Success Story: 21 ವರ್ಷಕ್ಕೇ ವಿಮಾನ ಹಾರಿಸಿದ ಮೊದಲ ಭಾರತೀಯ ಮಹಿಳೆ ಈಕೆ; ಸರಳಾ ಅವರ ಅದ್ಧೂರಿ ಸಾಧನೆ

ಭಾರತದಲ್ಲಿ ಮಹಿಳಾ ಪೈಲಟ್ ಗಳ ಶೇಕಡಾವಾರು ಪ್ರಮಾಣವು ವಿಶ್ವದಲ್ಲೇ ಅತಿ ಹೆಚ್ಚು. 1936 ರಲ್ಲಿ, ಭಾರತದ ಮೊದಲ ಮಹಿಳಾ ಪೈಲಟ್ ಸರಳಾ ಥಕ್ರಾಲ್ ಪೈಲಟ್ ವೃತ್ತಿ ಪ್ರಾರಂಭಿಸಿದರು. ಸರಳಾ 1914 ರಲ್ಲಿ ನವದೆಹಲಿಯಲ್ಲಿ ಜನಿಸಿದರು. ಪಿ.ಡಿ. ಶರ್ಮಾ ಭೇಟಿಯಾದ ನಂತರ ಮದುವೆಯಾದರು. 16 ವರ್ಷದ ಸರಳಾ ತನ್ನ ಗಂಡನ ಕುಟುಂಬದೊಂದಿಗೆ ವಾಸಿಸಲು ಲಾಹೋರ್ ಗೆ (ಅಂದಿನ ಅವಿಭಜಿತ ಭಾರತದಲ್ಲಿ) ತೆರಳಿದಳು. ಅವರ ಕುಟುಂಬದಲ್ಲಿ 9 ಪೈಲಟ್ ಗಳಿದ್ದರು.

ಸರಳಾ ಅವರ ಪತಿ ಪಿ.ಡಿ. ಶರ್ಮಾ ನುರಿತ ಪೈಲಟ್ ಆಗಿದ್ದರು. ಏರ್ ಮೇಲ್ ಪೈಲಟ್ ಪರವಾನಗಿ ಪಡೆದ ಮೊದಲ ಭಾರತೀಯ ವ್ಯಕ್ತಿ ಅವರಯ. ಪತಿ ಮತ್ತು ಮಾವ ಇಬ್ಬರೂ ಸರಳಾಳನ್ನು ಪೈಲಟ್ ವೃತ್ತಿಯನ್ನು ಮುಂದುವರಿಸಲು ಪ್ರೋತ್ಸಾಹಿಸಿದರು. ಮಾವ ಸರಳಾಳನ್ನು ಲಾಹೋರ್ ಫ್ಲೈಯಿಂಗ್ ಕ್ಲಬ್ ಗೆ ಸೇರಿಸಿದರು. 1914 ರಲ್ಲಿ ಜನಿಸಿದ ಸರಳಾ ಥಕ್ರಾಲ್ ಅವರು ತಮ್ಮ 21 ನೇ ವಯಸ್ಸಿನಲ್ಲಿ 1936 ರಲ್ಲಿ ತಮ್ಮ ವಾಯುಯಾನ ಪೈಲಟ್ ಪರವಾನಗಿಯನ್ನು ಪಡೆದರು. ಜಿಪ್ಸಿ ಮಾತ್ ಅನ್ನು ಏಕಾಂಗಿಯಾಗಿ ಹಾರಿಸಿದರು. (ಸಾಂದರ್ಭಿಕ ಚಿತ್ರ)

ಆರಂಭಿಕ ಪರವಾನಗಿಯನ್ನು ಪಡೆದ ನಂತರ, ಅವರು ಲಾಹೋರ್ ಫ್ಲೈಯಿಂಗ್ ಕ್ಲಬ್ ಒಡೆತನದ ವಿಮಾನದಲ್ಲಿ ಸಾವಿರ ಗಂಟೆಗಳ ಹಾರಾಟವನ್ನು ಪೂರ್ಣಗೊಳಿಸಿದರು. ಸರಳಾ ಅವರ ಪತಿ ಪಿ.ಡಿ. ಶರ್ಮಾ ಅವರು ಕರಾಚಿ ಮತ್ತು ಲಾಹೋರ್ ನಡುವೆ ಹಾರುವ ಏರ್ ಮೇಲ್ ಪೈಲಟ್ ಪರವಾನಗಿಯನ್ನು ಪಡೆದ ಮೊದಲ ಭಾರತೀಯರಾಗಿದ್ದಾರೆ.

ಸರಳಾ ಸೀರೆಯಲ್ಲಿ ಅವಳಿ ರೆಕ್ಕೆಯ ಜಿಪ್ಸಿ ಮಾತ್ ನ ಕಾಕ್ ಪಿಟ್ ಗೆ ಕಾಲಿಟ್ಟರು. ವಿಮಾನವನ್ನು ಹಾರಿಸಿದ ಮೊದಲ ಭಾರತೀಯ ಮಹಿಳೆ ಎಂಬ ಇತಿಹಾಸವನ್ನು ಸೃಷ್ಟಿಸಿದರು. ಆಗ ಆಕೆಗೆ 21 ವರ್ಷ ಮತ್ತು ನಾಲ್ಕು ವರ್ಷದ ಮಗಳೂ ಇದ್ದಳು. ಸರಳಾ ಥಕ್ರಾಲ್ ತನ್ನ ಕೆಲಸವನ್ನು ಎಷ್ಟು ಶ್ರದ್ಧೆಯಿಂದ ಮಾಡಿದರು ಎಂದರೆ ಕೇವಲ ಎಂಟು ಗಂಟೆ ಹತ್ತು ನಿಮಿಷಗಳ ತರಬೇತಿಯ ನಂತರ ಬೋಧಕರು ಆಕೆ ಏಕಾಂಗಿ ಹಾರಾಟಕ್ಕೆ ಸಿದ್ಧ ಎಂದು ಪರಿಗಣಿಸಿದರು.

ಅಗತ್ಯವಿರುವ 1000 ಗಂಟೆಗಳ ಹಾರಾಟವನ್ನು ಪೂರ್ಣಗೊಳಿಸಿದ ನಂತರ, ಸರಳಾ ಅವರು 'ಎ' ಪರವಾನಗಿಯನ್ನು ಪಡೆದ ಮೊದಲ ಭಾರತೀಯ ಮಹಿಳೆಯಾಗಿದ್ದಾರೆ. 'ಎ' ಲೈಸನ್ಸ್ ತೆಗೆದುಕೊಂಡ ನಂತರ 'ಬಿ' ಲೈಸನ್ಸ್ ತೆಗೆದುಕೊಳ್ಳುವತ್ತ ಸಾಗಿದರು. ವಾಣಿಜ್ಯ ವಿಮಾನಗಳನ್ನು ಹಾರಿಸಲು 'ಬಿ' ಪರವಾನಗಿ ಅನುಮತಿಸುತ್ತದೆ. ಆದರೆ ಜೀವನ ಅವರಿಗೆ ಬೇರೆಯದನ್ನು ನಿರ್ಧರಿಸಿತ್ತು.

1939 ರಲ್ಲಿ ಜೋಧಪುರದಲ್ಲಿ ತರಬೇತಿ ಸಮಯದಲ್ಲಿ, ಅವರ ಪತಿ ಅಪಘಾತದಲ್ಲಿ ನಿಧನರಾದರು. ಸರಳಾ ಅವರು 24 ನೇ ವಯಸ್ಸಿನಲ್ಲಿ ವಿಧವೆಯಾದರು. ಆ ಸಮಯದಲ್ಲಿ ಅವರು ವಾಣಿಜ್ಯ ಪೈಲಟ್ ಆಗುವ ಆಸೆಯನ್ನು ತೊರೆದರು. ಸರಳಾ ಪತಿಯ ಅಗಲಿಕೆಯ ನೋವಿನಿಂದ ಹೊರ ಬರಲು ಸ್ವಲ್ಪ ಸಮಯ ತೆಗೆದುಕೊಂಡರು.

ಅಂತಿಮವಾಗಿ, ಅವರು ತಮ್ಮ ಹಾದಿಯಲ್ಲಿ ಕೆಲಸ ಮಾಡುವುದನ್ನು ಮುಂದುವರಿಸಲು ನಿರ್ಧರಿಸಿದಳು. ವಾಣಿಜ್ಯ ಪೈಲಟ್ ಲೈಸೆನ್ಸ್ ಗಾಗಿ ತರಬೇತಿ ಪಡೆಯಲು ಜೋಧ್ ಪುರಕ್ಕೆ ತೆರಳಿದ್ದಳು. ನಂತರ ಲಾಹೋರ್ಗೆ ಮರಳಿದಳು. ಮೇಯೊ ಸ್ಕೂಲ್ ಆಫ್ ಆರ್ಟ್ಸ್ ಗೆ ಸೇರಲು ಫೈನ್ ಆರ್ಟ್ಸ್ ನಲ್ಲಿ ಡಿಪ್ಲೊಮಾ ಪಡೆದರು.

ದೇಶ ವಿಭಜನೆಯ ನಂತರ ಆಕೆ ತನ್ನ ಇಬ್ಬರು ಹೆಣ್ಣು ಮಕ್ಕಳೊಂದಿಗೆ ದೆಹಲಿಗೆ ಬಂದರು. ಅವರು ದೆಹಲಿಯಲ್ಲಿ ಆರ್ಪಿ ಥಕ್ರಾಲ್ ಅವರನ್ನು ಭೇಟಿಯಾದರು, ಅವರು 1948 ರಲ್ಲಿ ವಿವಾಹವಾದರು. ನಂತರ ಯಶಸ್ವಿ ವಿನ್ಯಾಸಕಿಯಾದರು. ಆಭರಣಗಳನ್ನು, ಸೀರೆಗಳನ್ನು ವಿನ್ಯಾಸಗೊಳಿಸಿದರು. ಆಕೆ ನುರಿತ ಚಿತ್ರಗಾರ್ತಿಯೂ ಆಗಿದ್ದರು.

ತಮ್ಮ 90 ರ ಹರೆಯದಲ್ಲೂ ಫಿಟ್ & ಫೈನ್ ಆಗಿದ್ದ ಸರಳಾ ಅವರಯ 2008ರಲ್ಲಿ ಕೊನೆಯ ಉಸಿರು ಇರುವವರೆಗೂ ಅನೇಕ ಮಹಿಳೆಯರಿಗೆ ಸ್ಫೂರ್ತಿಯಾಗಿದ್ದರು. ಜಗತ್ತು ಸರಳಾ ಥಕ್ರಾಲ್ ಅವರನ್ನು ವಿಮಾನವನ್ನು ಹಾರಿಸಿದ ಮೊದಲ ಭಾರತೀಯ ಮಹಿಳೆ ಎಂದು ನೆನಪಿಸಿಕೊಳ್ಳುತ್ತದೆ.