UPSC Success Story: ಗಂಡ-ಹೆಂಡತಿ ಓದಿದ್ದು MBBS, ಈಗ ಇಬ್ಬರೂ IAS ಅಧಿಕಾರಿಗಳು

ಯುಪಿಎಸ್ ಸಿ ಪರೀಕ್ಷೆ ಪಾಸ್ ಆದ ಬಳಿಕ LBSNAA ನಲ್ಲಿ ನೀಡುವ ತರಬೇತಿಯ ಸಮಯದಲ್ಲಿ ಅನೇಕ IAS ಅಧಿಕಾರಿಗಳು ತಮ್ಮ ಜೀವನ ಸಂಗಾತಿಯನ್ನು ಕಂಡುಕೊಳ್ಳುತ್ತಾರೆ. ಇನ್ನು ಕೆಲ ಐಎಎಸ್ ಅಥವಾ ಐಪಿಎಸ್ ಸರ್ಕಾರಿ ಸೇವೆಯಲ್ಲಿದ್ದಾಗ ಮದುವೆಯಾಗುತ್ತಾರೆ. ಇದೇ ರೀತಿ ದಂಪತಿಗಳಾಗಿರುವ ಕೇರಳದ ಐಎಎಸ್ ಜೋಡಿ ಬಗ್ಗೆ ನಾವಿಂದು ಮಾತನಾಡುತ್ತಿದ್ದೇವೆ.

ಕೇರಳದ ಡಾ. ರೇಣು ರಾಜ್ ಐಎಎಸ್ ಮತ್ತು ಅವರ ಪತಿ ಐಎಎಸ್ ಶ್ರೀರಾಮ್ ವೆಂಕಟರಾಮನ್ ದಂಪತಿ ಸಾಕಷ್ಟು ಫೇಮಸ್ ಆಗಿದ್ದಾರೆ. ಇಬ್ಬರೂ ಎಂಬಿಬಿಎಸ್ ಮಾಡಿದವರು. ಇಬ್ಬರೂ ತಮ್ಮ ತಮ್ಮ ಬ್ಯಾಚ್ ನಲ್ಲಿ 2ನೇ ರ್ಯಾಂಕ್ ಪಡೆದವರು. ಇಬ್ಬರೂ ಕೇರಳದ ನಿವಾಸಿಗಳು. ಈಗ ಜೊತೆಯಾಗಿ ದಾಂಪತ್ಯ ನಡೆಸುತ್ತಿದ್ದಾರೆ.

ಶ್ರೀರಾಮ್ ವೆಂಕಟರಾಮನ್ ಮತ್ತು ಡಾ. ರೇಣು ರಾಜ್ ಏಪ್ರಿಲ್ 2022 ರಲ್ಲಿ ಹತ್ತಿರದ ಕುಟುಂಬದ ಸದಸ್ಯರ ಸಮ್ಮುಖದಲ್ಲಿ ವಿವಾಹವಾದರು. ಇದು ಶ್ರೀರಾಮ್ ವೆಂಕಟರಾಮನ್ ಅವರ ಮೊದಲ ಮತ್ತು ರೇಣು ರಾಜ್ ಅವರ ಎರಡನೇ ಮದುವೆಯಾಗಿದೆ.

ಶ್ರೀರಾಮ್ ವೆಂಕಟರಾಮನ್ 2012ರಲ್ಲಿ ಐಎಎಸ್ ಆದರು. ಆದರೆ, ರೇಣು ರಾಜ್ 2014 ರಲ್ಲಿ ಐಎಎಸ್ ಆದರು. ಇವರಿಬ್ಬರೂ UPSC ಪರೀಕ್ಷೆಯಲ್ಲಿ ಎರಡನೇ ರ್ಯಾಂಕ್ ಪಡೆದಿದ್ದಾರೆ.

ರೇಣು ರಾಜ್ ಕೊಟ್ಟಾಯಂ ನಿವಾಸಿ ಮತ್ತು ಆಕೆಯ ಪತಿ ಶ್ರೀರಾಮ್ ವೆಂಕಟರಾಮನ್ ಕೊಚ್ಚಿ ನಿವಾಸಿ. ಇಬ್ಬರೂ ವೈದ್ಯಕೀಯ ಶಿಕ್ಷಣ ಅಂದರೆ ಎಂಬಿಬಿಎಸ್ ಕೋರ್ಸ್ ಮುಗಿಸಿ ನಾಗರಿಕ ಸೇವೆಯತ್ತ ಮುಖ ಮಾಡಿದವರು.

ಐಎಎಸ್ ರೇಣು ರಾಜ್ ಅವರು ಅಲಪ್ಪುಳ ಜಿಲ್ಲಾಧಿಕಾರಿ ಮತ್ತು ಅವರ ಪತಿ ಶ್ರೀರಾಮ್ ವೆಂಕಟರಾಮನ್ ಅವರು ಕೇರಳ ರಾಜ್ಯ ವೈದ್ಯಕೀಯ ಸೇವೆಗಳ ನಿಗಮದ ಎಂಡಿ ಆಗಿದ್ದಾರೆ.

ಅನೇಕ ಫೇಮಸ್ ಐಎಎಸ್ ದಂಪತಿಗಳ ಸಾಲಿಗೆ ರೇಣು ರಾಜ್ ಹಾಗೂ ಶ್ರೀರಾಮ್ ವೆಂಕಟರಾಮನ್ ಸಹ ಸೇರಿದ್ದಾರೆ. ದೇಶ ಸೇವೆಯಲ್ಲಿ ತೊಡಗಿರುವ ಈ ಸರ್ಕಾರಿ ಅಧಿಕಾರಿಗಳು ನಿಜ ಅರ್ಥದಲ್ಲಿ ಸೆಲೆಬ್ರೆಟಿಗಳು ಎನ್ನಬಹುದು.