Career Tips: ಹೊಸದಾಗಿ ಕೆಲಸಕ್ಕೆ ಸೇರಿದ ಉದ್ಯೋಗಿಗಳು ಈ 4 ತಪ್ಪುಗಳನ್ನು ಮಾಡಲೇಬಾರದು

ಒಂದೊಳ್ಳೆ ಕಂಪನಿಯಲ್ಲಿ ಬಯಸಿದ ಹುದ್ದೆ, ಆಕರ್ಷಕ ಸಂಬಳ ಸಿಕ್ಕಾಗ ಉದ್ಯೋಗಿಗಳು ಕನಸು ನನಸ್ಸಾಯಿತು ಎಂದು ಭಾವಿಸುತ್ತಾರೆ. ನಿರೀಕ್ಷೆಗಳೊಂದಿಗೆ ಹೊಸ ಆಫೀಸ್ ಗೆ ಕಾಲಿಡುವ ಉದ್ಯೋಗಿಗಳು ಕೆಲವೊಂದು ತಪ್ಪುಗಳನ್ನು ಮಾಡುತ್ತಾರೆ. ಈ ತಪ್ಪುಗಳು ಅವರ ವೃತ್ತಿ ಮೇಲೆ ನಿಜಕ್ಕೂ ಕೆಟ್ಟ ಪರಿಣಾಮವನ್ನು ಬೀರುತ್ತವೆ. ಉದ್ಯೋಗಿಯೂ ತಪ್ಪಿಸಬಹುದಾದ 4 ಮಿಸ್ಟೇಕ್ ಗಳ ಬಗ್ಗೆ ಇಲ್ಲಿ ಮಾಹಿತಿ ನೀಡಲಾಗಿದೆ.

1. ಆಫೀಸ್ ನಲ್ಲಿ ವರ್ಸನಲ್ ವಿಷಯಗಳನ್ನು ಶೇರ್ ಮಾಡುವುದು: ಮೊದಲಿಗೆ ಪ್ರತಿಯೊಬ್ಬ ಉದ್ಯೋಗಿಯೂ ಪರ್ಸನಲ್ ಲೈಫ್ ಹಾಗೂ ಪ್ರೊಫೆಷನಲ್ ಲೈಫ್ ಮಧ್ಯೆ ಇರುವ ಗೆರೆಯನ್ನು ಅರಿತುಕೊಳ್ಳಬೇಕು. ವೈಯಕ್ತಿಕ ವಿಚಾರಗಳನ್ನು ಆಫೀಸ್ ನಲ್ಲಿ ಹಂಚಿಕೊಳ್ಳಬಾರದು.

ಸಹೋದ್ಯೋಗಿಗಳ ಜೊತೆ ವೈಯಕ್ತಿಕ ವಿಚಾರಗಳನ್ನು ಹಂಚಿಕೊಳ್ಳುವುದು ಮುಂದಿನ ದಿನಗಳಲ್ಲಿ ನಿಮಗೆ ತೊಂದರೆಯನ್ನು ತಂದಿಡಬಹುದು. ಗಾಸಿಪ್ ಗೆ ಕಾರಣವಾಗಬಹುದು. ಆಫೀಸ್ ನಲ್ಲಿ ನಿಮ್ಮ ಮೇಲಿನ ಅಭಿಪ್ರಾಯ ಕೆಡಬಹುದು. ಇದು ನಿಮ್ಮ ಕೆಲಸ ಮೇಲೆ ಕೆಟ್ಟ ಪರಿಣಾಮ ಬೀರುತ್ತೆ ಎಚ್ಚರಿಕೆ.

2. ಸಮಯಕ್ಕೆ ಸರಿಯಾಗಿ ಕೆಲಸ ಮಾಡದಿರುವುದು: ಪ್ರತಿಯೊಂದು ಆಫೀಸ್ ಸಹ ತನ್ನ ಉದ್ಯೋಗಿಗಳು ಸಮಯಕ್ಕೆ ಸರಿಯಾಗಿ ಡ್ಯೂಟಿಗೆ ಬರಲಿ, ಕೊಟ್ಟ ಕೆಲಸವನ್ನು ಡೆಡ್ ಲೈನ್ ಒಳಗೆ ಮುಗಿಸಲಿ ಎಂದು ಬಯಸುತ್ತದೆ.

ತಡವಾಗಿ ಆಫೀಸ್ ಗೆ ಬರುವುದು, ಕಾಫಿ-ಲಂಚ್ ಬ್ರೇಕ್ ಗಳಲ್ಲೇ ಹೆಚ್ಚಿನ ಸಮಯವನ್ನು ಕಳೆಯುವುದು, ಅವಧಿಗೂ ಮುನ್ನವೇ ಆಫೀಸ್ ನಿಂದ ಹೊರಡುವುದು ಮತ್ತು ಕೆಲಸದ ಡೆಡ್ ಲೈನ್ ಗಳನ್ನು ವಿನಾಕಾರಣ ಮೀರುವುದು ನಿಮ್ಮನ್ನು ಕೆಟ್ಟ ಕೆಲಸಗಾರನನ್ನಾಗಿ ಮಾಡುತ್ತದೆ. (ಸಾಂಧರ್ಬಿಕ ಚಿತ್ರ)

3. ಸಹೋದ್ಯೋಗಿಗಳ ಜೊತೆ ಕೆಟ್ಟದಾಗಿ ವರ್ತಿಸುವುದು: ಆಫೀಸ್ ನಲ್ಲಿ ಜೂನಿಯರ್ ಇರಲಿ, ಸೀನಿಯರ್ ಇರಲಿ ಎಲ್ಲರನ್ನೂ ಗೌರವದಿಂದಲೇ ಮಾತನಾಡಿಸಿ. ಸರಿಯಾಗಿ ಕಮ್ಯುನಿಕೇಟ್ ಮಾಡದೇ ಇರುವುದು, ಗಾಸಿಪ್ ಮಾಡುವುದನ್ನು ತಪ್ಪಿಸಿ. ಕೋಪದಿಂದ, ದರ್ಪದಿಂದ ವರ್ತಿಸಿದರೆ ನಿಮ್ಮ ಇಮೇಜ್ ಹಾಳಾಗುತ್ತದೆ. (ಸಾಂದರ್ಭಿಕ ಚಿತ್ರ)

4. ಅತಿಯಾದ ಫೋನ್ ಬಳಕೆ: ಇಂದಿನ ದಿನದಲ್ಲಿ ಎಲ್ಲದಕ್ಕೂ ಸ್ಮಾರ್ಟ್ ಫೋನ್ ಇರಬೇಕು. 5 ನಿಮಿಷಕ್ಕೊಮ್ಮೆಯಾದರೂ ಮೊಬೈಲ್ ನೋಡುತ್ತೇವೆ. ಆದರೆ ಹೊಸದಾಗಿ ಆಫೀಸ್ ಗೆ ಸೇರಿದಾಗ ನಿಮ್ಮ ಈ ಅಭ್ಯಾಸವನ್ನು ಲಿಮಿಟ್ ನಲ್ಲಿಟ್ಟುಕೊಳ್ಳಿ.

ಕೆಲಸ ಅವಧಿಯಲ್ಲಿ ಸೋಷಿಯಲ್ ಮೀಡಿಯಾ ಆ್ಯಪ್ ಗಳನ್ನು ನೋಡುವುದು. ಫೋನ್ ನಲ್ಲಿ ಮಾತನಾಡುತ್ತಾ ಇರುವುದನ್ನು ತಪ್ಪಿಸಿ. ಮೊಬೈಲ್ ಪಕ್ಕಕ್ಕೆ ಇಟ್ಟು ಕೆಲಸದ ಕಡೆ ಗಮನ ಕೊಡಿ. ಸಾಮಾನ್ಯವಾಗಿ ಆಗುವ ಈ ತಪ್ಪುಗಳನ್ನು ತಪ್ಪಿಸಿದರೆ ನಿಮಗೆ ಕೆಲಸಗಾರನಾಗಿ ಒಳ್ಳೆಯ ಇಮೇಜ್ ಬರುತ್ತದೆ.