Employment Rights: ಕೆಲಸಕ್ಕೆ ಸೇರುವಾಗ ಕಂಪನಿಯ 5 ನಿಯಮಗಳನ್ನು ಗಮನಿಸಿ, ಇಲ್ಲವಾದರೆ ತೊಂದರೆ ಆಗುತ್ತೆ

1) Employment Contract: ಅನೇಕ ಕಂಪನಿಗಳು ತಮ್ಮಲ್ಲಿ ಸೇರುವ ಉದ್ಯೋಗಿ ಇಂತಿಷ್ಟು ವರ್ಷಗಳ ಕಾಲ ಕೆಲಸ ಮಾಡಲೇಬೇಕು ಎಂದು ಒಪ್ಪಂದಕ್ಕೆ ಸಹಿ ಹಾಕಿಸಿಕೊಳ್ಳುತ್ತಾರೆ. ಜೊತೆಗೆ ವರ್ಜಿನಲ್ ಬಾಂಡ್ ಕಂಪನಿಯ ಬಳಿಯೇ ಇರುತ್ತದೆ ಎಂದು ಹೇಳುತ್ತಾರೆ. ಇದನ್ನು ಒಪ್ಪಿಕೊಳ್ಳಬಾರದು. ವರ್ಜಿನಲ್ ದಾಖಲೆ ನಿಮ್ಮ ಬಳಿ ಇಟ್ಟುಕೊಂಡು ಕಾಪಿಯನ್ನು ಕಂಪನಿಯವರಿಗೆ ನೀಡಬಹುದು ಎಂಬುವುದನ್ನು ಮರೆಯದಿರಿ.

ಇನ್ನು ಬಾಂಡ್ ಗೆ ಸಹಿ ಹಾಕಿದವರು ಅವಧಿಗೂ ಮುನ್ನ ಕೆಲಸ ಬಿಟ್ಟರೆ ದಂಡ ಕಟ್ಟಬೇಕಾಗುತ್ತದೆ ಎನ್ನುತ್ತಾರೆ. ಇದು ತಪ್ಪು ಮಾಹಿತಿ. ಅಂತಹ ಸಂದರ್ಭದಲ್ಲಿ ನೀವು ಉದ್ಯೋಗ ಬಾಂಡ್ ಗಳ ಸಿಂಧುತ್ವವನ್ನು ಭಾರತೀಯ ಒಪ್ಪಂದ ಕಾಯಿದೆಯ ಸೆಕ್ಷನ್ 27 ರ ಆಧಾರದ ಮೇಲೆ ಪ್ರಶ್ನಿಸಬಹುದು.

2) ನೋಟಿಸ್ ಪಿರಿಯಡ್ಸ್: ಎಲ್ಲಾ ಕಂಪನಿಗಳೂ ನೋಟಿಸ್ ಪಿರಿಯಡ್ ನಿಯಮಗಳನ್ನು ಉದ್ಯೋಗಿಗಳ ಮೇಲೆ ಹೇರುತ್ತಾರೆ. 2ರಿಂದ 3 ವಾರಗಳ ನೋಟಿಸ್ ಪಿರಿಯಡ್ ಸಹಜ. ಆದರೆ 3 ತಿಂಗಳು ಅಂತೇಲ್ಲ ಹೇಳುವ ಸಾಧ್ಯತೆಗಳಿರುತ್ತವೆ. ನೋಟಿಸ್ ಪಿರಿಯಡ್ ಮಾಡದಿದ್ದರೆ ಹಣ ಕೊಡಬೇಕು ಎಂದು ಹೇಳುತ್ತಾರೆ. ಹೀಗಾಗಿ ಮೊದಲೇ ಕೇಳಿಕೊಂಡು ಕೆಲಸಕ್ಕೆ ಜಾಯ್ನ್ ಆಗಿ.

3) ಪ್ರತಿಸ್ಪರ್ಧಿ ಕಂಪನಿಗೆ ಸೇರದಂತೆ ಬಾಂಡ್ ಮಾಡಿಕೊಳ್ಳುವುದು ಕೂಡ ಕಾನೂನು ಬದ್ಧವಲ್ಲ. ಉದ್ಯೋಗದಾತರಿಗೆ ನಿರ್ದಿಷ್ಟ ಅವಧಿಗೆ ಸೇವೆ ಸಲ್ಲಿಸಲು ಉದ್ಯೋಗ ಬಾಂಡ್ ನಲ್ಲಿ ಒಪ್ಪಿಕೊಂಡಿದ್ದರೂ ಸಹ ರಾಜೀನಾಮೆ ನೀಡುವ ಹಕ್ಕನ್ನು ಉದ್ಯೋಗಿ ಹೊಂದಿರುತ್ತಾನೆ. ಒಮ್ಮೆ ಆ ಕಂಪನಿಯಿಂದ ಹೊರ ಬಂದ ಮೇಲೆ ಯಾವುದೇ ಕಂಪನಿಗೆ ನೀವು ಸೇರುವ ಹಕ್ಕಿರುತ್ತೆ. ಸಾಂದರ್ಭಿಕ ಚಿತ್ರ

4) ಸಾಮಾಜಿಕ ಭದ್ರತೆಯ ಹಕ್ಕು: ಸರ್ಕಾರದ ಪ್ರಕಾರ, ಕಂಪನಿಯವರು ಉದ್ಯೋಗಿಗೆ ಮೂಲ ಭವಿಷ್ಯ ನಿಧಿ ಸೌಲಭ್ಯವನ್ನು ಒದಗಿಸುವುದನ್ನು ಕಡ್ಡಾಯಗೊಳಿಸಲಾಗಿದೆ. ಪ್ರಸ್ತುತ ಕಾನೂನುಗಳು ಉದ್ಯೋಗದಾತರು ಮತ್ತು ಉದ್ಯೋಗಿಗಳು ತಮ್ಮ ಮಾಸಿಕ ಸಂಬಳದ 12% ಅನ್ನು ತಮ್ಮ ಭವಿಷ್ಯ ನಿಧಿಗೆ ಪಾವತಿಸಬೇಕೆಂದು ಆದೇಶಿಸುತ್ತದೆ. ಸಾಂಕೇತಿಕ ಚಿತ್ರ

5) ಲೈಂಗಿಕ ಕಿರುಕುಳದ ವಿರುದ್ಧದ ಕಾನೂನು: 10ಕ್ಕಿಂತ ಹೆಚ್ಚು ಉದ್ಯೋಗಿಗಳನ್ನು ಹೊಂದಿರುವ ಎಲ್ಲಾ ಉದ್ಯೋಗದಾತರು POSH ಗಾಗಿ ದೃಢವಾದ ಕಾರ್ಯವಿಧಾನವನ್ನು ರಚಿಸುವ ಅಗತ್ಯವಿದೆ ಎಂದು ಉದ್ಯೋಗಿಗಳು ತಿಳಿದಿರಬೇಕು. ಸಾಂದರ್ಭಿಕ ಚಿತ್ರ

ಇನ್ನು ಕಂಪನಿಯವರು ಆಧಾರ್/ಪಾನ್ ಕಾರ್ಡ್ ಮಾಹಿತಿ ಹೇಳುವುದು ಕಾನೂನಾತ್ಮಕವೇ ಎಂದು ಅನೇಕ ಉದ್ಯೋಗಿಗಳು ಕೇಳುತ್ತಾರೆ. ಇದರಲ್ಲಿ ಯಾವುದೇ ಅಪಾಯವಿಲ್ಲ, ಈ ದಾಖಲೆಗಳನ್ನು ಕೇಳುವುದು ಸಾಮಾನ್ಯ. ಸಾಂದರ್ಭಿಕ ಚಿತ್ರ