Holidays 2023: ಕರ್ನಾಟಕದ ಉದ್ಯೋಗಿಗಳಿಗೆ 2023ರಲ್ಲಿ ಯಾವ ತಿಂಗಳಲ್ಲಿ ಎಷ್ಟು ರಜೆಗಳು ಸಿಗುತ್ತೆ- ಇಲ್ಲಿದೆ ಮಾಹಿತಿ

ಜನವರಿ: ವರ್ಷದ ಮೊದಲ ತಿಂಗಳಲ್ಲಿ ಬರುವ ಮೊದಲ ಹಬ್ಬ ಮಕರ ಸಂಕ್ರಾಂತಿ 15ನೇ ತಾರೀಕು ಭಾನುವಾರ ಬಂದಿರುವುದರಿಂದ ಅಂದು ವಾರದ ರಜೆಯೇ ಆಗಿದೆ. ಹಾಗಾಂತ ನಿರಾಸೆಯಾಗುವುದು ಬೇಡ. ಜನವರಿ 26, ಗುರುವಾರದಂದು ಗಣರಾಜ್ಯೋತ್ಸವದ ಅಂಗವಾಗಿ ಸಾರ್ವಜನಿಕ ರಜೆ ಇರಲಿದೆ.

ಫೆಬ್ರವರಿ: ವರ್ಷದ 2ನೇ ತಿಂಗಳಲ್ಲಿ 18ನೇ ತಾರೀಖು, ಶನಿವಾರದಂದು ಮಹಾಶಿವರಾತ್ರಿ ಹಬ್ಬದ ಪ್ರಮುಕ್ತ ರಜೆ ಇರಲಿದೆ. ಮಾರ್ಚ್: 3ನೇ ತಿಂಗಳಲ್ಲಿ ಉದ್ಯೋಗಿಗಳಿಗೆ ಒಟ್ಟು 3 ರಜೆಗಳು ಸಿಗಲಿವೆ. ಮಾರ್ಚ್ 8-ಬುಧವಾರ ಹೋಳಿ ಹಬ್ಬ, 22ನೇ ತಾರೀಖು ಬುಧವಾರ ಯುಗಾದಿ ಹಬ್ಬದ ಹಾಗೂ 30ರಂದು ಗುರುವಾರ ಶ್ರೀರಾಮ ನವಮಿಯ ಹಿನ್ನೆಲೆ ರಜೆ ಸಿಗುತ್ತದೆ.

ಏಪ್ರಿಲ್: ಈ ತಿಂಗಳಲ್ಲಿ 2 ದಿನಗಳ ಕಾಲ ರಜೆ ಸಿಗಲಿದೆ. ಏ.3 ಸೋಮವಾರದಂದು ಮಹಾವೀರ ಜಯಂತಿ ಹಾಗೂ ಏ.7 ಶುಕ್ರವಾರ ಗುಡ್ ಫ್ರೈಡೇಯಂದು ರಜೆ ಸಿಗಲಿದೆ.

ಮೇ: ಮೇ ತಿಂಗಳಲ್ಲಿ 2 ರಜೆಗಳು ತಿಂಗಳಿವೆ. 1ನೇ ತಾರೀಖಿ ಸೋಮವಾರದಂದು ಮೇ ಡೇ, ಮೇ 5 ಶುಕ್ರವಾರ ಬುದ್ಧಪೂರ್ಣಿಮಾ ಅಂಗವಾಗಿ ರಜೆ ಇರಲಿದೆ.

ಜೂನ್: ಈ ತಿಂಗಳು 29ನೇ ತಾರೀಖು ಗುರುವಾರ ಬಕ್ರಿದ್ ಗೆ ರಜೆ. ಜುಲೈ: 29 ಶನಿವಾರ ಮೊಹರಂ ಪ್ರಯುಕ್ತ ರಜೆ. ಆಗಸ್ಟ್: 15ನೇ ತಾರೀಖು ಸ್ವಾತಂತ್ರ್ಯ ದಿನ ರಜೆ ಹಾಗೂ 25 ಶುಕ್ರವಾರದಂದು ವರಮಹಾಲಕ್ಷ್ಮಿ ಹಬ್ಬಕ್ಕೆ ರಜೆ ತೆಗೆದುಕೊಳ್ಳಬಹುದು.

ಸೆಪ್ಟೆಂಬರ್: ಈ ತಿಂಗಳಲ್ಲಿ 2 ರಜೆಗಳಿವೆ. 6ನೇ ತಾರೀಖು ಬುಧವಾರ ಶ್ರೀಕೃಷ್ಣ ಜನ್ಮಾಷ್ಟಮಿ, 28ನೇ ತಾರೀಖು ಗುರುವಾರ ಈದ್ ಮಿಲಾದ್ ಗೆ ರಜೆ ಸಿಗಲಿದೆ.

ಅಕ್ಟೋಬರ್: ಈ ತಿಂಗಳಲ್ಲಿ ಬರೋಬ್ಬರಿ 4 ದಿನಗಳು ರಜೆಗಳನ್ನು ತೆಗೆದುಕೊಳ್ಳಬಹುದು. 2ನೇ ತಾರೀಖು ಸೋಮವಾರ ಗಾಂಧಿ ಜಯಂತಿ, 14 ಶನಿವಾರ ಮಹಾಲಯ ಅಮಾವಾಸ್ಯೆ, 23 ಸೋಮವಾರ ಆಯುಧ ಪೂಜೆ ಹಾಗೂ 24 ಮಂಗಳವಾರ ವಿಜಯದಶಮಿಗೆ ರಜೆ ಇರಲಿದೆ.

ನವೆಂಬರ್: ಈ ತಿಂಗಳಲ್ಲೂ 4 ದಿನಗಳ ರಜೆ ಇದೆ. 1ನೇ ತಾರೀಖು ಬುಧವಾರದಂತೆ ಕನ್ನಡ ರಾಜ್ಯೋತ್ಸವ, 12 ಭಾನುವಾರ ನರಕ ಚತುರ್ದಶಿ, 14 ಮಂಗಳವಾರ ಬಲಿಪಾಡ್ಯಮಿ ಹಾಗೂ 30 ಗುರುವಾರ ಕನಕ ಜಯಂತಿ ಇರಲಿದೆ. ಡಿಸೆಂಬರ್: ಕೊನೆ ತಿಂಗಳು ಕ್ರಿಸ್ಮಸ್ ಅಂಗವಾಗಿ 25ನೇ ತಾರೀಖು ರಜೆ ಇರಲಿದೆ.

ಗಮನಿಸಿ: ರಾಜ್ಯದ ಉದ್ಯೋಗಿಗಳೇ ಕೆಲ ಸಾರ್ವಜನಿಕ ರಜೆಗಳನ್ನು ಯಾವುದೇ ಕಂಪನಿಯಾಗಲಿ ಕೊಡಲೇಬೇಕು. ಆದರೆ ಸ್ಥಳೀಯ ಹಬ್ಬಗಳಿಗೆ ಕೆಲವೊಂದು ಸಂಸ್ಥೆಗಳು ರಜೆ ಕೊಡುವುದಿಲ್ಲ. ಹೀಗಾಗಿ ನಿಮ್ಮ ಕಂಪನಿಯಿಂದ ಈ ಬಗ್ಗೆ ಮಾಹಿತಿ ಪಡೆಯಿರಿ.