Career Tips: ದೊಡ್ಡ ಸಂಬಳದ ಈ ಉದ್ಯೋಗಗಳಿಗೆ ಡಿಗ್ರಿ ಓದಿರಬೇಕಾದ ಅಗತ್ಯವೇ ಇಲ್ಲ; ಭರ್ಜರಿ ಅವಕಾಶ

ಯಾವುದೋ ಕಾರಣದಿಂದ ನೀವು ಕಾಲೇಜು ಪದವಿ ಪಡೆಯಲು ಸಾಧ್ಯವಾಗದಿದ್ದರೆ, ಇನ್ನು ಮುಂದೆ ಚಿಂತಿಸುವ ಅಗತ್ಯವಿಲ್ಲ. ಕೆಲವು ಕ್ಷೇತ್ರಗಳಲ್ಲಿ ಪದವಿ ಇಲ್ಲದೆಯೂ ಉತ್ತಮ ಉದ್ಯೋಗವನ್ನು ಪಡೆಯಬಹುದು. ನೀವು ಬಯಸಿದರೆ ಈ ಉದ್ಯೋಗಗಳಿಗಾಗಿ ಕೆಲವು ತಿಂಗಳುಗಳ ಕಾಲ ಕ್ರ್ಯಾಶ್ ಕೋರ್ಸ್ ಮಾಡಬಹುದು. (ಪ್ರಾತಿನಿಧಿಕ ಚಿತ್ರ)

ಈ ವೃತ್ತಿಗಳಲ್ಲಿ ಅನುಭವ ಮತ್ತು ಕೌಶಲ್ಯಗಳ ಆಧಾರದ ಮೇಲೆ ನಿಮ್ಮ ಸಂಬಳ ಹೆಚ್ಚಾಗುತ್ತದೆ. ನೀವು ಸ್ವತಂತ್ರವಾಗಿ ಕೂಡ ಕೆಲಸ ಮಾಡಬಹುದು ಅಥವಾ ನಿಮ್ಮ ಸ್ವಂತ ಕಂಪನಿಯನ್ನು ಹೊಂದಬಹುದು.

Event Management Jobs: ಈ ಉದ್ಯೋಗದ ಟ್ರೆಂಡ್ ಸದ್ಯಕ್ಕೆ ಕಡಿಮೆಯಾಗುವಂತೆ ಕಾಣುತ್ತಿಲ್ಲ. ಕೆಲಸ ಮಾಡುವ ವೃತ್ತಿಪರರು ತಮ್ಮ ಎಲ್ಲಾ ಕಾರ್ಯಕ್ರಮಗಳ ಜವಾಬ್ದಾರಿಯನ್ನು ಈವೆಂಟ್ ಯೋಜಕರಿಗೆ ಬಿಟ್ಟು ನಿಶ್ಚಿಂತೆಯಿಂದ ಇರುತ್ತಾರೆ. ನಿಮ್ಮ ಆಸಕ್ತಿ ಮತ್ತು ಕೌಶಲ್ಯಗಳ ಪ್ರಕಾರ ಹುಟ್ಟುಹಬ್ಬ, ಮದುವೆ, ಕಾರ್ಪೊರೇಟ್ ಈವೆಂಟ್ ಗಳು ಇತ್ಯಾದಿಗಳ ನಿರ್ವಹಣೆ ಜವಾಬ್ದಾರಿಯನ್ನು ಹೊರಬಹುದು.

Social Media Planners: ಇದು ಸಾಮಾಜಿಕ ಜಾಲತಾಣಗಳ ಯುಗ. ಈಗ ನಿಮ್ಮ ವ್ಯಾಪಾರ ಒಂದು ಬ್ರ್ಯಾಂಡ್ ಆಗಬೇಕು ಎಂದರೆ ಸಾಮಾಜಿಕ ಮಾಧ್ಯಮ ಯೋಜಕ ಅಥವಾ ವ್ಯವಸ್ಥಾಪಕರ ಅಗತ್ಯವಿದೆ. ಇದಕ್ಕಾಗಿ ನೀವು ಎಡಿಟಿಂಗ್ ಸಾಫ್ಟ್ವೇರ್, ತಾಂತ್ರಿಕ ಕೌಶಲ್ಯ, ಟ್ರೆಂಡಿಂಗ್ ವಿಷಯಗಳ ಜ್ಞಾನವನ್ನು ಹೊಂದಿರಬೇಕು.

Modeling Agency: ನಿಮ್ಮ ವ್ಯಕ್ತಿತ್ವವು ಮಾಡೆಲ್ ಆಗಲು ಯೋಗ್ಯವಾಗಿದ್ದರೆ, ನೀವು ಈ ಗ್ಲಾಮರಸ್ ಕ್ಷೇತ್ರದಲ್ಲಿಯೂ ವೃತ್ತಿಯನ್ನು ಮಾಡಬಹುದು. ಇದಕ್ಕಾಗಿ, ನಿಮ್ಮ ಸೌಂದರ್ಯ, ಸಂವಹನ ಕೌಶಲ್ಯಗಳ ಬಗ್ಗೆ ಗಮನಹರಿಸಿ. ವ್ಯಕ್ತಿತ್ವ ವಿಕಸನದಲ್ಲಿ ಕ್ರ್ಯಾಶ್ ಕೋರ್ಸ್ ಮಾಡುವ ಮೂಲಕ ನೀವು ಮಾಡೆಲಿಂಗ್ ಏಜೆನ್ಸಿಗೆ ಸೇರಬಹುದು.

Bartender Skills: ದೇಶದ ಮೆಟ್ರೋಪಾಲಿಟನ್ ನಗರಗಳಲ್ಲಿ ಬಾರ್ ಗಳಿಗೆ ಕೊರತೆ ಇಲ್ಲ. ಇಲ್ಲಿ ದೊಡ್ಡ ಮಟ್ಟದಲ್ಲಿ ನೇಮಕಾತಿ ಮುಂದುವರಿದಿದೆ. ನೀವು ಉತ್ತಮ ಸಂವಹನ ಕೌಶಲ್ಯವನ್ನು ಹೊಂದಿದ್ದರೆ, ಮಿಶ್ರಣಶಾಸ್ತ್ರ ಅಂದರೆ ಪಾನೀಯಗಳನ್ನು ಹೇಗೆ ತಯಾರಿಸಬೇಕೆಂದು ತಿಳಿದಿದ್ದರೆ, ಸ್ನೇಹಪರ ನಡವಳಿಕೆಯನ್ನು ಹೊಂದಿದ್ದರೆ, ಟೀಮ್ ವರ್ಕ್ ನಲ್ಲಿ ನಂಬಿಕೆ ಇದ್ದರೆ ಮತ್ತು ಯಾವುದೇ ಪರಿಸ್ಥಿತಿಯಲ್ಲಿ ತಾಳ್ಮೆಯಿಂದಿರುವುದು ಹೇಗೆ ಎಂದು ತಿಳಿದಿದ್ದರೆ ಈ ಕೆಲಸವನ್ನು ನೀವು ಚೆನ್ನಾಗಿ ಮಾಡಬಹುದು

Travel Consultant Jobs: ಒಬ್ಬ ವ್ಯಕ್ತಿಯ ಮಾರಾಟ ಕೌಶಲ್ಯಗಳು ಉತ್ತಮವಾಗಿದ್ದರೆ, ಅವನು ಯಾವುದೇ ವಲಯದಲ್ಲಿ ವೃತ್ತಿಜೀವನವನ್ನು ಮಾಡಬಹುದು. ಜನರು ಪ್ರಯಾಣಿಸಲು ತುಂಬಾ ಇಷ್ಟಪಡುತ್ತಾರೆ ಆದರೆ ಪ್ರತಿಯೊಬ್ಬರೂ ತಮ್ಮ ಪ್ರವಾಸವನ್ನು ಯೋಜಿಸಲು ಸಾಧ್ಯವಿಲ್ಲ. ಅಂತಹ ಪರಿಸ್ಥಿತಿಯಲ್ಲಿ ನಿಮ್ಮ ನಿರ್ವಹಣೆ ಮತ್ತು ಸಂವಹನ ಕೌಶಲ್ಯ ಮತ್ತು ಬಲವಾದ ನೆಟ್ ವರ್ಕ್ ಮೂಲಕ ಅವರಿಗೆ ಸಹಾಯ ಮಾಡಿ ಕಮಿಷನ್ ಪಡೆಯಬಹುದು.