Career Tips: 2023ರಲ್ಲಿ ಪ್ರಮೋಷನ್, ಹೈಕ್ ಸಿಗಬೇಕೆಂದರೆ ವರ್ಷದ ಕೊನೆಯಲ್ಲಿ ಈ ದಾಖಲೆಗಳನ್ನು ಸಂಗ್ರಹಿಸಿ

ಹೌದು, 2023ರಲ್ಲಿ ಬಡ್ತಿ-ವೇತನ ಏರಿಕೆ ಬಯಸುವವರು ವರ್ಷದ ಕೊನೆಯಲ್ಲಿ ಈ ಕೆಲಸವನ್ನು ಮಾಡಲೇಬೇಕು. ನಿಮ್ಮ ವೃತ್ತಿಯಲ್ಲಿನ ಬೆಳವಣಿಗೆ ರಾತ್ರೋರಾತ್ರಿ ಆಗುವಂತದ್ದು ಅಲ್ಲ, ಅದಕ್ಕಾಗಿ ನಿಮ್ಮ ಶ್ರಮ-ತಯಾರಿ ಇರಬೇಕು. 2022ರಲ್ಲಿ ನೀವು ಮಾಡಿದ ಕೆಲಸ ಆಧಾರದ ಮೇಲೆಯೇ 2023ರಲ್ಲಿ ಪ್ರಮೋಷನ್, ಹೈಕ್ ಸಿಗುತ್ತೆ ಅನ್ನೋದನ್ನು ಮರೆಯಬೇಡಿ.

ಈ ಹಿನ್ನೆಲೆಯಲ್ಲಿ ನೀವು 2022ರಲ್ಲಿ ಮಾಡಿದ ಕೆಲಸಗಳ ಬಗ್ಗೆ ದಾಖಲೆಗಳನ್ನು ಸಂಗ್ರಹಿಸಿಟ್ಟುಕೊಳ್ಳಬೇಕು. ನೀವು ಮಾಡಿದ ಕೆಲಸದ ಅಂಕಿಅಂಶಗಳು, ಯಾವ ಗುರಿಗಳನ್ನು ಮುಟ್ಟಿದ್ದೀರಿ. ಎಲ್ಲಿ ನಿಮ್ಮದೇ ಆದ ಸ್ಕಿಲ್ ಮೂಲಕ ಕಂಪನಿಗೆ ಲಾಭ ಮಾಡಿಕೊಟ್ಟಿದ್ದೀರಿ ಎಂಬುವುದನ್ನು ಮ್ಯಾನೇಜರ್ ಗೆ ದಾಖಲೆಗಳಲ್ಲಿ ತಿಳಿಸಲು ನೀವು ಈಗಲೇ ಅವುಗಳನ್ನು ಸಂಗ್ರಹಿಸಬೇಕು.

ಸ್ಯಾಲರಿ ಹೈಕ್, ಪ್ರಮೋಷನ್ ಸಿಗಲು ಕನಿಷ್ಟ 6-9 ತಿಂಗಳ ತಯಾರಿ ಇರಬೇಕು. ಒಳ್ಳೆಯ ಸಾಧನೆಯನ್ನು ತೋರಬೇಕು. ಅವುಗಳ ಬಗ್ಗೆ ದಾಖಲೆಗಳನ್ನು ಸಂಗ್ರಹಿಸಿ ಬಾಸ್ ಮುಂದೆ ಇಟ್ಟು ಮಾತನಾಡಬೇಕು. ಈ ರೀತಿಯಲ್ಲಿ ಮಾತನಾಡಿದರೆ ನೀವು ಬಯಸಿದ ಬಡ್ತಿ, ಹೈಕ್ ಸಿಗಲು ಸಹಾಯವಾಗುತ್ತದೆ.

ಪ್ರಮೋಷನ್ ರಾತ್ರೋರಾತ್ರಿ ಆಗುವಂತಹದ್ದು ಅಲ್ಲ. ನೀವು ಏಕೆ ಅರ್ಹರಾಗಿದ್ದೀರಿ ಎಂಬುದರ ಕುರಿತು ಇಮೇಜ್ ಸೃಷ್ಟಿಸಲು ಕೆಲವೊಮ್ಮೆ ತಿಂಗಳುಗಳನ್ನು ತೆಗೆದುಕೊಳ್ಳಬಹುದು. ಆದ್ದರಿಂದ ನೀವು ಬಡ್ತಿ ಪಡೆಯಲು ಬಯಸುವ ಆರರಿಂದ ಒಂಬತ್ತು ತಿಂಗಳ ಮೊದಲು ನಿಮ್ಮ ಮ್ಯಾನೇಜರ್ನೊಂದಿಗೆ ಆರಂಭಿಕ ಸಂಭಾಷಣೆಯನ್ನು ನಡೆಸಲು ಯೋಜಿಸಿ.

ನಿಮ್ಮ ವಾರ್ಷಿಕ ಪರ್ಫಾಮೆನ್ಸ್ ರಿವ್ಯೂ ವೇಳೆ ನಿಮ್ಮ ವೃತ್ತಿಜೀವನದ ಮುಂದಿನ ಹಂತಕ್ಕೆ ಹೋಗಲು ನಿಮಗೆ ಏನು ಬೇಕಾಗುತ್ತದೆ ಎಂಬುದರ ಮೇಲೆ ಕೇಂದ್ರೀಕರಿಸಿ. ಇದನ್ನು ಮನಸ್ಸಿನಲ್ಲಿಟ್ಟುಕೊಂಡು ಭವಿಷ್ಯದ ಪ್ರಮೋಷನ್ ಸಾಧ್ಯತೆಯ ಕುರಿತು ಮಾತನಾಡಿ. ಸಾಂದರ್ಭಿಕ ಚಿತ್ರ

ನಿಮ್ಮ ಸಾಧನೆಗಳ ಬಗ್ಗೆ ಮಾತನಾಡುವಾಗ ಎಚ್ಚರಿಕೆ ಅಗತ್ಯ. ಎಲ್ಲಾ ನೀವೊಬ್ಬರೇ ಮಾಡಿದ್ದೀರಿ ಎಂಬ ಅರ್ಥದಲ್ಲಿ ಮಾತನಾಡಬೇಡಿ. ನೀವು ಟೀಂ ಪ್ಲೇಯರ್ ಅಲ್ಲ ಎಂಬ ಭಾವನೆ ಬರಬಹುದು. ನಿಮ್ಮ ಬಗ್ಗೆ ದಾಖಲೆಗಳೊಂದಿಗೆ ಮಾತನಾಡಿದಾಗ ಅದು ವಾಸ್ತವಕ್ಕೆ ಹತ್ತಿರವಿರುತ್ತೆ.

ಚೆನ್ನಾಗಿ ಕೆಲಸ ಮಾಡಿದ್ದೀರಿ ಎಂದ ಮಾತ್ರಕ್ಕೆ ನೀವು ಬಯಸಿದ ಹುದ್ದೆ ಕೊಡಬೇಕು ಅಂತೇನು ಅಲ್ಲ. ನಿಮ್ಮ ಕಂಪನಿಯಲ್ಲಿ ಹುದ್ದೆಯೇ ಖಾಲಿ ಇಲ್ಲದಿರಬಹುದು. ಅಂತಹ ಸಮಯದಲ್ಲಿ ಹೆಚ್ಚುವರಿ ಹುದ್ದೆಯ ಹೆಸರನ್ನು ನೀವೇ ಸೂಚಿಸಿ. ಅದಕ್ಕೆ ನೀವು ಹೇಗೆ ಸೂಕ್ತ ಉದ್ಯೋಗಿ ಎಂಬುವುದನ್ನು ವಿವರಿಸಿ.

ಬಾಸ್/ ಮ್ಯಾನೇಜರ್ ಜೊತೆ ಸಂಬಳ ಏರಿಕೆ ಬಗ್ಗೆ ಮಾತನಾಡುವಾಗ ವಾಸ್ತವಕ್ಕೆ ಹತ್ತಿರ ಇರುವಂತೆ ನಿಮ್ಮ ನಿರೀಕ್ಷೆಗಳಿರಲಿ. ಮಾರ್ಕೆಟ್ ನಲ್ಲಿ ನಿಮ್ಮ ಕೆಲಸಕ್ಕೆ ಎಷ್ಟು ಮೌಲ್ಯವಿದೆ ಎಂಬುದನ್ನು ತಿಳಿದುಕೊಂಡು, ನಂತರ ಮಾತನಾಡಿ.