Office Environment: ವರ್ಕ್ ಪ್ಲೇಸ್​​ನಲ್ಲಿ ಲವ್ ಮಾಡಬೇಡಿ, ಖಂಡಿತಾ ವರ್ಕೌಟ್ ಆಗಲ್ಲ

ಬಹುತೇಕರು ಕೆಲಸ ಮಾಡುವ ಸ್ಥಳದಲ್ಲೇ ಸಹೋದ್ಯೋಗಿಯನ್ನು ಪ್ರೀತಿಸಿ, ಮದುವೆಯಾಗಿದ್ದಾರೆ. ಇನ್ನು ಕೆಲವು ಪ್ರೇಮಿಗಳು ಒಂದೇ ಕಂಪನಿಗೆ ಸೇರಿಕೊಳ್ಳುತ್ತಾರೆ. ಇದೇನು ದೊಡ್ಡ ತಪ್ಪಲ್ಲ. ಆದರೆ ಪ್ರೇಮಿಗಳು ಕೆಲವೊಂದು ಎಚ್ಚರಿಕೆಗಳನ್ನು ತೆಗೆದುಕೊಳ್ಳಲೇಬೇಕು. (ಸಾಂದರ್ಭಿಕ ಚಿತ್ರ)

ಆಫೀಸ್ ಲೈಫ್ ಹಾಗೂ ಪರ್ಸನಲ್ ಲೈಫ್ ಅನ್ನು ಬೇರೆಬೇರೆಯಾಗಿ ಇಟ್ಟುಕೊಳ್ಳಬೇಕು. ಆದಷ್ಟು ಆಫೀಸ್ ನಲ್ಲಿ ಸಹೋದ್ಯೋಗಿಯೊಂದಿಗೆ ಪ್ರೀತಿಯಲ್ಲಿ ಬೀಳದಿರುವುದು ಒಳ್ಳೆಯದು. ಇದಕ್ಕಾಗಿಯೇ ಇಂಗ್ಲಿಷ್ ನಲ್ಲಿ ಪ್ರಸಿದ್ಧವಾದ ವಾಕ್ಯವೊಂದು ಇದೆ. don't find love in workplace it's not going to work.. ಇದರ ಅರ್ಥ ಕೆಲಸದ ಸ್ಥಳದಲ್ಲಿ ಪ್ರೀತಿ ಮಾಡಬೇಡಿ, ಅದು ಯಶಸ್ವಿಯಾಗಲ್ಲ ಎಂದು. (ಸಾಂದರ್ಭಿಕ ಚಿತ್ರ)

ಕೆಲಸ ಜಾಗದಲ್ಲಿ ಪ್ರೀತಿಗೆ ಬೀಳುವುದು ನಿಮ್ಮ ಕರಿಯರ್ ಮೇಲೆ ಕೆಟ್ಟ ಪರಿಣಾಮ ಬೀರಬಹುದು. ಆಫೀಸ್ ನಲ್ಲಿ ಅನಗತ್ಯವಾಗಿ ಗಾಸಿಪ್ ಗಳು ಸೃಷ್ಟಿಯಾಗುತ್ತೆ. ಕಚೇರಿಯಲ್ಲಿ ನಿಮ್ಮ ಕೆಲಸಕ್ಕಿಂತ, ನಿಮ್ಮ ವೈಯಕ್ತಿಕ ವಿಚಾರಗಳ ಬಗ್ಗೆ ಚರ್ಚೆಗಳು ನಡೆಯುತ್ತವೆ ಎಚ್ಚರ. (ಸಾಂದರ್ಭಿಕ ಚಿತ್ರ)

ಸಹೋದ್ಯೋಗಿ ಪ್ರೇಮಿಯೂ ಆದಾಗ ನಿಷ್ಠುರವಾಗಿ ನಡೆದುಕೊಳ್ಳಲು ಸಾಧ್ಯವಾಗದೇ ಇರಬಹುದು. ಇದು ಬೇರೆ ಉದ್ಯೋಗಿಗಳ ಅಸಮಾಧಾನಕ್ಕೆ ಕಾರಣವಾಗಬಹುದು. ಕೆಲಸದ ನಿರ್ಧಾರಗಳು ಕೆಲವೊಮ್ಮೆ ನಿಮ್ಮ ಸಂಬಂಧವನ್ನು ಕೆಡಿಸಬಹುದು. (ಸಾಂದರ್ಭಿಕ ಚಿತ್ರ)

ನೀವು ಮೇಲಾಧಿಕಾರಿಯಾಗಿದ್ದು, ನಿಮ್ಮ ಪ್ರೇಮಿ ನಿಮ್ಮ ಕೈ ಕೆಳಗೆ ಕೆಲಸ ಮಾಡುತ್ತಿದ್ದರೆ ಅಹಿತಕರ ವಾತಾವರಣ ಸೃಷ್ಟಿಯಾಗಬಹುದು. ನೀವು ಪ್ರಮಾಣಿಕವಾಗಿ ಸ್ಯಾಲರಿ ಹೈಕ್, ಪ್ರಮೋಷನ್ ಕೊಟ್ಟರೂ ವೈಯಕ್ತಿಕ ಕಾರಣಕ್ಕೆ ಕೊಟ್ಟಿದ್ದೀರಿ ಎಂಬ ಅಪಾದನೆ ಬರುತ್ತೆ. (ಸಾಂದರ್ಭಿಕ ಚಿತ್ರ)

ಅಕಸ್ಮಾತ್ ನಿಮ್ಮ ಪ್ರೀತಿ ಮುರಿದು ಬಿದ್ದರೆ. ಆಗ ನಿಮ್ಮ ಮಾಜಿ ಪ್ರೇಮಿ ಪ್ರಸ್ತುತ ನಿಮ್ಮ ಸಹೋದ್ಯೋಗಿಯೇ ಆಗಿರುತ್ತಾರೆ. ಮಾತನಾಡದೇ ಇರುವುದು, ಮಾತನಾಡುವುದು ಎರಡೂ ಕಷ್ಟಕರವಾಗುತ್ತೆ. ವೈಯಕ್ತಿಕ ದ್ವೇಷವನ್ನು ಕೆಲಸದಲ್ಲಿ ತೀರಿಸಿಕೊಳ್ಳಬಹುದು. ಹೀಗಾಗಿ ಆಫೀಸ್ ಲವ್ ಗಳು ನಿಜಕ್ಕೂ ಗರಗಸದಂತೆ ಎಂಬುವುದನ್ನು ಅರಿಯಬೇಕು. (ಸಾಂದರ್ಭಿಕ ಚಿತ್ರ)

ಇದರಾಚೆಗೂ ನೀವು ಸಹೋದ್ಯೋಗಿಯನ್ನು ಪ್ರೀತಿಸುತ್ತಿದ್ದರೆ, ಮದುವೆ ಆಗಬೇಕು ಎಂದು ಕೊಂಡಿದ್ದರೆ ಮುನ್ನಚ್ಚರಿಕೆ ಅಗತ್ಯ. ಆದಷ್ಟು ನಿಮ್ಮ ಪ್ರೇಮದ ವಿಷಯವನ್ನು ಗೌಪ್ಯವಾಗಿಡಿ. ಎಂಗೇಜ್ ಮೆಂಟ್ ಆಗುವವರೆಗೂ ಬಹಿರಂಗವಾಗಿ ಸಂಬಂಧವನ್ನು ತೋರಿಸಿಕೊಳ್ಳದೇ ಇರುವುದೇ ಉತ್ತಮ. (ಸಾಂದರ್ಭಿಕ ಚಿತ್ರ)