Notice Periodನಲ್ಲಿರುವ ಉದ್ಯೋಗಿಗಳು ಈ ಡಾಕ್ಯುಮೆಂಟ್ಸ್ ಅನ್ನು ಕಲೆಕ್ಟ್ ಮಾಡಿಟ್ಟುಕೊಳ್ಳಬೇಕು

ಒಮ್ಮೆ ನೀವು ಆಫೀಸ್ ನಿಂದ ಹೊರ ನಡೆದ ಬಳಿಕ ಅಗತ್ಯದ ಡಾಕ್ಯುಮೆಂಟ್ಸ್ ಕಲೆಕ್ಟ್ ಮಾಡುವುದು ಕಷ್ಟವಾಗುತ್ತೆ. ಏಕೆಂದರೆ ಕಂಪನಿಯ ಅಧಿಕೃತ ಮೇಲ್ ಐಡಿ ಆಕ್ಸೆಸ್ ಇರುವುದಿಲ್ಲ. ನಿಮ್ಮ ವರ್ಕಿಂಗ್ ಲ್ಯಾಪ್ ಟಾಪ್ ಅನ್ನು ಕಂಪನಿಯವರು ವಾಪಸ್ ಪಡೆಯುತ್ತಾರೆ. ಹೀಗಾಗಿ ಮೊದಲೇ ದಾಖಲೆಗಳನ್ನು ಪಡೆದುಕೊಳ್ಳಬೇಕು. (ಸಾಂದರ್ಭಿಕ ಚಿತ್ರ)

1) ಮೊದಲನೆಯದಾಗಿ ಅನುಭವ ಪತ್ರ (Experience Letter) ಹಾಗೂ ನಿರಾಕ್ಷೇಪಣಾ ಪತ್ರವನ್ನು (No Objection Letter) ಕೇಳಿ ಪಡೆದುಕೊಳ್ಳಬೇಕು. ಹೊಸದಾಗಿ ಸೇರುತ್ತಿರುವ ಕಂಪನಿಯವರು ಈ ದಾಖಲೆಗಳನ್ನು ನಿಮ್ಮಿಂದ ಕೇಳುತ್ತಾರೆ. (ಸಾಂದರ್ಭಿಕ ಚಿತ್ರ)

2) ಕೊನೆಯದಾಗಿ ಪಾವತಿಸಿದ 3 ತಿಂಗಳ ಸಂಬಳದ ಸ್ಲಿಪ್ ನ ಪ್ರತಿಯನ್ನು ಕೇಳಿ. ಕಂಪನಿಗೆ ಯಾವುದೇ ವರ್ಜಿನಲ್ ದಾಖಲೆಗಳನ್ನು ಕೊಟ್ಟಿದ್ದರೆ, ವಾಪಸ್ ಪಡೆದುಕೊಳ್ಳುವುದನ್ನು ಮರೆಯಬೇಡಿ. (ಸಾಂದರ್ಭಿಕ ಚಿತ್ರ)

3) ಕಂಪನಿಯು ನಿಮ್ಮ ಆದಾಯ ತೆರಿಗೆ ರಿಟರ್ನ್ ಅನ್ನು ಸಲ್ಲಿಸಿದರೆ, ನಂತರ ಸ್ವೀಕೃತಿಗಳು, ರಿಟರ್ನ್ ಮತ್ತು ಲೆಕ್ಕಾಚಾರಗಳ ಜೆರಾಕ್ಸ್ ತೆಗೆದುಕೊಳ್ಳಿ. ಜೊತೆಗೆ TDS ಕಡಿತ ಪ್ರಮಾಣಪತ್ರಗಳು ಬೇಕು. ಕಳೆದ ವರ್ಷ ಮತ್ತು ಪ್ರಸ್ತುತ ವರ್ಷಕ್ಕೆ ಫಾರ್ಮ್ 16, ಇಲ್ಲಿಯವರೆಗೆ ಕಡಿತಗೊಳಿಸಲಾದ TDS ಕುರಿತು ಕಂಪನಿಯಿಂದ ದಾಖಲೆ ಪಡೆದುಕೊಳ್ಳಿ. ನೆನಪಿಡಿ ಫಾರ್ಮ್ 16 ಎರಡು ವಿಭಾಗಗಳನ್ನು ಒಳಗೊಂಡಿದೆ - ಭಾಗ A ಮತ್ತು ಭಾಗ B - ಎರಡೂ ಬಹಳ ಮುಖ್ಯ. (ಸಾಂದರ್ಭಿಕ ಚಿತ್ರ)

4) ನಿಮ್ಮ ಹಿರಿಯ ಸಹೋದ್ಯೋಗಿಗಳು ಅಥವಾ ಕಂಪನಿಯಿಂದಲೇ ನೀವು ಪ್ರಶಂಸಾಪತ್ರವನ್ನು (Testimonials from) ಕೇಳಬಹುದು. ಸಾಧ್ಯವಾದರೆ, ನಿಮ್ಮ ಕೆಲಸದ ಅವಧಿಯಲ್ಲಿ ನಿಮಗೆ ನೀಡಲಾದ ಪ್ರಶಸ್ತಿಗಳು / ಸರ್ಟಿಫಿಕೇಟ್ ಗಳನ್ನು ಪಡೆಯಿರಿ. (ಸಾಂದರ್ಭಿಕ ಚಿತ್ರ)

5) ನೀವು ಕೆಲಸ ಮಾಡಿದ ಪ್ರಾಜೆಕ್ಟ್ ಗಳು, ನಿಮ್ಮ ತಂಡ, ಅದರಲ್ಲಿ ನಿಮ್ಮ ಪಾತ್ರ, ನೀವು ಅದರಲ್ಲಿ ಕೆಲಸ ಮಾಡಿದ ಅವಧಿ ಇತ್ಯಾದಿಗಳ ಪಟ್ಟಿಯನ್ನು ಮಾಡಿ. ಇದು ನಿಮ್ಮ ಭವಿಷ್ಯದ ರೆಸ್ಯೂಮ್ ಮತ್ತು ವಿವಿಧ ಜಾಬ್ ಪೋರ್ಟಲ್ ವೆಬ್ ಸೈಟ್ಗಳಲ್ಲಿ ಉಲ್ಲೇಖಿಸಲು ಬೇಕಾಗುತ್ತದೆ. (ಸಾಂದರ್ಭಿಕ ಚಿತ್ರ)

6) ನೀವು ಮತ್ತು ನಿಮ್ಮ ಕಂಪನಿಯು ಪ್ರಾವಿಡೆಂಟ್ ಫಂಡ್ ಗೆ ಕೊಡುಗೆ ನೀಡುತ್ತಿದ್ದರೆ, ಹೊಸ ಕಂಪನಿಗೆ PF ಖಾತೆಯನ್ನು ವರ್ಗಾಯಿಸಲು ಆನ್ಲೈನ್ ಫಾರ್ಮ್ ಅನ್ನು ಫೈಲ್ ಮಾಡಲು ಮರೆಯಬೇಡಿ. ಕೊನೆಯದಾಗಿ ನಿಮ್ಮ ಅಂತಿಮ ಪಾವತಿಯ ಚೆಕ್ ಅನ್ನು ಪಡೆಯಿರಿ. (ಸಾಂದರ್ಭಿಕ ಚಿತ್ರ)