Career Tips for Freshers: ಮೊದಲ ಉದ್ಯೋಗ ಪಡೆಯುವುದು ಕಷ್ಟವಾಗುತ್ತಿದ್ರೆ 5 ಟ್ರಿಕ್ಸ್ ಬಳಸಿ

ಓದು ಮುಗಿಸಿ ಉದ್ಯೋಗಕ್ಕಾಗಿ ಅಲೆದಾಡುವ ಸಮಯ ಒಂದು ಅಗ್ನಿಪರೀಕ್ಷೆಯ ಕಾಲ. ಹಾಗಾಗಿ ಸಾಕಷ್ಟು ಯುವಜನತೆ ಕೆಲಸ ಸಿಗಲು ತಡವಾದಾಗ ಹತಾಷೆಗೊಳ್ಳುತ್ತಾರೆ. ಇದರಿಂದ ಕೆಲಸ ಹುಡುಕುವ ಉತ್ಸಾಹ ಮತ್ತಷ್ಟು ಕುಂಠಿತವಾಗುತ್ತೆ. ಅದರ ಬದಲು ಸ್ಮಾರ್ಟ್ ಆಗಿ ಉದ್ಯೋಗ ಬೇಟೆಗೆ ಇಳಿಯಬೇಕು. ಅದಕ್ಕಾಗಿ 5 ಸಲಹೆಗಳನ್ನು ಇಲ್ಲಿ ನೀಡಲಾಗಿದೆ.

1) ಸೋಷಿಯಲ್ ಮೀಡಿಯಾ ಸಹಾಯ ಪಡೆಯಿರಿ: ಯಾವುದೇ ಕೆಲಸಕ್ಕೆ ಅರ್ಜಿ ಸಲ್ಲಿಸುವ ಮೊದಲು, ನಿಮ್ಮ ಸಾಮರ್ಥ್ಯ ಮತ್ತು ಆಸಕ್ತಿಯ ಬಗ್ಗೆ ನೀವು ತಿಳಿದಿರಬೇಕು. ನೀವು ಫ್ರೆಶರ್ ಆಗಿದ್ದರೆ, ಉದ್ಯೋಗದ ಮಾಹಿತಿ ಲಭ್ಯವಿರುವ ಗ್ರೂಪ್ ಗಳಿಗೆ ಸೇರಿಕೊಳ್ಳಿ. ಇದಕ್ಕಾಗಿ, ನೀವು ಫೇಸ್ ಬುಕ್ ನಂತಹ ಸೋಷಿಯಲ್ ಮೀಡಿಯಾ ಸಹಾಯ ಪಡೆಯಬಹುದು.

2) ರಿಜೆಕ್ಷನ್ ಗೆ ಹೆದರಬೇಡಿ: ಉದ್ಯೋಗ ಪಡೆಯುವುದು ಎಂದಿಗೂ ಸುಲಭವಲ್ಲ. ಉದ್ಯೋಗ ಹುಡುಕಾಟದ ಸಮಯದಲ್ಲಿ ನೀವು ಅನೇಕ ಬಾರಿ ನಿರಾಕರಣೆಗಳನ್ನು ಎದುರಿಸಬಹುದು. ಏಕೆ ನಿಮಗೆ ಉದ್ಯೋಗ ಸಿಗಲಿಲ್ಲ ಎಂದು ತಿಳಿದು, ಆ ನಿಟ್ಟಿನಲ್ಲಿ ನಿಮ್ಮನ್ನು ಸುಧಾರಿಸಿಕೊಳ್ಳಿ.

3) ಟೈಮ್ ತುಂಬಾ ಮುಖ್ಯ: ಉದ್ಯೋಗ ಹುಡುಕಾಟದ ಸಮಯದಲ್ಲಿ ಸಮಯ ನಿರ್ವಹಣೆ ಸಹ ಮುಖ್ಯವಾಗಿದೆ. ಈ ಸಮಯದಲ್ಲಿ, ನಿಮ್ಮ ಇ-ಮೇಲ್ ಅನ್ನು ನಿಯಮಿತವಾಗಿ ಪರಿಶೀಲಿಸುತ್ತಿರಿ. ಉತ್ತರಿಸಲು ಎಂದಿಗೂ ವಿಳಂಬ ಮಾಡಬೇಡಿ, ಇಲ್ಲದಿದ್ದರೆ ನೀವು ಅವಕಾಶ ವಂಚಿತರಾಗಬಹುದು. ಇದಲ್ಲದೇ ಸಂದರ್ಶನಕ್ಕೆ ಹೋಗುವಾಗ ಟೈಮಿಗೆ ಕರೆಕ್ಟ್ ಆಗಿ ಹೋಗಿ.

4) ವಂಚನೆಗೆ ಒಳಗಾಗಬೇಡಿ: ಉದ್ಯೋಗ ಸೈಟ್ ಗಳಲ್ಲಿ ಹಲವು ರೀತಿಯ ಉದ್ಯೋಗ ಆಯ್ಕೆಗಳು ಲಭ್ಯವಿವೆ, ಆದರೆ ಯಾವುದೇ ಕಂಪನಿಯಲ್ಲಿ ಅರ್ಜಿ ಸಲ್ಲಿಸುವ ಮೊದಲು ಅದರ ಬಗ್ಗೆ ಮಾಹಿತಿ ಪಡೆದುಕೊಳ್ಳಿ. ಇಲ್ಲದಿದ್ದರೆ, ನೀವು ವಂಚನೆಗೆ ಬಲಿಯಾಗಬಹುದು. ಹಣ ಕೊಟ್ಟರೆ ಕೆಲಸ ಕೊಡಿಸುತ್ತೇವೆ ಎಂಬ ಜಾಲಕ್ಕೂ ಬೀಳಬೇಡಿ

5) ಎಕ್ಸ್ ಪಿರಿಯನ್ಸ್ ಆಗಬೇಕು: ಮೊದಲ ಕೆಲಸವನ್ನು ಪಡೆಯುವುದು ಸ್ವಲ್ಪ ಕಷ್ಟ. ಅನುಭವವನ್ನು ಪಡೆಯಲು, ಎಲ್ಲರೂ ಎಲ್ಲಿಂದಲೋ ಪ್ರಾರಂಭಿಸಬೇಕು. ಅದಕ್ಕೇ ಸಣ್ಣ ಕೆಲಸಕ್ಕೆ ಸೇರಲು ಹಿಂಜರಿಯಬೇಡಿ.

ನಿಮ್ಮ ಇಚ್ಛೆಯ ಪ್ರಕಾರ ನೀವು ಪೋಸ್ಟ್ ಅನ್ನು ಪಡೆಯದಿರಬಹುದು, ಆದರೆ ನೀವು ಏನನ್ನಾದರೂ ಕಲಿಯುವಿರಿ. ಅನುಭವವನ್ನು ಪಡೆದ ನಂತರ, ನೀವು ಬೇರೆ ಸ್ಥಳದಲ್ಲಿ ಕೆಲಸ ಪಡೆಯಬಹುದು.