ ಕೆಲವು ಅಲ್ಪಾವಧಿ ಮತ್ತು ದೀರ್ಘಾವಧಿ ಗುರಿಗಳನ್ನು ಸೆಟ್ ಮಾಡಬೇಕು. ಗುರಿಗಳನ್ನು ವಿಭಜಿಸುವ ಮೂಲಕ, ಅವುಗಳ ಮೇಲೆ ಕೆಲಸ ಮಾಡುವುದು ಸುಲಭವಾಗುತ್ತದೆ. (ಪ್ರಾತಿನಿಧಿಕ ಚಿತ್ರ)

ನಿಮ್ಮ ಕೆಲಸಕ್ಕಾಗಿ ಹೊಸತನ್ನು ಕಲಿಯಬೇಕು: ಹೊಸದನ್ನು ಕಲಿಯಲು ವಯಸ್ಸಿನ ಮಿತಿ ಇಲ್ಲ. ವಯಸ್ಸಿನ ಅಥವಾ ಉದ್ಯೋಗ ಮಾದರಿಯ ಯಾವುದೇ ನಿರ್ಬಂಧವಿಲ್ಲ. ಕಚೇರಿಯಲ್ಲಿ ಕೆಲಸ ಮಾಡುವಾಗ ನಿಮ್ಮ ಕೌಶಲ್ಯಗಳನ್ನು ಹೆಚ್ಚಿಸುವತ್ತ ಗಮನಹರಿಸಿ. ಆಗ ಕಂಪನಿಯ ಅತ್ಯುತ್ತಮ ಸ್ವತ್ತುಗಳಲ್ಲಿ ನಿಮ್ಮನ್ನು ಪರಿಗಣಿಸಲಾಗುವುದು. (ಪ್ರಾತಿನಿಧಿಕ ಚಿತ್ರ)

ನಿಮ್ಮ ಸಂವಹನ ಕೌಶಲ್ಯಗಳು ಹೇಗಿವೆ?: ಯಾವುದೇ ಉದ್ಯೋಗವಾಗಲಿ ಸಂವಹನ ಕೌಶಲ್ಯಗಳು ಬಹಳ ಮುಖ್ಯ. ನಿಮ್ಮ ತಂಡ ಅಥವಾ ಕಚೇರಿಯಲ್ಲಿರುವ ಇತರ ಜನರೊಂದಿಗೆ ನಿಮ್ಮ ನಡವಳಿಕೆಯನ್ನು ಸಾಮಾನ್ಯವಾಗಿರಿಸಿ. ಎಲ್ಲರನ್ನೂ ಚೆನ್ನಾಗಿ ನೋಡಿಕೊಳ್ಳಿ. ಸಂವಹನ ಕೌಶಲ್ಯಗಳು ವ್ಯಕ್ತಿತ್ವದ ಪ್ರಮುಖ ಭಾಗವಾಗಿದೆ.