First Woman Agniveer: ಮೊದಲ ಮಹಿಳಾ ಅಗ್ನಿವೀರ್ ಆದ ಕ್ಯಾನ್ಸರ್ ಪೀಡಿತ ಆಟೋ ಚಾಲಕನ ಮಗಳು

ಛತ್ತೀಸ್ ಗಢದ ದುರ್ಗದ ನಿವಾಸಿ ಹಿಶಾ ಬಾಘೇಲ್ ಮೊದಲ ಮಹಿಳೆ ಅಗ್ನಿವೀರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಹಿಶಾ ಬಾಘೆಲ್ ಪ್ರಸ್ತುತ ಒಡಿಶಾದ ಚಿಲ್ಕಾದಲ್ಲಿ ತರಬೇತಿ ಪಡೆಯುತ್ತಿದ್ದಾರೆ. ತರಬೇತಿ ಪೂರ್ಣಗೊಂಡ ನಂತರ, ಆಕೆಯನ್ನು ಭಾರತೀಯ ನೌಕಾಪಡೆಯಲ್ಲಿ ಅಗ್ನಿವೀರ್ ಆಗಿ ನೇಮಿಸಲಾಗುತ್ತದೆ.

ಅಗ್ನಿಪಥ್ ಯೋಜನೆಯಡಿ ನೌಕಾಪಡೆಯ ಅಗ್ನಿವೀರ್ ಸೀನಿಯರ್ ಸೆಕೆಂಡರಿ ನೇಮಕಾತಿ (SSR) ನೇಮಕಾತಿ 2023 ರಲ್ಲಿ ಹಿಶಾ ಬಾಘೆಲ್ ಭಾಗವಹಿಸಿದ್ದರು. ದುರ್ಗ್ ಜಿಲ್ಲೆಯ ಬೋರಿಗರ್ಕಾ ಗ್ರಾಮದ ನಿವಾಸಿ ಹಿಸಾ ಬಘೇಲ್ ಅವರ ತಂದೆ ಆಟೋ ಓಡಿಸುತ್ತಿದ್ದರು. (ಸಾಂದರ್ಭಿಕ ಚಿತ್ರ)

ಆಟೋ ಚಾಲಕರಾಗಿರುವ ತಂದೆ 12 ವರ್ಷಗಳಿಂದ ಕ್ಯಾನ್ಸರ್ ವಿರುದ್ಧ ಹೋರಾಡುತ್ತಿದ್ದಾರೆ. ಆತನ ಚಿಕಿತ್ಸೆಗಾಗಿ ಆಟೋ ರಿಕ್ಷಾ ಹಾಗೂ ಜಮೀನನ್ನೂ ಮಾರಾಟ ಮಾಡಲಾಗಿದೆ. ಇಷ್ಟೆಲ್ಲಾ ಆದರೂ ಪೋಷಕರು ತಮ್ಮ ಮಕ್ಕಳಿಗೆ ವಿದ್ಯಾಭ್ಯಾಸ ಕೊಡಿಸಿದ್ದಾರೆ.

ಇನ್ನು ಹಿಶಾ ಬಾಘೆಲ್ ಎನ್ ಸಿಸಿ ಮಾಡಿದ್ದಾರೆ. ಹಿಶಾ ಬೆಳಗ್ಗೆ 4 ಗಂಟೆಗೆ ಎದ್ದು ಓಡುತ್ತಿದ್ದರಂತೆ. ಸೆಪ್ಟೆಂಬರ್ 2022 ರಲ್ಲಿ, ನೇವಿ ಅಗ್ನಿವೀರ್ SSR ನೇಮಕಾತಿಗೆ ಅರ್ಜಿ ಸಲ್ಲಿಸಿದ್ದರು. ಈಗ ಆಯ್ಕೆಯಾಗುವ ಮೂಲಕ ಸಾಧನೆ ಮಾಡಿದ್ದಾರೆ. (ಸಾಂದರ್ಭಿಕ ಚಿತ್ರ)

ಚಿಲ್ಕಾದಲ್ಲಿ ಮಾರ್ಚ್ 2023 ರವರೆಗೆ ಹಿಶಾ ಬಾಘೆಲ್ ಅವರ ತರಬೇತಿ ಮುಂದುವರಿಯುತ್ತದೆ. ಇದರ ನಂತರ, ಒಬ್ಬರು ಸಂಬಂಧಪಟ್ಟ ಘಟಕದಲ್ಲಿ ವರದಿ ಮಾಡಬೇಕು. ಹೆಚ್ಚಿನ ತರಬೇತಿ ಇರುತ್ತದೆ. ಇದಾದ ನಂತರ ಅಗ್ನಿವೀರ್ ಆಗಿ ಮೂರೂವರೆ ವರ್ಷಗಳ ಕಾಲ ನೌಕಾಪಡೆಯಲ್ಲಿ ನೇಮಕಗೊಳ್ಳಲಿದ್ದಾರೆ. (ಸಾಂದರ್ಭಿಕ ಚಿತ್ರ)

ಹಿಶಾ ಸಾಧನೆಗೆ ಅವರ ಶಾಲಾ ಶಿಕ್ಷಕಿ ಸಂತಸ ವ್ಯಕ್ತಪಡಿಸಿದ್ದಾರೆ. ತಮ್ಮ ಶಾಲೆಯ ವಿದ್ಯಾರ್ಥಿಯೊಬ್ಬ ಪ್ರಥಮ ಮಹಿಳೆ ಅಗ್ನಿವೀರ್ ಆಗಿ ಆಯ್ಕೆಯಾಗಿರುವುದನ್ನು ನೋಡಿ ಹೆಮ್ಮೆಯಾಗುತ್ತಿದೆ. ಹಿಶಾ ಯಾವಾಗಲೂ ಚುರುಕಿನ ವಿದ್ಯಾರ್ಥಿನಿಯಾಗಿದ್ದರು. ಕ್ರೀಡೆಯಲ್ಲಿ ಮುಂದಿದ್ದಳು ಎಂದು ಹಿಶಾ ಅವರ ಶಿಕ್ಷಕಿ ಖುಷಿ ಹಂಚಿಕೊಂಡಿದ್ದಾರೆ.

ಭಾರತೀಯ ಸಶಸ್ತ್ರ ಪಡೆಗಳಲ್ಲಿ ನೇಮಕಾತಿಗಾಗಿ 2022 ರ ಜೂನ್ 14 ರಂದು ಪ್ರಧಾನಿ ನರೇಂದ್ರ ಮೋದಿ ಅವರ ಅಧ್ಯಕ್ಷತೆಯಲ್ಲಿ ಕೇಂದ್ರ ಸರ್ಕಾರವು ಅಗ್ನಿಪಥ್ ಯೋಜನೆ 2022 ಅನ್ನು ಪ್ರಾರಂಭಿಸಿತು. ಅಗ್ನಿಪಥ್ ಯೋಜನೆಯು ಅರ್ಹ ಮತ್ತು ಯಶಸ್ವಿ ಅಭ್ಯರ್ಥಿಗಳನ್ನು ಭಾರತೀಯ ಸೇನೆ, ಭಾರತೀಯ ನೌಕಾಪಡೆ ಮತ್ತು ಭಾರತೀಯ ವಾಯುಪಡೆಗೆ ಆಯ್ಕೆ ಮಾಡಲಾಗುತ್ತೆ. (ಸಾಂದರ್ಭಿಕ ಚಿತ್ರ)